NUHMEI PALI(4) NEIA KHAWSA LAL PAKHAT CHU

 - Ramneisang Faiheng

Translated and edited.

Tienlai chun Lal Pakhat chu a uma, ama chun Kawppui(Nuhmei) pali(4)  aneia,Nikhat chu Natna riktak chun manin,Thi el ding ngirhmuna umin Khum chunga inthawk chu mitin chan dinga ruot chu inbuonpuiin a taksa a hung chau hle ta a,Sienkhawm chuonga nat hnung khawm chun a natna damnawk theidan ding nekin "Thi hnunga ama chaua mal taka a um" chu inlauin a lungril a hluo sip hlea, A nuhmei Pa-4na,A nuhmei po laia a Hmangaitak le duottak Lunghlu,Rangkachak le Thuomtha le Mawia an thuom hlak kha koin,Hienghin an dawna," Mi thipuiin Khawvel hringnun khela mi zui thei iti..?", a ti ta a,A nuhmei Pa-4na chun Dawnin, " Ka thawpal taluo,ka thiemnaw ani, I thil mi phút chu ka thawtheinaw anih," ti thu hrilin a maksan a,A nuhmei Pa-3na khawm chu a Hmangai hle a,Mipui hma a ,a suong le Lal le Laldang dang hmaa khawm an zapuilo a fena  phawta a thuoi hlak chu Ko in Hienghin a bieka," Khawvel hringnun khel tieng hin mi zuiin mi fe pui nuom iti..?,"a hai ti nawka, A nuhmei Pathumna chun ,"Ka hringnun hi ka hmangaiin ka la thlakhla ani,Pawi taluo...I thi phat le ami neitu ding dang ka la zawng ding anih," tia dawnin amaksan ve nawka. A nuhmei pahni na Pasalpa ta ding chun Iengtik huna khawm,a mamaw hun huna Um pek pei theitu niin amanu chu a hai ko nawk a, Lal pa chun  " Chatuon ram tieng chun mi fepui thei iti...?," tiin zawna a pek nawka, a Nuhmei pahnina chun dawnin " Ka thiemnaw ani,a pawi taluo,Tuta trum ruok hi chu i ti ka thaw theinaw ani,i ti ka suk puitling pek theinaw che ani, ka thawthei chu Nang vuina ding che hai buoipuiin,Nang vuina ding hmun le hunsera  hung thei ka tih," ti in a dawn nawka, Chu rawlri chu a bo charin  Rawl danglam tak pakhat chun," I ruolin Hung ven'g ka ti,I fena tawphawta fe Ven'g ka ta,Thina kheltieng ram khawm nisien zui pei ka che," ti chu a hang hrieta, chu rawlri hung suokna chu Hretumin Lal chun a hai en chun a nuhmei Pakhatna  Ngaisak khawm a ngaisak tlawm tak le A hmangaina dawng tlawm tak alo  ni zing ela, Lal chun Mak tiin, " Ka thiemnaw ani ie..., Ka dam that lai khan Lo ngaisak chein lo Ngaituo tha lang che kha ni ding...," ti in lal chun Taksa chautak pum rawlri chun an thiemnaw thu chu an zawt mawl mawl  pha ta anih.

 A chunga Tienami khin ami'n chuktir nuom chu hi hi anih, 

*Mitin hin Nuhmei pali ei nei senga,ei nuhmei palina chu Ei Taksa hi anih.  Lunghlu, Rangkachak le in cheinamawi tin  renga ei cheia ei tuom hlak,sienkhawm Thi hnunga ruok chu mizui theilo,Thlarauin taksa a suoksan hun huna Mi maksan el hlaktu hi anih.*

*Ei Nuhmei pathumna chu Ropuina le Puotieng inlang dan anih.Nuhmei pathumna chun ei Ropuina le inlangdan hai an entir. Ei Hratlai le thatlai po po chun Ropuina le Inlangmawi dan hai ngaituoin ei theitawp suoa,mawi taka inlanga,mi hai ngaisang le Ropuina ei hnawt hlak,Ei inlang ropuina dingin iengkim Nei le neilo in Ngaituo chawpin neiin a phak bak chen Sengin ei pek suok hlak anih. Amiruokelchu,Chuong thilhai chun Thi hnunga khawm ami zui theinawa,Khawvela ei taksa in Thuok a nei tanaw phat A neitu ding dang zawngin sem dar ani ta hlak ani,Nuhmei pathumna in ahril ang bawk khan ,athi huna pasal dang anei nawk ding ani. Ei thuomhnaw le ngirhmun hai chu mihai in hung hluoin,ei thuomhnaw hai chu a kawlvetu ding le enkaitu dinghai zawng tang an tih.

Ei nuhmei pahnina chu Then le ruol hai hi an nih. Nuhmei pahnina chun Ruoltha,Ngainatu le Hmangaitu hai an entir thung. Ruoltha, ngaina a lainatu hai chu ei mamaw hun huna um hlak hai sienkhawm, a hla tawpa an mi zui thei chen chu Ei thlankhur chen chau anih. Ei Ruong ieng hre talo a zalna ding le, inthlana hun chen bak an mi zui thei nawh. Ei taksa ieng hre taluo pil a siem pil veka kir nawk ding chu Hawngnawk talo ding thingrem khawm a mawi taka tuoma Piellei khurthim sunga pil a kir nawk dinga hnawchila a um chen bak chu bawisawmin lainatna le Hmangaina Siengmit haiin mi thlakhlana le mamawna sakhmel chu inlang tir naw nihai.

Ei nuhmei pakhatna,Nuhmei pakhatna chu ei Thlarau anih. Ei thlarau hi Ngaituo loin,ama chunga hin ei Ngaitha in ei ngai pawimaw tawk naw. Chu thil ruok chun Thihnung le Chatuon chena mi zuitu ding chu anih. I taksa chu Ngaituo la,Hrisel takin si rawh,I ropuina hlutna le mawina hai chu chên la Inhawitirna a pek thei ang che chu hmangin nei rawh, i then le ruolin hmangaina le lainatna,ngainatna an pek thei ang che chu Lawmin hlimpui rawh.Amiruokelchu  I THLARAU kha theinghil ngai naw rawh,Hmangai le Duotin enkawl tha hle rawh. Fienril  a umna ding hun chu inchawla,Tawngtaina ding hun chu siem la,i Thlarauin amamaw fak ding le an suk khawp theina ding chu pe rawh. I Thlarau chu i hringnun bul tumtu le  Ita dinga Ruol ringum tak anih.Thla thlam naw ni chea i dam le i thi in i fena taphawta fe'ng ata, I tuor le tuorin, i hlim le hlim a tih. I thlarau neka nang ita dinga ringum um naw ni hai.

---

TLEIRAWL
www.tleirawl.in
E-mail:  admin@tleirawl.in

( News & thuziek, @ +919402125273 )

---