KHAWNGAIHNA MIT I PU THEI EM?

Ziaktu: Rbt. PC.Lalțhazuala

Sualin  mihring nun a  nghawng rilzia leh a fan thuk zia hi hringnun kawng tin rengah a lang thin hian ka hria. Hma khawsang ata tawh mifing ten *Kan thil tih that tam tak aia Kan thil tih sual chhe te a lan sarh zawk thin thu hi, an lo sawi cham chi tawh * Chu Chu tunlai chhanah hian *thu tha leh ril, thudik leh thutak* niin Mi thenkhat ten an ngai niin a lang.. Hei hi kei chuan ka thutak pawm ve thei lo, Kan  hringnuna sual hnathawh lo lang chhuak ah ka ngai a ni.

Johana 8:3-12: Kan en chuan "Tin, lehkhaziaktute leh Pharisaiten hmeichhe pakhat a uire lai an man an rawn hruai a; tin, a laiah an dintir a, Isua hnenah, “Zirtirtu, he hmeichhia hi a uire lai an man a ni, a uire lai takin. Dan Lehkhabuah, Mosian hetiang mi hi lunga den hlum thu min pe a; nangin engtin nge i ngaih?” an ti a. Isuan chuan “In zinga sual nei lo apiangin amah chu lungin deng hmasa rawh se,” a ti a. Tin, anni chuan a thusawi chu an hriatin, upa berin a tan a, a tawp thlengin, pakhat khatin an relh chhuak ta zel a; Tin, Isua a tho va, a hnenah, “Hmeichhia, khawiah nge an awm tak? Tuman thiam loh an chantir na che nge?” a ti a. Tin, ani chuan, “Lalpa, tuman mi chantir lo ve,” a ti a. Tin, Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti a. Tin, Isuan an hnenah thu a sawi leh a, “Kei khawvel entu ka ni; tupawh mi zui chu thimah a leng tawp lovang a, nunna eng a nei zawk ang,” a ti a.

Helai thu hian a sawi chiang hle mai, Lehkhaziaktute leh Pharisaii te hian he uirenu thil tihdik loh leh tlinlohna hi an hmu lian hle mai a, mualpho leh thi tlak hial hmuhin an hmu a ni. Mahse Isuan chuan chutiang zawngin a en ve tlat lo hi a ropui a ni. uirenu chungah chuan KHAWNGAIHNA MIT puin  "Thiamloh chan tir lovin, "Kal la tisual leh tawh suh" tih thua fuih zawkin, Ngaihdamna Lallukhum a Khumtiri ta zawk a ni tih Kan hmu a ni.

Chuti chuan, Pathian thu hian ringtu hi hetianga mi dik lohna chhe te hmuh theih riau leh an tlin lohna leh sualna lansarh tir tumna mit pu tur hian min zirtir lova, chuti a hnek in Ringtu te hian KHAWNGAIHNA MIT pu zawk turin min ti a ni. *Khawngaihna mit atanga fuihna chuan mi nun a siam tha si thin.*

Lalpan malsawm rawh se.