Aizawl | September 4, 2018: MZP chuan ni 25th August, 2018(Inrinni) a Lawngtlai District Chamdur 'P' khua a mi kan zirlaipui Chakma foreigner ten a chenna Inah luhkhung a, a hmai tuam a, In atanga pawt chhuakin nasa taka an sawisak hnuah an pawngsual zui hi kan dem hle a, a ram neitu zawkin hetiang ang kan tuar hi na kan ti hle a ni.
Mizoramah awihawm loh khawpa Chakma an pun chak zia leh ram dang atanga an rawn luh dan te Mizo mipuiin kan hre vek a, Mizo hnam tana an hnawksak dan pawh tlang hriat a ni a, Mizote rilru tinatu a ni. Chutiang thilte ngaihtuaha chinfel a tul em em laia a ram neitu nilo zawk Chakma te atanga kan ram ngeiah a ram neitu zawkin kut kan tuar a, pawngsual te kan tawk ta hi Mizo thalaite rilru a dam thei lova, Mizo thalaite hian na kan ti hle a ni.
Chakma te hi dan lovin Bangladesh atangin an lo lut nasa hle a, mak tih tham khawpa pung chakin, kum 1901 chhiarpui a mihring 198 chauh awm in, tun dinhmunah chuan mi nuaikhat (1,00,000) chuang an awm tawh a. Hei hian ngaihtuah a ti thui hle a. Chakma ten mikhual nih inhre map lova an khawsa ta mai leh kan ram chhung ngeia Chakma hovin a ram neitu Zofate chunga hlei an len thin hi MZP chuan pawi a ti tak zet zet a, kan mikhual Chakma ten a ram leilung fa Mizote chunga harsatna an siam thin hi bansan tawh turin MZP chuan a hriattir a ni. Chakma foreigner te chu dan anga hnawhchhuah an nih theih nan MZP chuan hma kan la dawn a, hnam dang laka kan ram leh hnam humhalhna tur leh Zofate kan him zel theih nan MZP chuan hma a la chhunzawm zel dawn a ni.
Kan zirlai pui sawisa a, pawngsual tu Chakma pathum(3) te hi an phu tawk ang ngeiin hremna na tak pe turin thunei tute kan ngen a, zirlai sawisa a, pawngsual tu Chakma te an chunga hremna an pek dan chu MZP chuan a enzui zel dawn a ni.
No comments:
Thanks for your comment.