Serchhip | Augsut 4, 2018: Nmin khan DRDA Confernce Hall Serchhipah Mizoram State Rural Livelihood Mission (MzSLRM) hmalaknain Serchhip District-a thingtlang khua 36 te tan ran thianghlimna leh rulhut hlo pek beihpui thlak thawh khatna hawnna neih a ni.
Khuallian Dr. Lalnghinglova, District Veterinary Officer, Serchhip chuan thusawiin, ran hrisello vulh leh enkawl hian kan economics thlengin a nghawng thin ani a ti a. Ran natna hrang hrang enkawl nan hian vai damdawi kher nilo, tualchher damdawite pawh a hman theih vek ani a ti. Ran hriselna atana ran in buatsaih dante sawiin, natna inkaichhawn theih laka inven fimkhur a tul thute, ran talhna hmun hmate leh ran thi theh thang danah fimkhur turin kalkhawmte a chah a ni.
Mizoram State Rural Livelihood Mission (MzSLRM) hian thingtlang khaw tinah Self Help Group dinin, chung Group ten an thlanchhuah kut hnathawktu (Women Farmer) ten an Lo neih leh Ran vulh chungchangah nasa takin hma an la mek a, thingtlang khawtinah thawktu “Community Resource Person (CRP)” dahin chung mite chuan training felfai tak an dawn hnuah khaw tinah training an pe chhawng leh thin a, he beihpui thlak thawhkhatna bikah hian Serchhip District chhung thingtlang khaw tina ran leh ran in tih faite, vawk vulh lai rulhut hlo pek kawngahte hma an la bik anga, he beihpui thlak hi August thla chhung hian zawh fel hman tum ani bawk.
He hun hi Pu P.C Vanneia, District Functional Specialist, District Mission Management Unit (DMMU) in a kaihhruai ani.
- DIPR
No comments:
Thanks for your comment.