VAI PASAL NEIH ZET CHU

Thingdelh loh lungdelh loh chu tette atangin nu leh pa thlazar hnuaiah hlim takin ka lo sei
lian ve a, ka naupan lai atangin naupang hlim thei tak leh mi chhawnchhaih hlawh tak ka
ni thin.
Sande sikul kan han kal a, kan zirtirtute thu min zirtir thin te chu ngun takin kan ngaithla
thap thin a, kan ninhlei phal ngai lo, Isuan theipui a hau hlum te, thlipui a hau reh te kha kan zirtirtute chuan ngun tak leh kan
hriatthiam loh hlau takin min zirtir thin..chu chuan ka nunah thu a sawi ve nasa em em a,
Isua chu ka engkima engkim a ni thin.
High school kan rap ve a, nulat te kan hria in mipate pawh kan ngaihven ve tan a, ka star ruk em em maiin min bem ta tlat mai a, ka duh ve em avangin ka hnar phal bik lo.
Tichuan kan inngaizawng chho a, kan awmdun chang te hian min khawih a tum thin a, tleirawl rilru nu phelh phawlh tih takah ka insum zo pek lo a, hun remchang kan neih apiang maiin * kan hmang dun thin.
Ka rai ta nge nge a, ka chhungte thinrim dan chu pui tak a ni, tichuan kan innei ve ta rawih mai a, kan la naupang a dun si a, kan inhau deuh fo mai a. A tawpa tawpah chuan sum ka chhuah ta nge nge a.
Nuthlawi ka ni ta reng mai, kan fapa lah chu a pate'n an enkawl daih si a, ka tlawngawl khawp mai a, kan in lama ka kir leh chuan kan In Assam type chu thiatin concrete an lo sa mek a. Kan buai em em mai a, mahse a tihzia ka ti zawk, ka lungleng tur a dal a.
Zan lamah kan mistiri chhawr te an lo leng ziah a. Black wire, rod tawnna tur kan herh ho thin a. Mistiri pakhat muslim Shalim hian
min care em em mai a, ka ei atan tiin rosgulla te, noodles chi hrang hrang min rawn ken thin a, hun remchang a awm phawt chuan
min duh thu hi min hrilh fo thin.
Vai neih leh ngaihzawn hi ka rilru in a la tinzawn eih lo hrim hrim a, mahse chuti taka min care tu leh min duhtu chu ka ngaina tial
tial a, ka rilru pawh ka hriat loh hlanin ka lo pe hman viau mai a lo ni.
Nikhat pawh a hmel hmu loa awm har ka ti ta tlat mai a. Hrehawm pawh ka ti em em mai
a, hnamdang zuna han uai tlat mai chu ka inthiam thei lo.
Thla khat a liam a, kan inru ngawt mai a, mahse hrehawmna a lo intan dawn chauh mai le.
Isua aiin Mohammed ka rin a tul a, ka hriat ngai loh hnena Isua laka penbo chu ka thei lo, Bible aiin Koran bu kan chhiar ta tlut tlut
mai.
Ka chawhmeh ngainat em em thin , vawksa ka ei a thiang tawh lo a. Ka inchhir tan ta viau mai. Chumai a la ni ta lova, sex ah hian a
sang em em mai a, ka damloh pawhin min pawl zel duh tho a, hmeichhiate chu kan taksa a dawrawm zawkna laiah kan hahnate hi a ho em em a, mahse a hrethiam ngai lo, ka chauh em em lai pawhin min pawl reng tho nia.
Chutia vai pasala ka nei ta chu khawtlangin min en dan a dang riauin ka hria a, mizoten vai kan huat dan leh kan mil lohzia ka hre reng thin a, puipunna reng rengah kal mah ila ka inthlahrung dak reng a, mi nupui te an thiamlohna ah pawh an an hlak hlak ngam
laiin kei chu ka dikna rengah pawh ka ngawi reng mai a ni, mi endawng leh nuihzat niin ka inhre tlat a.
Hetiang zawng zawng hi hrehawm takin ka tuar a, ka phunnawi lo. Ka chantawkah
lungawi pawh ka tum, mahse ka chipuite endawng nia inhriatna hian min titap leh fo mai..
Tlaikhat ka bazar haw chu ka pasal thawmhnaw leh amah reng reng a lo awm tawh lo a, mak ka ti viau mai a, ka dawrte atanga ka khawl ve keuh keuh. Cheng singnga dawn lai safe a ka dah chu a lo bo phiar a, tin chumai a la ni lo cheu, ka rangkachak thi 5 leh ka zungbun rangkachak hlang ngat chu a lo bo vek bawk a.
Kan chaw ei dawhkanah chuan paperah, kutziak chhe ningneng hian, "to. Remtei, kan ram lama ka chhungten ka nupui tur min
hmuhsak hlauh mai, ka haw mai ange, pasal tha tak i nei dawn nia," ka thaw huai zawkin ka hria a. Mahse ka thawhchhuah sa cheng singnga leh ka roh em em thi leh zungbun a hawn tel mawlh chuan min thinrim ber a.
Ka chantawk lek ka hmu in ka inhre leh hnuhnawh a, vaiho nen hian kan culture leh sakhua hi a danglam em em a, chuvangin neih loh tawp hi a tha ber, mizote phei chu kan hnam kan la tlem em em a, inphatsan tur chuang kan awm lo.
Kan hmelhriat pakhat sap pasala nei pawhin, "hnamdang pasal atana neih hi chu thatlai chauhin a nuam a, kan upa tulh tulh a, hrehawm kan ti tulh tulh," a ti.