NGO -IN MAMIT DC-IN E-ROLL REVISION TRIPURA CAMP-A KAL LUIHPUI DEM, MIZORAM CHHUAHSAN NGHAL TURIN PHUT

NGO CO-ORDINATION COMMITTEE (COMA, MUP, MHIP, MZP, MSU)

Dated Aizawl The September, 2018

THUCHHUAK

Tripura Transit Camp atanga Mizoram khua leh tui dik tak Tuikukte, Mizorama hrual let leh tura Sawrkar hmalakna kal mek hi hlawhtling taka hlenchhuah a nih theih nan NGO Co-Ordination Committee meeting Dt. 4.9.2018-a neih chuan hmalatu zawng zawngte a beisei a. Sawrkar laipui, Tripura Sawrkar, Mizoram Sawrkar leh MBDPF ten 3rd July, 2018-a New Delhi a inremna an lo ziah ang ngeiin, Sawrkar hun Liam 30th September, 2018 thteng hian Mizoram atanga Tripura-a chhuk Tuikukte leh an thlah kal zette chu lo let ngei turin NGO Co-Ordination Committee chuan a beisei a ni.


Hetihlai hian Election kaihhnawih reng reng, Repatriation tih zawh hma a Tripura Transit Camp-a neih rih loh ni se tia NGO Co-Ordination Committee-in a lo rel tawh leh ngenna a lo siam tawh patzut a, Mamit DC-in Electoral Roll Revision Tripura Transit Camp-a a kal luihpui hi NGO Co-Ordination Committee chuan a dem tak zet a. Zoram mipuite aiawh NGO Co-Ordination Committee thuchhuak zahlohnaah a ngai a. He thil a mawhphurtu Mamit DC Bhupesh Chaudhary, IAS hi a rang thei ang ber a Mizoram chhuahsan nghal turin kan phut a ni.

Kan hma lawka Inthlanpui neih torah pawh hian, kum 2014-a Election Commis-sion of India-in a lo Liam tawh ang ngeiin, Tuikuk Tripura Transit Camp atanga Mizoram a let kim hman lo vote thlak torte an la awm a nih pawhin, Mizorama an awmna Polling Station leh Polling Booth theuhah vote thlak tir an nih ngei theih nan hma la turin Election Commision of India official-te pawh NGO Co-Ordination Committe chuan a ngen a ni.


SL-
( LALHMACHHUANA )
Secretary,
NGO Co-Ordination Committee,
&
General Secretary, Central YMA.