MORGUE LEH CREMATORY(Thihna leh a kai hnawih) † NIPUIA PUALIN †

MORGUE LEH CREMATORY(Thihna leh a kai hnawih)

† NIPUIA PUALIN †

★Opeey-a Khiangte
__________________________________________

† Facebook leh WhatsApp NEWS GROUPS admin Sports News POST thin Pu.Nipuia Vawin a..Vui liam tur pualin aw.. †

Hriat ve leh mai mai atan Thihna kaihhnawih, Ruang dah lailawkna hmun leh, Ruang halralna hmun chanchin lam han bih leh ta ila..

Morgue tih hi Mormortuary ti pawhin an sawi a. Mihring ruang phum emaw, halral emaw leh autopsy hmaa lo dah lailawkna room a ni a.

Tun lai hian, Hmun changkang zawkah chuan, Ruang a tawih mai loh nan,  Morgue chhung lam chu vawt taka siam refrigerated a ni tlangpui thin a ni. Morgue tih hi North American English a nih laiin, Mortuary tih hi British English a ni thung.

Amaherawhchu, engemaw chang chuan, duh duh zawk an hmang ve leh mai mai lawi si thin a ni. British Hospital-ah chuan, Damlo hriatah Mortuary/Morgue tih aiah, “Rose Cottage” tih leh “Rainbow’s End” tiin an sawi daih thung thin.

Tin, Rainbow's End tih hi Damlo, la Naupang deuhho bulah an tawng hman dan tlangpui a ni a.  Mitthi ruang buaipuitu/Singsatute hi adiener te, morgue attendant te, Autopsy technician te an ti leh bawk a ni.

Ruang dahna Morgue room vawt (Cold chamber) hi chi hnih a awm a:

★1) Positive temperature - Hetah hi chuan, Ruang chu boruak temperature 2 °C (36 °F) leh 4°C (39 °F) inkar vela vawtah dah a ni a. Ruang tawih (decomposition) a venghim hran lo va, room temperature pangngaia ruang dah aiin ruang a tawih har deuh zawk tih ang lek a ni.
__________________________________________

★2) Negative temperature - Hetah hi chuan, Ruang chu temperature −10 °C (14 °F) leh −50 °C (−58 °F) inkar vela vawtah dah a ni a. Ruang la endik loh, forensic institutes endik tana ruang lo dahthatna a ni deuh ber a. Heta temperatures-ah hi chuan, ruang chu vawtin a hmet na tawh hle a, a tawih mai thei tawh lo thin a ni.

Ram thenkhatah chuan mitthi ruang hi tawih thei lovin an siam (embalm) a. chutianga an tih tawh chuan, Morgue-ah refrigerate a ngai tawh lo thin. Ram tam takah erawh chuan, mitthi chhungte'n Mitthi ruang chu Darkar 72 (Ni 3) chhungin an phum ngei a ngai thung a.

Mahse, ram thenkhat lahin, Chawlhkartel emaw, a Thlatel emaw hnuah an phum chauh bawk thin. Chuvang chu a nia, Hospital thenkhatah leh Funeral Home thenkhatah, kum 2, 1 chhung ruang an dahthat thin ni. Mitthi chhungte'n pawisa an neih veleh, ruang chu Cold Chamber atangin vui turin an lachhuak ta mai thin a ni. funeral homes thenkhatah chuan, morgue hi Mitthi ruang halralna room-ah an dah ve nghal mai thin a.

Chumi a bik taka ruang halralna Oven an siam chu retort tih a ni. Sakhaw thenkhat chuan, ruang halral dawnin, Mitthi chhungte hriatpuina an siam thin a. Mitthi chhungte'n ruang halral (incinerate) lai an hriatpui theih nan, funeral homes tam zawk chuan viewing window an dahtel thin a.

chuta tang chuan, mitthi chhungte'n ruang retort chhunga an rawlhlut lai an lo thlir ve ta thin a ni. Ruang chungchangah hian, Waiting mortuary a awm leh a. Waiting mortuary chu, Ruang an dahna hmun tho a ni a, a thi ngei a ni tih nemnghehna hmun mortuary building a ni.

An siam chhan ber pawh, thi chiang lo/nung chunga inphum palh an hlauh vang a ni. Chuta room-ah chuan, hun engemawti chhung, attendant-in, ruangah chuan, nunna a la awm em tih leh, engemaw lo langchhuak a awm em tih a lo thlithlai reng thin a.

Chumi hnuah, phum emaw, halral emaw a ni ta chauh thin a ni. Waiting mortuaries hi 19th century vel khan, Germany-ah chuan an lo ching tawh hle a ni. Tin, mitthi a lo nun leh tak hauhvin tih thilthuah, Dar (bell) pawh ruangah an tawnbet thin bawk. hetianga an tih atang hian “saved by the bell” tih tawngkam pawh a lo chhuak e an ti tak naa, He tawngkam hi chu Boxing atang zawka lo chhuak a ni.

