tleirawl.in | 11 June 2018 : Kumin furpui thleng mek, ruah sur vangin Khawthlang Tuipui chuan len lam a pan zel a. Tun dinhmunah Darkar chanve chhungin a chim chin ft 1 aiin a sang hman niin thu dawn a ni a. Tui lian hian hlauhawm chhinchhiahna a thleng tawh a ni.
YMA Tlabung Branch chuan hnatlang kovin, Khawthlang Tuipui kama awm te pawh hmun him lamah thiarchhuah ṭan an ni.
Hetih lai hian Tlabung Chawnpui veng lamah lei a min a, he lei min hian in a hnawl a, thi leh hliam an awm lo nia thu dawn a ni bawk. Chawilung road, kawng chhak lam a min a, Lei laihna khawl hmanga tihfai a ni.
Tlabung khua hi MṬKP Inkhawmpui 2019 thlenna tur niin, pandal sakna tura an ruahman, Khawthlang Tuipui kam, 'Licheng' chu tunah hian a chim mai hlauhawmah a awm mek a. Missionary kaia Lung phun chu chim tawhin, a chhaka 'Missionary Ṭawngṭaina In' sak mek pawh a chhuat a chim pha ṭep tawh a ni.
Pic Source: WhatsApp
Tunah hian Tlabungah hian Power Supply a awm lova, Tukin zing dar 9 vel khan main line(Lungsen-Tlabung) a chhe tawh bawk nia thu dawn a ni. P&E chuan siam tumin bei mahse, ruah a sur reng avangin an siam ṭha thei lo a ni.
Lei mìn hi Chawnpui Veng, Tlabung a ni a, tuilian hi Zawlpui Veng leh Bazar Veng lam a ni bawk a. Tuilian lamah hian an in-concentrate lo thei si loa, Chawnpui lei mìn hi chanchin an hre thui lutuk lo, excavator pakhatin a vil a, Chawnpui YMA an hnatlang bawk a. Chawnpui leh Zawlpui Veng hi 5 Kms.a inhlat a ni
Tunah hian 6:05 P.M. 11th June 2018 a ni a. Chhungkaw 5 leh an bungrua hmun him lamah suan fel an ni tawh a. Chhungkaw 1 senghawi mek an ni.
TLABUNG TUILIAN UPDATE
Tunah hian 9:55 P.M.,11th June 2018 a ni a, tlabung aṭanga thu kan dawn danin tuilian vangin Chhungkaw 13 hmun him lamah sawn an ni tawh e. Power Supply a awm lova, Phone Network a chhe bawk si a. A buaithlak hle a ni.
12 June 2018:
Zing dar 9 vel khan Tuilian hian Bazar kawn a thleng tawh.
TLABUNG TUILIAN UPDATE:
*Tunah hian 10:40A.M; 12th June, 2018 ni a, tuilian vangin *chhungkaw 40 hmun him lamah sawn an ni tawh e.
Tuilian hian bazar area hmun engemawzat a chìm tawh a ni.
Update ngaichang la. He post ah vek hian kan update dawn vangin i lo refresh mai dawn nia.
TLEIRAWL
www.tleirawl.in
E-mail: admin@tleirawl.in
Send News @ 9402125273
No comments:
Thanks for your comment.