SLOGJYLY SOILED - GREATLY REDUCED IN PRICE!

_By - Tluangpuii Hmar Zote 

              www.tleitawl.in

Hmanni chu ka thiannu phai zin rawn haw hian an bazar-naah an chet chhiat thu vel a sawi a, kan nui dun uar uar a, an bazarna_ah chuan kalpui a nei a, chuta a kalpui-nu chu english țawng amik amak pawh hre lo hi a ni a, chu nu chuan ka thiannu hnenah chuan "Ka u, Slightly Soiled - Greatly Reduced in Price tih hi eng nge a awmzia" tiin min zawt a, kei chuan 'Eng atan nge min zawh a,' ka ti chu. Ka mi hruai-nû chuan “Dâwr pakhata apple an zawrh hmaah chuan, *SLIGHTLY SOILED - GREATLY REDUCED IN PRICE,* tih lo intâr kulh chu ka hmu a. Eng nge awmzia ka hriat loh avangin apple chu ka la ve ngawt a, ka ei chhin a, a zuartuten chuan min hau a, min hauh dan pawh ka hre chuang lo, ka buai ve tawp mai a ni", tiin a sawi. A dawr neitute nen kan inbiak fel hnu chuan ka hrilh fiah ve a, tih thu vel a sawi chuan nuih chu a tiza tho nain, chu thu chuan ngaihtuah dan danglam tak min neihtir a.
*SLIGHTLY SOILED - GREATLY REDUCED IN PRICE* tih awmzia chu "Chhetêa hmelhem deuh avangin nasa taka a man tihhniam a ni," tihna a ni a. Ka thiannu kalpui nuin a lo ngaihdanah kha chuan hralh tlak loh ei theih mai tura an dah emaw tia la-a ei ta ngawt kha a ni a, sâp țawng thiam lo tan chuan a awm ve tho mai.
Mahse, ka ngaihtuahna ti-kal bingtu ber leh ngaihdan dang min puttirtu chu - Chhe têa kan lo hmelhem tawhna khan nasa taka kan hlutna tihniamtu a ni theiin, sualah te pawh min hruai lut theitu thil tê ber lakah pawh kan inveng fimkhur a țulzia min hriatchhuahtir a. Chubakah tleirawl lai nun uluk loten siam țhat lehna hun țha hi an nei tawh mang lo a, țhiante avanga zûk leh hmuam, ruih theih thil buaipui țhinte tân tlân chhuah a har tawh țhîn. Mipat-hmeichhiatna laka tâl buai tawhten dam chhûngin mahni inthiam lohna ser an nei țhîn. A rei tawlh tawlh a, 'nun chhûngril țhatna' chu pawn lamah a lo lang chhuak leh nge nge țhîn  a, pâwn lam hmelthatna erawh hunin a liampui a, belhchian a dâwl zo thei tak tak lo.
Bungbêl thianghlim, Lalpa hman tlâk ni tûrin suala hruai lût thei che thil chi hrang hrang lakah inthiarfihlim ang che u. Sual lian tak hringtu chu sual tê reuh tê hi a ni si a!
Date : 22:05:2017
🌳🎍🌳🎍🌳🎍🌳🎍🌳