★Opeey-a Khiangte
_______________________________________
Tun tum chu, thilmak lam hawi ve leh tawh ang u aw.. Scientist-te'na a nihna tak an hriatchhuah theih mai bik loh thil hi a tam hle a.
Chung thilmakte chu zirchian leh chhui zui zel an ni a. Tam tak hriatchhuah theih ni mah se, a tam zawk erawhin lu a la tihai hle zel tho a ni.
Chutianga a nihna tak hriatchhuah theih mai loh zinga 10-te chu chhiar leh thuak thuak ta ila..
★10) Continental Drift - Continental Drift Theory hi kum 1500 chho khan an lo khel daih tawh a. Khawvel Khawmual hi, tuifinriat paltlangin hmun hnihah a inthen phawk a. Chumi hnuah, Plate Tectonics Theory a awm leh a.
chuta an chhui leh danah chuan, Tuifinriat mawng/chhuat (floor)-ah khuan Tectonic plate a awm a. Kum maktaduaitel a lo liam a, Chu chu zawi zawia chein khawmual a lo inthen hrang tan ta a ni.
Mahse, thilmak awm ta chu, engvangin nge chung plates-te chu an lo chet ngawt tih hi a ni.
_______________________________________
_______________________________________
★9) Extinction of Megafauna - Hmasang daih tawh khan, Khawvelah hian Ramsa leh nungcha lian leh hrawl pui pui an lo awm tawh thin a. Wooly Mammoth an tih te leh ramsa hrawl tak tak an tam em em mai a. chung nungchaho chu Megafauna tih an ni.
Mahse, Megafauna-ho mang (extinct) hun kha hun rei eltiang a ni tlat lo. Kum singtel bak a la ral tlat lo a ni. scientists-te pawhin chutia thawk leh khata an mang thut chhan chu an hrechiang thei bik hauh lo.
A chhan ni theia rin pahnih an sawi a: Mihringte'n an that mang tih leh climate change vang niin an ring ber. climate change vanga ngaiho chuan evidence mumal an nei tam thei leh bawk si lo va, hrilhfiahna dang dangte evidence a lo awm ve leh zel tlat si a ni.
Mihringte'n an that mang titute thlir dan lah chu a dik zawk ti dawn ta ila, scientists-te lahin archeological evidence an hmu tam leh thei chuang lawi si lo a ni.
_______________________________________
_______________________________________
★8) The Mpemba effect - Mpemba effect chu Tui so hi, tih danphung engemaw ti taka an dahin, Tuivawt aiin a khang hma zawk tlat a ni.
He thilmak hi Laws of Thermodynamics nen inmillo hle mah se, Ancient Greece hun lai atanga an lo hriat tawh kha a ni.
Kum 1969 khan, scientist Mpemba chuan experiments a nei a.
chutah pawh chuan thil ni ngei a ni tih a finfiah ve leh tlat bawk. Mahse, scientist rualte chuan mak an ti hle a, engvang nge ni ta ang? engtia Tuivawt aia tuiso khang hma ta zawk tlat nge maw a nih chu le tiin an bo ve hle a ni.
_______________________________________
_______________________________________
★7) The Speed of Light - Eng kal chak zawng (speed of light) theory zirchianna khan, Thlawhna thlawh chak theih dan ber tura chhuina Theory kha a hnawl muhlum thak a ni lo va.
A dik famkim vek kher lo tih a larlang zawk a ni. Mi thenkhat chuan, Hun (time) aiin Dark energy a kal chak zawk niin an ngai a. Big Bang theory a dik a nih chuan, a tir phat atang khan, universe chu light speed aiin a fan zau chak zawk dawn niin an ngai bawk a ni.
Scientists thenkhat chuan, Speed of light chak zawng anga chaka thlawh theih dan tur experiments pawh vawi tam tak an nei tawh thin a.
Mahse, Eng chak zawng (speed of light) aia thlawh chak theih tum chu thil theih a ni ang em? Engpawh chu nise, a chhanna dik chu hriat an hnaih deuh deuh ta niin a rinawm.
_______________________________________
_______________________________________
★6) Out of body Experiences - Mihring tam zawk hian, (damlohna vang leh engvang pawha) an thih lek lek lai takin, Thil awm dan danglam tak an tawng thin a.
Chutiang atanga a lan dan chuan, an taksa la thih hma siin, an chhia leh tha hriatna thiangin an taksa a chhuahsan tlat zel thin a. German researcher group pakhat chuan chutianga 'out of body feeling' chu a zirchiang a.
