Ziaktu: Mimi-i LH Zeli,
www.tleirawl.in
Thingtlang khaw pakhat niin, chu khuaah chuan tleirawl inhmangaih tak Zuala leh Rini te an awm a. Zuala te hi rethei leh chan chhe zawk niin an harsa ve em em a. A pain a thih san hnuin a nu nen an hmeithai a. Mahse, a hmangaih Rini tan chuan ui leh phal loh a nei ngai meuh lo. Rini erawh chu thingtlang ah pawh V/C puipa fanu neih chhun niin duat rawn a ni.
High School kal a, an zir zawh hnu chuan Rini chhungte remruat angin Rini chu khawpui lamah zirlai zawm turin thu an ti tlu ta a. Khawpui lam chu kal fo țhin mahse, chutia ngaihzawngte a’n neih takah chuan kal mai pawh ni lovaa, va awm ngheh chu a hreh hle a. Mahse, Zuala chu upa zawk niin țha takin a hrilhfiah a. “I tana țha tur leh i hmalam hun thleng a hril dawn a, keiin ka zawm ve thei ta si lo a, nang talin kan tan i beih a țul a lawm. Kei chu hetah hian awmin i tan ka theihtawp ka lo chhuah ang a, inhlawhna tur remchang te ka lo dap ve anga, thawh tur ka hmu veleh ka la rawn kal ve dawn a lawm. Khawiah pawn awm mahla ka hmangaih chu nang chauh ini ang” tiin a fuih ve barh barh a. Rini chuan a bialpa thusawi chu a ngaihthlak hnu chuan hreh tak chung chuan a rem ti ta a.
Kum thar a lo ni a, Rini chu zirna chhunzawm tura a kal alo hun ta a. Motor a a chuan lai chuan Zuala hmel reng reng a hmu hauh lo. An chhuak țan tih ah khawdai tlangah chuan Zuala chuan alo thlir liam ta zawk a. Rini chu a school luhna thar chu atir chuan nuam lo atiin akhua ahar em em a. Mahse thlahnih khat a awm naah chuan țhian pahnih ațawng a, Sangtei leh Nunui hi an ni a. An hausa in Rini tan afel in an thil phal em em bawk. An hmei a chhelo bawk nen an school ah chuan an larin mipa mit la ber tute an ni.
Zuala erawh chu huan thlo fai te leh lo vah ten a inhlawh ve țang țang a. A hmangaih em em Rini chu angai a, angaihtuah chang hi chu aphu lo in a insit ru em em fo țhin. Mahse theihtawp chhuah in a inhlawh a, sum angah hnua khawpuia hna zawn chu atum ber ani. Hna chu țha taka thawh zel atum a, khawpuia a awm hunah pawh rilru nei taka thawh a, sum leh pai a thawh chhuah tam hnu a,Rini neih leh retheilo leh awm nuamsa a dah chu a duhthusam ber ani. Kristian tlangval niin anu tan pawh in inghah ngamna fapa fel leh khawtlangina an fak em em ani fo țhin.
Rini chuan chutia ațhian tharte nen a, nitin an hun hman te chu atan thil thar ani vek a. Mahse ațhiante chu mi awm thei chhungkua leh duh duh nei thei an nihna chu a awt ru thei hle a. An pathum chuan mipa mit fukna ber an ni a. An hmelțha in an pian analh si. A țhiante hausakna leh larna zarzo in miin kawm an chak luai luai a. Thingtlang nula hmelțha tih takah makeup ngailo in avun amawiin aheih asen tai mawi em em a. Tlangval țhenkhat chuan an duh ru hle bawk a. A țhiante hriat tlangval Hruaia chuan angaizawng ta tlat a, atirin duhloin hnawl atum fo țhin. Mahse ațhian te chuan an duhpuiin ahauhsaknate leh alar zia te an hrilh a, hnawl lo tur leh ngaizawng turin an tilui țang țang a. Mahse an khwlama angaihzawng chu phatsan mai atumloh zia athian te ahan hrilh chuan ațhian te chuan sit taka nuihin an sawi chhiat sak zui fo a. Chutia Hruaia fakna awka nitin zantin maia ahriat takah chuan duhna tlem tlemin alo awm a. An inkawm tlangnel chhoh hnuin an in ngaizawng ta a. Picnic leh party tih velah pawh an hruai a, khawpui a awm hmaa Zuala hnena a intiam na chu tlem tlemin a bawhchhe ta hret hret zel a. A tih ngailoh zu te chu in in anun chu ahlauh nasa tawh hle a. Zuala meuh pawh chu hre chang loin angaihzawng dang Hruaia lakah chuan a in nghat chawt ta a. A țhiante rau rau ah Sangtei hi chu khawvel ngam ve tak niin nulat tlangval nawm chen ngaina leh zu leh sa hmun nuam ti em em ani. Nunui erawh chu zu hi mipa aipawh a duh ni awm tak niin a ruih tawh chuan a zu lam chauh hi fahchhuah tur hria ani. An mahni ang chu ni chho ve zelin an school amite pawhin an ngaina lo tial tial a. Hruaia nen an in ngaihzawn ațang chuan ruih chu an tih țhan ber ani a.
