Achmad Zulkarnain : Pro - Photographer kut le ke nei lo chu

 

Achmad Zulkarnain hi en mai chuan engmah ti thei lova mahni in luma chhungte'n an enkawl leh chhungte harsatna thlentu mai ni hmel a pu a. 

A chhungte tana phurrit mai ni hmel pu chungin, a piansualna chu, "Ka tlin lohna hi ka tum tihlawhtling lo tura min titlinglotuah a chan ka remti ngai lo," ti chungin huaisen takin a duh leh tum lam kawng chu a zawh ta a ni.

 

Achmad Zulkarnain hi Indonesia lam mi niin, a Facebook accouunt atanga kan hmuh danin Banyuwangi, Jawa Timur, Indonesia ah chengin a awm a.  Kum 25 mi chauh niin kut leh ke nei lo Professional Photopgrapher a ni. 

 

Amah hian Company , Dzoel tih a nei a, Facebook leh instagra lamah chuan Bang Dzoel tiin page leh account a nei thung.

 

A tumruhna, a thawhrimna leh a tum a a chian em emna leh a chhelna chuan a kawng zawhah hlawhtlinna a pe a, a ni piangsual a lo ni bawk nen tunah phei hi chuan khawvelin a ngaihven a, thalai tam tak ngaihsan a ni chho mek ani. 

 

A kutchhuakte en hian a thiam tih a chiang mai a. Hetiang anga nalh hian engtin nge a tih theih tih chuan ngaihtuah thiam a har a, he a tumruhna tak mai hi miin an ngaihsan chhan chu a ni.

A Video hi lo en rawh le...