Ziektu: Buonneitling Inbuon
Writer, www.tleirawl.in
Tulai chu piengthar umzie le nina,ti hi ka lungrila anlang em leiin,a tlâwmin keima nun ngeia, piengthar nun kalo hmang dân hai le, piengthar nina nun mizie hang tarlang ei tih.
Piengtharna hi mi tamtak chun, umzie hre lo khawm ei um ring a um, zuk danglam phut ding dâmin eilo ring hlak angin,kei ngei khawm ka naupang deu metlai, Camp ka lut phut chun,mak deuva,danglam deuva um dingin,kalo ngaituo ve hlaka,chun Camp hi ka ți thei em em bawk a nih.
Turuok hin chu țina hrim ka nei ta nawh,Lalpa thisen ngeia min Tlanin,amin chawk an tah ti ka chieng em ta leiin,mi tam lem chu tuchen khawm hin a ți le zâm sie khawm eila um nuol ring a um,ți ding chi an naw a,ei thlarau mi Sandamtu mi Sandamna hrietchiengna ding le ei thlarau chawl hadamna nun thurûk ngei hmu suokna ding a ni lem a nih.
Piengthar nun ei ti tak hi Mani mihriem danglam phut lovin,lungril rûk,a hung danglam lem ta hlak a nih, ei hming le hmêl hai danglam lovin,Nun a hung danglam lem ta hlak a nih.
Mani nuom le ditdâna nun hmang a rem a thei ta naw a,lungril thar ngaituona thar Krista lungril ei hung put ta lem a, nun hung intlâk tleng na ram ngei a chun, nun thar a hmâta ei thaw hlak hai kha thaw a rem ta nawh, nun thar rama lêngin, Krista lungril ei hung put ta lem a nih.
Campa kan lut chun,Lalpan ka tadinga a tuorna popo hai chu felfâi takin ka hmabul Krossa hemde angin,mak takin chieng takin ami hang in hmutira,anvuokna invuol hai le,an min vâkvâi pui na ram hai popo ami hang in fangtir chun,ka lung ana em ema,a miruok chu kha a tuorna haia khan,damna kalo chang ani ti ka hrietin,lawmna mittui a hung luong nawk ta lem a.
A thu ropui tak elin ami hung biek ta a nih,chu taka inthawk chun ka thlarau a chawl hadam ta em ema,chawl hadamna nun thurûk Krista Krossa chun,ka thlarau a chawl ta a nih.
Camp kan hung suok chun,ka lungril ngaituona hai popo chu ka luthma nêkin, an thieng ta em ema, hmupei naw amanih, annawleh, thawpei nawmanih, hai popo kha a hung bova,Camp ka luthma a ka lungril hai popo chu,Camp ka hung suok zo chun,ka lungril chu a hung danglam ta vawng el a nih.
Lungril chu a hung thienghlimin,a hadam ta em em a nih,châng mawi naw ei ți em em a,Lal Isu Krista lungril thienghlimna nun ngeia khan,ei ni khawm ei lungrilhai a hung thienghlim ta lem hlak.
Hrechieng nawk zuol pei hi ka nuom leiin,Camp lut hi kan hawk thei em em a,vawikhat chu Camp kan lutna a hin,kum 15 mi bawr vêl naupang nuhmeite hi a uma,a suksak khawm hre lovin,a um ve tawpa.
Chuonglai chun,ka ruol țhenkhatin,an mi hrila,sawnu saw,iengkhawm ala chang naw, lungsiet a um khawpel tîn an mi hrila,Kei chun inthlahrung tak pumin,Toi la hung raw,ka ta,a hung chun,iem i chang tale?tia kan dawn chun,iengkhawm ka chang naw ie tîn ami dawna.
Ami dawn nawkna a chun,Kei chu suolna ka nei ka hriet nawh,mi khawm kan sêlpuiin,mi thuomhnaw khawm kan rûk ngai nawh atia,kei chun khawvêl mihriem popo suolna nei naw tukhawm ei um nawh,tîn Lalpa mi hung zawng suok dân hai tamtak kan zawt kuol pêk ta a, asei taluo ding ani leiin zuk shortcut el ei tih.
Chuongchun entirna'n 1 ka pêka,tuhin thi dingin,i chungthu anrêl fel vawng tah a,second 1 hnunga khaihlum ding chau nghakin,hruihruol hmaah chun,i ngir ta a,anleh,mi 1 hung thlân vang vang sienla,Ama âiin kei mi khaihlum lem ro hung ti sien, i âiin thi ta sien, i lunginsietin i hmangai naw ding am a ni?tîn kan dawn tah a.
A lung a tawk hle a,chuong ang char chun,ei Lalpa Isu Krista kui hin ei thi âiin Thing Kross lera a thisen popo farkang rawtin ei tadingin a hung thi a nih,tia ka hrilzo chun ka kuoa ka țawngțai pêk tah a,ka țawngțai lai tak chun mak takelin,ka kutrînga inthawkin ka kutpar khinghni hi a hung ngar ta vawnga,a hung țap suok tah a,Lalpa sinthaw ngei chu,Lalpan ropuina chang rawseh.
Amaah Lalpa hmangai a hriet thei nawna popo kha ka kutpara chun,a lutvawngin ka hrieta,kan țawngțai zo chun,lungngai khawm lungngai theilo,chu lungngai hmêl putin, beidawng hmêl takin, an ngaituo tah a, chulai tak chun,kan țhuoitu hai chun,lan hmusuok lohai kha,Bethela fe ding an hung tia,an hang fe tawl tah a,zantieng inthim bût chun,an hung kir tawk ta senga.
Mi tamtak khanga anhlima anlawma, an lâm dup dup lai khawma, hlimna châng hre lo, lâm dân ding le lawmna ding khawm hre lo chu,a hung inchâwma, Bethela inthawk chun, hlim takin mipui lai khawm a um thei tah a, a mi hmu chun,U tiin ka kuoma lawmthu a hril mawl mawla,toi Lalpa sinthaw anikha,lawm a um taluo tiin,kan țap innui deu chu ani tak.
Piengthar ei ti mi tamtakin, intak deuva hmu eilo tum hlak hi a ni der naw a,a awl em em a,Camp ma lut kher ngailo khawma,tuta darkar el khawm hin piengthar thei zing anih,Mani in sie ruok a, Pathien ei bêl chun, ei nia khan a thlarauvin ei thlarau kuoma anau nina Lalpa thlaravin athu ami hungin hriettir hlak chu ngei chu anih, Piengtharna chuh.
Chutaka inthawk chun Krista lungril putin,nuom dân le ditdân a hung intlâk danglama, nun hung intlâk tlengin, Nun thara Krista leh chun ei cheng hmunkhat lem ta hlak anih.
Piengthar chu silfên thienghlimlo nun tlâk danglamna ram ngei kha anih,Lalpan ei nun hlui silfên thienghlim nawna popo Krossa ngei chun,Ama thisen ngeiin, amilo tlâk danglam pêk tah ti hrea, Nun tlâk danglama, Krista silfên thienghlim tak chu inbeltu ni seng thei dingin,Lalpan a thu ropui tak chu ei lungril senga mal misawm pêk mawl raw seh...Amen...
Writer, www.tleirawl.in
No comments:
Thanks for your comment.