Tlai khat chu Sangtei nu leh pa an zinbo avangin Sangtei chuan a ngaihzawng leh ațhian te chu an inlama party turin asawm khawm a. Hruaia leh Rini pawh an kaldun a. Nuam an tiin an hlim a, music play hut hut karah infawp tawk pawh an tam hle a. Hruaia Leh Rini pawh an rui tawh ang reng khawp mai. Inchung lamah boruak thiang dawng tumin Rini chu a chhuak chho a, anun hlauh chu angaihtuah ta neuh neuh a. An khawlam a Zuala alo hmangaih em em țhin chu angaihtuah chhuak ta thut a,mahse inchhirna chhe te mah ala neilo. “Ka haw anga Zuala chu pasal ah pawh kala nei thei tho alawm” tiin ala in la țha fan zel a. Hruaia alo kal a, inhnuai lampan chuan inkuah hnuangin an kal thla dun leh ta a.
Zuala chu hna athawh zo hnu chuan khawpui lam apan ve ta chawt a. Anu akalsan tur chu hreh hle mahse ahmangaih chu angaiin athlahlel em em a. Anu pawh chuan hrethiam takin athlahliam a. Khawpuiah chuan in luahin a inbengbel ve ta chawt a. Vanneiha siamin an khawlama ahnathawhpui ahmu hlauh a chu chuan hna te zawnpuiin ațul țul thawkin chhun lamah anun ahmang liam a. Zanlamah chuang leng chhuakin intih har na nipahfawmin Rini chu a zawng ru fo țhin. Mahse hmuh tur avan em vang chuan Rini chu inlamah awmin a zir lai abei ngawrh hle turah ngaiin alunghnur chang pawn amhin a in hnem let fo a. Zan khat chu a chauh em vang chuan len pawh tumloin amu nghal mai a. Ațhianpa chuab party puiah asawm ve ta thawng mai a. Hnial fan mahse ațang lui thei ta lo a. Ataka ala hriat ngailoh music ri hut hut leh zurui hlir awmkhawmna a a awm ve mai chu nuam lo tiin haw mai atum a. Kawngsir a car pakhat lo ding atang a lo chuan nula rui tak chu ahmu thuak a, hriathnu ti takin a enlet a, ahmangaih em em leh rin ber nupui atan hial alo tih atana chaun rinawmna avawnpui a ngaih em em Rini chu niin mak tiin aphawk em em a. Rin har ati si ani miau sia(h).
A pan hnaia abul ava thlen chuan aw dmadiai in “Rini” tiin ako ta chawt a. Rini lah mak tiin alo mengchiai a, rui hle mahse Zuala ani tih erawh amah tlukin achiang ani. Inbe lo chuan Zuala chuan a en reng ta a. Chutah car chhung ațang chuan mipa țawngthawm hria in “rini lo lut vat ta che” arawn tia. Rini pawh chuan Zuala ahan hmu thut chu amak tih em vang chuan aphu zuk a. “Awle” tih mai chuan achang a. Car ațang chuan Hruaia chu alo chhuak a. A rui em em bawk si. Rini leh Zuala lo in enlai chu Zuala chu va hnek dawp pahin “tunge inih a? Engvanga ka bialnu lo melh ngam nge inih?” Tih leh hnek a rual zel a. Rini chuan țhelhin car ah an luh hnu chuan Zuala chu an tlan san thei ta hram a.
