ZUA TELLO HRAICHAWI RIANGTE ( Chûnnu Țah Hla)

ZIAKTU - FIJIKO

Suihlung ka phang ngei e, zua tel lova hringnun i hmachhawn tur hi ka hrai riang te.

I chinlai lenrual ten zua tang belin, hlim leh lawm avangin nui chungin an bianga mittui a luang bik ang a, nang zawng zua tang belh tur i neih ve loh avangin lunghnur takin i biangah mittui a luang dawn si a.

Nu khawnge ka pa tia min zawh hunah i chun hian eng chhanna nge a pek tak ang che.

Kei suihlung mawl mai i chun hian e, ka hrai riangte, engtin nge zua tel loin hringnun hi ka hmachhawn pui thiam ang che le, hmeichhia a zawnga engmah nilo ber kher hian engtin nge i hma ka hruai thiam tak ang le..

Hmalam hun dawn thiam avan har em, hrilh a hai ngei zaleng zingah, lungdam te a zal a har thin laikhumah ah pawh, thindam taka chingmit khar a har ngei e..

Mahse maw ka nau tuaite, i chun hian theitawp chhuahin i tan ka thawk ang, hlim taka hringnun i hman theih nan i chun hian ka bei zel dawn a, i hlimna chauh duh tu hi nang vanga a lo chau a nih pawn bat neiah in ngai chungin hringnun hi hmachhawn suh ang che aw..

Harsa mahse ka thei ngei ang Pathian rinchhan in, nangpawh hmalam pan zel turin in ti huaisen thin ang che aw.