NAWHCHIZUAR REMPUII NEN

- P.Moia

Ruah chu a tla sep sep a. Vanapa Hall ah zan dang ang bawkin hun hman a ni.Vanapa Hall- boruak a reh hnu awm velah chuan ka chhena in atang chuan zanin na na chu khawnge tiin ka in kap chhuak a.

Zan dar 10, luck loh theih hle mai. Kan kawmthlang nuthlawi ka hel vang a ni ti a ka in ngaihtuah rauh rauh lai chuan nula pakhat chhelo zet mai chu Vanapa Hall lam pan hian a rawn phei zan zan a, a sakruang leh kim tlang chu ka hmuh phat atang chuan ka ngaina em em a, a hmel a tha in, a pian pawh a duhawm. Ngun taka ka thlir chuan ka hmuh tawh hnu leh ka hriat zawng ni tlatin ka hria a, belhchian ka tum ta.

Chu nula chhelo zet mai chu a Cell phone a hmeh en zeuh zeuh pah chuan meizial an tan leh zauh thin a, Vanapa Hall kawtah a ding tlat bawk si a, nghah nei ni a ka hriat avangin hreh tak chung chuan ka va pawh chawi a.

A kiangah chuan ngawi rengin ka ding a, hmeltha ka ti bawk si. Sawi tur ka neih chu ka sawi ngam si lo. Ka han belh chian chuan amah chu tunlai tawngkam taka KS 'Nawhchizuar' kan tih ang hi a lo ni a. Lenpuiah ka sawm a, a lo hreh lo bawk nen, New Capital lam chu kan pan ta a.

Zan lai dar 12:45 a ni ta. A hmun kan thlen chuan mipa leh hmeichhia awm dun na na chu ngaihtuahna kal dan chu tur in hrethiam awm e. A hmun leh boruak lahin a lo zir leh zel bawk si. Chu nula hmeltha tak mai chu ka belhchian chuan kan rawlthar chhuaha ka lo 'imaita' thin Rempuii ngei kha a ni tih ka hre chiang ta. A chin ka hriat tawh loh, ka zawn thin leh ka ngaihven ruk reng chu ni rengin chu kan awmna hmun New Capitalah ngeiah chuan tlangval pachang ve tak chu ka mittui a tla hial a. He nula hi a dinhmun ka hriat chian mahse a tun hnu nun ka hriat tawh lo, ka ngaihven reng a ni.

A hmingpui Zorempui tih pawha ka koh phal loh, Rpi chuan ka lam hawiin ka hming ngeiin mi ko ta. Mak ka tiin, ka phu zawk a. Mi hre lo emaw ka tih chuan mi lo hre reng chu niin, ka lam a lo hawi chuan a mittui chu nasa takin a tla a. A lak ata kal kiang turin min ti. Mahse ka kalsan thei lo a ni.

Hetia  KS a lo ni ta mai tih ka hriat chuan ka rilru a na takzet. A chanchin ka han zawh chian chuan a dinhmun chu hrehawm a tih thu leh a saltanna atang chuan chhuah zalen a chak thu a sawi a. Hmangaihna tel lova nulat tlangval nawmchenna chu hrehawm a tih thute sawiin khawvelah beisei a neih tawh loh zia te chu mittui tla chungin a sermon a ni ber.

Ani chuan broken family- pawizia sawiin a rin loh leh beisei loh humsual a dai chu a ni pawhin mak a ti a, a zah thu chu insum kar na nei miah lovin a sawi bawrh bawrh chu a ni ber e. Beiseina nen Biakin leh khawtlangah in tap lut dawn se mite hmuhsit leh elrel, diriam an nih zel thute, an tan khawvel chu a zim zia te chu tap chung chuan in sum karna nei lovin a in bun ruak a ni ber mai.

He zan hi ka tan zan duhawm tak a ni tih ka chharchhuak ta.Hun rei tak kan inkawm hnu chuan hun bul kan tanna lamah chuan ka haw chhoh puia, ama duh ang ngeiin ka kal kian san ta. Mahse ka thinlung erawh a kiang lo, a bag ah dan thleng chuan mit thlaah a lang zel si

Ka muhil thei lo: Zing dar 4: 00 a ri a, ka khumah thlamuang takin ka chawl hahdam ta. Mahse ka muhil thei tlat lo. Kha nula hringnun ah khan zirlai pawimawh tak ka zir chhuak a, chu chu ka ngaihtuah zui ta.

Kan biakin te hi a ropui tual tuala, mahse heng nawhchizuar, ruihhlo ngai kan tihte hi mifelte zingah an leng tawh lo em ni aw tih ka ngaihtuah nasa hle.Kohhran thalai rawngbawlnaah theihtawp  kan chhuah a, mite tlin lohna kan hmu thei em em , a bil bilin kan inkawm a, fellowship leh thalai inkhawma kan tawngtaipui thinte an lo tha chhuaka, thing zung tang ang maiin kan lo kher leh a, an tan hi chuan kan zingah khawsak a lo har dawn mange aw ka ti...

Hosea chuan Lalpa thupek angin a kawppui atan nawhchizuar a nei a.Pathian thu hi chu a mak a ni.Kan rawngbawlna kawngah hian chanchin tha hril tur chuan hmangaihna pawimawhzia ka hriat thar phah a, heng misual, awm tha duh lo kan tihte nen hian Isua thisen thianghlimah chuan Damna kim kan chang ho thei vek a.Tute mai pawh hian famkimlohna kan nei a. Kohhran huang chhung rorelna atanga misual a kan  ngaihte chunga  judgement kan pek fo ang hian Lal Isuan kan sual kan zep ruk, pulpit tlanga kan lawnpui fo ah hian judgement min pe ta se engtin tak keini hi awm ve ang i maw?

Kan Pathian Biakin lah hi thenkhatte tan fashion show na hmun a chang mek, a chhunga lawite hian sim tur heng misual kan tihte ai hian kan ngah lo zawk pawh a ni thei,chutihlai chuan that ngawl kan veina hi thlarau bote daltu anih chuan a pawi hle dawn a ni. Kohhrana khawngaih rawngbawlna hna kan chelhte hi ataka thlarau bote hnena khawngaihna leh hmangaihna thleng phak chanvo ni zel thei se a duhawm ngawt mai.Chuti anih loh chuan kan inpal hah thlawn mai dawn a ni.

Ni e, kan famkim lo.Tumah reng hi kan famkim lo. Kan za hian Kristaah chuan pum khat kan ni. Rawngbawlna hi kan phak tawka kan tih vete hi a tul. Kan nun kawng min hruaitu atan pawhin. Eng pawhnise kirna tur kan neihah hian i kir vek i la, in tawngtai sak tawnin hmangaihna nen chanchintha i hril za ang u. Rpi nena kan CK zan hi CK dan hlu ber leh hun hlu ber pawl a ni.