Zuala chu a rilru ana in athawng em em bawk nen. A hrethiamlo kher mai. A hmangaih kha ani bawk si mahse arin phallohna chuan angaihtuahna chu atibuai em em a. Rilru nain hreawm ati em em. Anu bula mo fel leh hmeltha hruai haw tura a intih laite chu amit thla ah chuan hmuin zawhna tam tak a rilru chuan a inzawt a. Mipa mah nise a rilru anat em vang chuan amittui pawh a dang zo ta lo. A tap a, tunge en a? Tunge lo bia tih pawh hrelo in a inlam pan chuan ahaw ta a. In athlen hnu pawh chuan mak tihna hlirin ala khat a. Mittui nen anun kal ta achhui let a, an inhmangaih laite leh akal dawna a thuchah te leh rinin a tello akal hreh em em laite khan engvang a lo kal tir nge anih?tih te a inzawt in amitthla ah alo langa,ațah nasat vang leh chhun lama ahna ah ahah em vang chuan zinglam arkhuan hmasa ber hma in amu hil ta a.
A tukah chuan hna ah akal lo a. Ina awmin nizan thilthleng angaihtuah thar leh a. A hmangaih nih tur phal ngang loin midang ah aruat lui tlat a. Chutia in ngaihtuah buai em em lai chuan tu emaw hian a kawngka chu alo kik a, ava hawn chuan Rini chu niin mak ati leh zual fan a. “Rini engtin nge ka lokal tih ihriat a? Lo țhawn che ka tum asin. Lo lut phawt rawh” ahan tifan a. Mahse rini chuan” inkhaw lamah haw la, min theihnghilh tawh rawh. Nizana ihmuh pa kha ka bialpa anihkha”tiin inthiamloh pawh awmloin țhenna thu chuan achang let ta zawk a. Zuala chuan na ati kher mai le. Mahse ti hian ala tifan a” khawvel i chenpui theihna chu pawm la, mahse hmangaihtaka thlirtu che hi itan ka awm tih erawh theihnghilh ngai suh. Ni e,kan khawlama haw chu afinthlak zawk mahna. Keichuan ka tiam tawh che a khawihmun ah pawh awm mahla ka hmangaih kha ila ni reng ang ka tih kha tun atan leh nakin zel atana sawi ka ni. Ilo let hun pawh ka lo nghak fan ang” a tih sap hnu chuan Rini chu ațhawng kher mai abiangah chuan mittui aluang ngiai a, mahse a inher a,akal lui ta a. Zuala pawh a kal hnu chuan insiamin an khawlam pan chuan haw leh atum ta a. Tlailam law law ah chuan haw ati ta. Ticket ala a, bus ah chuan achuang ta a, angaihtuahna luahtu ahmangaih kir hun nghak turin an khaw lam chu apan ta a.