Morgue chanchina thilthleng mak ve tak han sawitel leh lawk ila. Morgue Attendant pakhat chuan, Morgue-a Hmeichhe ruang an dah a lo mutpui fo mai a. hmeichhe ruang 100 lai a lo mutpui tawh pek a nih chu! Chupa chu, kum 60-a upa, Ohio morgue attendant, Kenneth Douglas a ni a.

Hamilton, Ohio-a cheng a ni. Ama inpuan danin, kum 1976 leh 1992 inkar khan, zan lama a duty apiangin, hmeichhe ruang a mutpui fo niin WCPO chuan a report a ni. Kum 1991-ah Nula kum 19-a upa that a, mutpui a, chansawm vangin, Douglas chu kum 2008 khan, gross corpse abuse-in convict a lo ni tawh a. Kum 2012-ah, Douglas chuan ruang pahnih a mutpui thu a puang leh a.

Tualthahna dang dangahte pawh, a thah niin a mutpui zel thin niin a inpuang bawk. Tunah hian, Douglas chuan ruang 100 lai a mutpui tawh thu a puang ta a ni. He thil an hriatchhuah dan chu, ruang DNA test atangin Douglas-a chi (semen) chu kum 2008 khan an hmu a.

Mitthi thattu David Steffan khan, a thah a nih thu inpuang mah se, a pawngsual loh thu a sawi miau niin NY Daily News chuan a sawi. Kan point piah lam kan sawi thui lutuk dawn, helam chu duhtawk rih phawt ang.

Morgue Attendant hna thawh dan lam han sawitel ve leh ta ila. Mortuary assistants chuan ruang vui mai theih turin a lo buaipui thin a, Hospital atangin ruang a lachhuak a, funeral home emawah a dah ta thin a ni.

Tin, mortuary assistant hi mortuary technician ti pawhin an sawi tho bawk. Mortuary assistants chu funeral homes, crematoriums, city Morgue leh county morgues leh hospital morgues-ahte an thawk thin.

Zirna lamah chuan, Mortuary assistants ni thei tur hian, a lo berah, high school diploma emaw, GED an ni tur a ni. Mahse, employers-te'n Mortuary Science atanga two-year associates degree an pass-na an phuttel deuh kher thin.

Tin, Funeral Director emaw, Mortician emaw ni tur chuan, Mortuary Science-ah four-year degree neih a ngai a ni. United States-ah sawn offering Mortuary Science degrees zirna institution 58 lai a awm a. Chung institutions zinga tam tak chuan Mortuary Assistant tan bik two-year degree zirna an offer bawk a ni.

Crematory lam hawi ve leh ta ila..Crematory hi Crematorium ti pawhin an sawi ve bawk a. Khawl (machine) chi khat a ni a, chutah chuan mitthi ruang an halral thin a ni.

A tlangpuiin, Crematory chu funeral homes, chapels leh cemeteries ahte an dah thin a. Mahse, Crematory awmna hmun hi Crematorium tih a ni deuh bik a ni.

Tun hma, Industrial Revolution hun lai kha chuan, Ruang halral reng reng hi inchhung ni lovin pawn lama tih a ni thin a ni. Ruang halral dan anga siam leh duh vanga movement chhuak hmasa ber chu kum 1870 chho khan a ni a.

Chu idea chu kum 1869 khan, vantlang hriselna lam hawia sawimawiin Medical International Congress of Florence-ah thehluh a ni a. Chuta Professors chu Coletti leh Castiglioni an ni.

Tin, Professor Brunetti-a cremating apparatus (Ruang halralna khawl) pawh, Vienna Exposition-ah kum 1873 khan phochhuah a ni. Mipui lam pawhin an ngaihven ta hlawm hle a.

Kum 1878-ah ram zau vak lo teah crematorium an siam a. chu chu Sir Henry Thompson hmalakna a ni. chu an Crematorium thar tlawh tur chuan Professor Gorini pawh an sawm ta hial a ni. kum 1885-ah, UK-ah, official cremation hmasa ber siam a ni a.

Chuta mitthi chu, literary leh scientific circle lama mi hmingthang tak Mrs Jeannette C. Pickersgill a ni. Chumi kum tawp lam chuan, Cremation Society of Great Britain-in midang pahnih ruang an halral leh a. kum 1886-ah, ruang 10 lai halral a ni leh bawk. kum 1888-ah ruang 28 zet halral a ni leh ta bawk a ni.

Kum 1892-ah, Manchester-ah crematorium hawn a ni ve leh a, kum 1895 khan Glasgow-ah hawn a ni bawk a, Liverpool-ah kum 1896 khan an hawng a, Birmingham Crematorium pawh kum  1903-ah hawn a ni leh bawk a ni.

U.S.-a modern crematory hmasa ber chu, kum 1876-ah Francis Julius LeMoyne chuan a din a. LeMoyne-a crematory siam kum 1901-a an khar hma khan, ruang 42 lai halral a ni hman a ni.

