11 JUNE 2018 MIZORAM HMUN HRANG HRANG CHANCHIN

•www.tleirawl.in•
*11 JUNE 2018 MIZORAM HMUN HRANG HRANG  CHANCHIN*

Tleirawl.in | 11 June 2018 :

TLABUNG
Tuilian leh Leimin vangin an tlang buai a. Khawthlang Tuipui hnaiah in tam tak chhuahsan ni tawhin, tuilianin ziaawm aiin zual lam a la pan zel.

KHAMRANG
Zing dar 8:30 velah khan Motot Kawngpui, NH 54 chu a chhaka Lei tawlh/min vangin a ping a, motor eng chi mah a tlan tlang thei lo. Khawl hmanga thenfai a nih hnuin tlaiah khan an thian zo.

SERKAWN
Serkawn a Chawngfianga  Memorial School chhaka Footpath chu a chim a, a hlauhawm hle niin thu dawn a ni a. A min belh zel vangin kawngpuia kal tan pawh a hlauhawm tawh hle a ni.





NEW SERCHHIP
Old Age Home lung rem chimin, a thlang kawngpuiah a inhnawh a, Auto Rickshaw pakhat a delh/vur nghe nghe a ni.

RAMLAITUI
Zanin khan Kawng chhak lam aṭanga lei minin kawng a hnawh ping a, motor eng chi mah a tlang thei lo niin zanin khan thu kan dawng. He kawngpui hi Aizawl - Lunglei Via Thenzawl kawngpui a ni a. Naktuk lamah pawh a tlang theih a rinawm loh thu kan dawng tel bawk e.

HNAHTHIAL
Kum 10 chuang liam tawha leitawlhna hmun Kanaan veng huamchhung chu Check dam chawpin a liamthla tlat tawh mai. National Highway pawh a laiah a khi ruak a,LMV hnuai lam bak tlan ngam a ni lo. Chhim lam panna kawngpui a pahnihin HMV tan a ping mek.

TLAWNG LUI
Tlawng lui pawhin len lam a pan zel a, vawiin lama thu kan dawn danin  Hortoki leh Bairabi lamah  pawh a hlauhawm tham tawh viau a. Ruah a sur reng vangin tui hian kiam lam aiin len / tam lam a pan zel bawk a ni.
*Bairabi chhimveng, Pi Lalthandangi te in bul (Tlawng kam) chu lei a min leh a, ban pakhat chu a inkhai ta. He thilthleng hi hriat a nih ve leh Bairabi South VC ten a hmunah kalin Silpouline hmangin an khuh nghal a ni. Tun dinhmunah tlawngtui lian lutuk ang kha hriat a la ni lo.
*Sairangah pawh tui a chim chin a sang chak hle a, Minute 4, 5 danah inchi 2 velin a sang niin thu kan dawng.

https://www.tleirawl.in/2018/06/11-june-2018-mizoram-hmun-hrang-hrang.html?m=1

Visit https://www.tleirawl.in/ for more news, stories & entertainments....

© WWW.TLEIRAWL.IN  ©
Made With ❤ In Mizoram!