Rini chu chumi tlai chu awm nuamlo takin a awm a, rei tak angaihzawng leh alo hmangaih ve hman em em chu angaihtuah a,khatianga aawm ahmuh tawh hnu pawh a alokir hun nghak duhtur khawpa mipa in ahmangaih kha a in ring phalo hial zawk a. Hruaia chu bia in afiah a,”dear engtiangin nge min hmangaih?” ati a, Hruaia chuan “ihriat vek kha” tiin achang liam mai a. Rini chuan ala duhkhawp lo “dear mipa dang lo melhsan ta che ila min ngaidamin min la hmangaih angem?” Ahan ti a; chu veleh Hruaia thinrim chuan Rini chu bengin “mi hurnu i duh duh va kawp rawh ka hmangaih iphulo” ati ta maia. Rini chu rilru na in ațapa hmangaih em em tu chu ahrechiang chho zel a. Zan alo ni a ațap bang thei silo. Atho thut a Zuala in lam apan ta chawt mai a. Mahse atlai ani alo ruak vek tawh a. An khaw bus stand ah ava kal bus alo chhuak vek tawh bawk si. Na taka hliama awmin leh inchhir takin ahaw a, a inchhir em vang chuan țah chauh lo chu tih theih danga neilo tih ahria. Ațap reng a sawi sap leh aw neilo tak hian “zual ka tihpalh keipawn ka hmangaih che”ahan ti a mahse a mittui ko chhuak tu ani leh lawi si. Chu tia ațah reng lai chuan aharh thuta,
“Zuala chuan min lo nghah tur thu a sawi kha” tiin athawmhnaw te chu khung tha in an khawlama haw atum a zingkar bus hmasa bera chhuak tur chuan a inpeih ta a. Zingkar chhuak tur chu anghak reng a mahse bus reng reng a rawn ding lo. Atukah kal ati leh ta mai a, zingatang bawk chuan nghakin reife a nghak fan a,haw ngei aduh em em vangin. Chhunah chuan an khawlam pan tur motor chu ahmu hlauh a chuan ve dilin an chhuak ta a. Reife ankal hnu chuan a chuanna motir neitupa chuan khulai khu ania hmanzana bus accident na hmun chu ati ta a. Rini chuan ngaihtuahna țha lo puipuiin ain ngaihtuah a. An khua an thlenga an inah alut a. Anu chuan zuala thih thu ahan hrilh thawng mai chu danrual anilo ațap ri hriattur a awm hma hauh in atlan chhuaka zuala te in apan a nimin lamah an lo vui tawh avang chuan thlanmual lam pan a, thlan chu azawng thla zel a. Thlan la thar lam em em chu hmuin tihian alo in ziak a _Lalthanzuala kum-26_ tiin a rilru chu ana em em a athlan vur hlim ang maia lei la thar em em chungah bawkin atap a, ” zual min nghah tur thu isawi avangin inchhir takin ka lo kir asin. Tinge min van nghak reilo si em? Tuna tan leh nakin zel atan itih a i thusawi te tunah iti tawp zawk si. Khawngaihin min hruai ve tal tur alawm. Ka tihpalh ani ka hmangaih che asin. Ka tisual tih pawh ka inhrechhuak vek tawh a, ibula awm turin asin ka rawn zui che, lo tho leh teh mawh min hmangaih kha min kalsan theilo ang”tiin atap chiam chiam a.
Thla tam aliam tawh a. Rini chuan nitin zuala thlanah chuan kalin akhua ahar țhin hle a. Anu te pawhin khawpui lama let tura an tihna pawh ahnial a. Mi â ang maiin ache a, zuala thlan mawlh chuan a rilru aluahin akal ta fo a. Ei leh in a thlah na pawh arei tak em avang chuan anu te pawh an mangang hle mai a. Damlo leh chau tak ni mahse ahmangaih em em thlan ah chuan inchhirna thusawia ngaihdam dil turin nitin ala kal ta fo a. A nun chuan nun pangngai awh phah zo ta lo in asiam a, atihsual avangin ahmangaih ber a chan a. Ahnu ah amah natna insiam leh inchhirna a khatin a khawharna lam thluang chu zawh in akal nitin a, engmah ngaihtuah theilo in a awm a,mi â chiah ani hial tawh anga rinna neiin an khua chuan an en hial ani. A nun chu apik a, natna khirh (cancer)achungah tlain enkawl hleihtheih lohin a awm a, ani chu thlanmual lam ringawt kal atum zel avang chuan achhungte oawh an mangang in an beidawng em em a, chutia an fanu neihchhun a ât na leh natna te chu tihdam tuma dam umpui an tum fo na chu hnial zelin akal fo na thlanmual ah ngei pawh amah zalhna hmun niin a thi ve ta a, inchhirna leh awm tawhlo bia in a nun ahmangna khan ataksa lam nghawng in athihpui hmangaihna leh inchhirna nun nen a liam ta ani…………
_Inchhir hi thil thleng thei ani. Mahse hmangaihna chuan anghak che ani mahna mahse ahun thleng erawh anghak kher lo ang che. I hmangaih chu pan la, hlim ula, in hmakhua thlir dun rawh aw. Hnawla fam achan niah țap hnemtu nih aiin reilote atan hlimna petu nih zel a tum zawk rawh.
A tawp ta!
No comments:
Thanks for your comment.