NANG NGAIA RIANGTE HI

- Lucy Hrahsel

www.tleirawl.in

🌞 Mawi ten Turni a rawn herchhuak leh ang a,
Hram thiam aw mawi tin ten hlimna hla an sa leh ang,
Kan hlimthla thlira suihlunglen ituar ni chuan
Nang ngaia riangte hi min dawn ve la....
⛅ Thal romei a lo zam leh anga
Lenkawlah Turni aherliam leh thin ang
Lengdang tang bel a iliam ni chuan
Nang ngaia riangte hi min dawn ve la....
🌧 Khuangruahpui alo sur leh anga
Nang nena kan lawm thin Chhawrthlapui pawn vanzawl akai leh ang
Chhingmitthla a kan nunhlui i chhuikir hun chuan
Nang ngaia riangte hi min dawn ve la....
☃ Thlasik thlifim rawn thawin suihlunglen athar leh anga
Mittui nen laikhum ka zal leh thin ang
Zuapa chang tur a khiang i awih ni chuan
Nang ngaia riangte hi min dawn ve la....
✍🏻 Hun leh ni liamin kumsul alo la vei anga
🌺 Chhawkhlei leh Nauban pawh mawi ten an par vul leh ang
👨‍👧‍👦 I hraileng te chanban kai a ilen hun chuan
Nang ngaia riangte hi min dawn ve la........