Experiment neiin, mihring chu thi lek lekin an dah a, experiment an neihna mihringte chuan, thi anga an awm laia an thil hriat dan chu a mak thin hle a.
An taksa chhuahsanin thil eng (light) te leh mak pui pui an hmu zel thin a. An taksa atanga chhuakin an thlawk kang deuh vek zel niin experiment an neih tawhho chuan an sawi tlangpui.
Mahse, chu chuan Near death experience an hriatchian duhna a tichiang famkim thei chuang lo va. Chuvangin, Thih hnuah, thlarau hi taksa atangin a chhuak tak tak em tih chu, ringlo mite tan, awlai taka chhui leh hriat theih a ni hauh lo a ni.
_______________________________________
_______________________________________
★5) Birds falling from the sky - Kum kal ta khan, Arkansas, US-ah Sava dum tam lutuk chu an thlawk lai lei lamah a tla hlum vak mai a.
A tir chuan, Halpuah leh Halmawi khu vel vangah an puh deuh a. Mahse, a hnu lawkah, Sava chu an tla nawn leh chiam a. Chutah zet chuan, Halpuah leh Halmawi vang a tih theih mai ta bik lo tlat.
A chhan chu, chumi rual vek chuan, Sangharual an thi vak bawk a. Sava leh Sangha a ruala thi/pul vak chu thil ho a ni ta tlat lo. explanations hrang hrang thawh tak mah se, tling tak leh pawmawm taka hrilhfiahna a awm thei hauh lo thung.
Thil mak tak leh chhan hlauhawm tak chu a ni ve reng reng mai!
_______________________________________
_______________________________________
★4) Space Roar - Scientist-te'n Arsi upa zual bikho chanchin an zirchiang nasa thin hle a. mahse, kum 2006 khan, Ri mak tak an detect ta thut mai a ni.
Kha ri (noise) kha, eng thilin nge lo awmtir tih chuan scientist-te a timangang hle a. Van (space)-ah khian Radio wave tih loh chu Sound a kal thei miau si lo a ni.
Chuti chu ni mah se, Sound an detect lawi si a.
Chuvangin, thil mak tak pawh a ni a, ngaihdan leh rin dan siam thiam a harsa tawh hle ringawt a ni.
_______________________________________
_______________________________________
★3) Moon Illusion - Ancient times atang tawh khan, Moon illusion a thleng fo mai a. Aristotle hun lai te, Ancient Greeks leh ancient Chinese civilization hun lai pawhin experience a lo ni tawh thin a ni.
illusion chu Thla (moon) khi, Khawvel atanga thlirin, inherliam tura a awm laiin a lang lian sawi thin a.
A awmzia chu Vanlaizawla a awm lai aiin a tlak tepah a lang lian zawk zel thin a ni. Chu thil chu a mak hle a, mithiamte pawhin han hrilhfiah vak ngaihna an la hre thei bik tlat lo.
A chhan tlem te ni siin, ril em em a lo ni reng law'ng maw?
_______________________________________
_______________________________________
★2) Wave-Particle Duality - Hman atang tawhin, Eng (light) hi 'Wave' nge a nih a, 'Particle' zawk tih hi inhnialna a ni a.
Mahse, nasa taka zirchian hnuin, scientist-te pawhin luhaithlak an ti lehzual a.
A chhan chu, photon chu wave angin a che thei a, particle lah chuti bawk a ni ve leh tlat si a ni.
_______________________________________
_______________________________________
★1) The Origin of Life - Tun hma atang tawhin, Nunna intan dan leh Universe insiam dan hian inhnialna a titam thin hle a.
Scientist thenkhat chuan, Universe insiam dan chu Big Bang model hmangin an hrilhfiah a.
Mahse, mi tam tak ngaihdan chuan, Big Bang theory chu dik ni ta ang sela, Pathianin thilsiamah inhnamhnawihna a nei lo tihna a ni dawn tlat tiin an sawi ve bawk a.
Scientist-te hriatchhuah theih loh hi thil puitham tak tak chauh emaw kan tih laiin, thil ho deuh nia ngaihah pawh hian hriatchian theih loh hi an nei ve leh tlat thin.
Mahse, Origin of Life leh Creation of the Universe tih thu kher hi chu a theuneu lo va, Mihring thil chhui a zawnga ril ber leh, chhuichhuah theih loh hial tur khawpa thuk niin a lang.(Opeey-a Khiangte)
★★★
No comments:
Thanks for your comment.