History lam hi kan sawi tum a ni hran lo bawk a, sawi tam lutuk hmain chu lam chu kalsan leh phawt ang.

Thiamna sang zelah, Ruang halral khu leh rim a tlem nan thermal energy tam tak hman a ni tawh a. Mihring ruangah hian negative caloric value a awm deuh zel a, a awmzia chu, ruang halral nan energy tam tawk tak a ngai tihna a ni.

Ruangah tui a tam thin hle a, chung tui awm zawng zawng chu hal ruala a vaporize zung zung theih nan thermal energy thahnem tak hmanral a ngai ve ta thin a ni. Ruang 68 kg (150 lbs)-a ritah hian, Tui (water) 65% a awm zel a.

Chuti a nih chuan, chu ruang halral nan chuan, thermal energy 100 MJ a ngai thin tihna a ni. hriatthiam dan tur berah chuan, 100 MJ leh oil 3 liters (0.8 US gallons) a intluk. India ramah chuan electric hmanga ruang hal te pawh a awm. Tun hma chuan, ruang halral nan Coal, coke, leh thingte hman a ni thin a.

Hnuai lam atangin ruang chu an ur mai thin a ni. Tun laia ruang halralah hian primary combustion chamber leh secondary combustion chamber a awm a. primary chamber sat zawng temperature chu 760°C atanga 1150°C (1400 to 2100°F) a ni. A sa vat vat hle mai!

Tui hi 100°C-ah a so tih kan hriat theuh kha..chuvangin, a sat dan tur chu kan suangtuah thiam mai awm e. secondary chamber chu primary chamber hnung lamah emaw, a chungah emaw dah a ni thin a. Hei hi ruang halral khu leh rim titlemtu controller a ni ber.

Tin, secondary chamber pawh hi a sa hle mai a, temperature 900°C (1650 °F) aimaha sang a ni. Thiamna sang zelah hian Computer hmangin Crematory pawh an control ta a. chutianga computer systems hman chuan, thil a awlsamin hnathawh a ran phah sawt ta em em a ni. Ruang halral hun chhung hi 70 minutes atanga 200 minutes vel a ni tlangpui a.

Timers an set a, ruang rih leh rih loh dan atangin, engtia rei nge ni ang tih pawh Operator-in a hre ve mai thin.

Ho viau mah se, a behbawm atan Crematory Hill chanchin hi tlem hre ve leh lawk teh ang u. Monroe Township (Middlesex County)-ah sawn, Dirt road tia an sawi, Disbrow Hill a awm a.

Chu chu Local lore-ah chuan Crematory Hill tiin a lar hle a. kum 1970 chho khan, thilthleng mak tak tak a lo tam tawh thin hle niin an sawi. Tun hmain, he hmunah hian mitthi ruang an halral thin niin sawi a ni bawk.

Chuta an halral hmaih neuh neuhte chu, a bul maia Thlanmualah phum a ni ta thin a ni. Mahse, thuthangah chuan, Thlarau leh ramhuaite'na an chenchilh vangin an rauhsan ta a ni. Crematory Hill panna kawnga Thing dingahte chuan thil mak tak tak inkhai a tam em em mai a.

Tin, kawngsirah pawh WELCOME TO HELL tih tar a awm bawk. Chubakah, mak thin em em chu, ramhnuai atangin authawm hriat tur a awm fo mai thin kha a ni.

Crematory Hill panna dirt road bul lawkah chuan In pakhat hi a awm a. chu ina lights chu a in ON reng thin a, a chhunga chengte chhungkua chu, Tuboh-vin an luah an inchhu lai tukverh atangin a hmuh theih thin niin an sawi fo bawk.

Mahse, chutiang thuthang chu hmu tak tak erawh an awm ngai hran lo thung. Chuta tanga chho leh zel chuan Dirt Hill a han pawh ta a. Dirt Hill-a building awm chu brick, lung leh cement-a sak a ni a. building tukverh leh kawngkharte chu a inhawng deuh huau hlawm a.

Building basement-a chhukthla tur chuan, chhuat awng atanga zuanthlak a ngai a ni. chhuatah chuan pipe a awm fur a, chung pipe-te chu crematory equipment ni ngeia rin a ni. 19th century vela sak tawh kha niin a lang.

Tin, bang (wall) sang lem lo tak a awm a, chu chuan ramhnuai lama Thlanmual a zuk pawh phei a. Chuta tang chuan, tawhsual tawk pawh ni ta ang ila, kawngpuia letleh tur chuan hla tawh tak a ni.

Ka sawi tum ber chu, he hmuna va kalte reng reng hi, thil engemawin attack a tum zel thin niin thuthang a awm a. chu thil chu engtih lah hriat theih ni hek lo.

Thla nge ni ang, misual nge ni, ramsa zawk tihte hi ngaihtuah tham a ni.(Opeey-a Khiangte)

† REST IN PLACE NIPUIA †

★★★★