Hitler Thah tumna.

- Ricky L. Colney

www.tleirawl.in

July 20th 1944 khan Hitler a chuan Thlan kotlang a rap fua a,hemi ni hian an Committee na ah amah thahtum tu te BOMB dah chu a puak a, vanneih nge kantih dawn vanduai thlak takin Hitler a chu a thilo zingah a tel hlauh mai ani.
Hitler a kha a Rorel tirh lam chuan Germany mipui khan an atchilh hle mai a, A ram mipui leh Sipai support na pawh a hmu tha hle ani.Mahse Indo pui te a chhuak a, a ram mipui leh Sipai te ngei chuan Hitler a chunga rinna an nghahna chu a tlem ve tual tual a..Amah lah kha a Luhlul in thu a duh bawk si, Germany khan talchhuah ngaihna awm lo khawp in kil tin ah Ral a bei a, chuvang chuan a Sipai hotu thenkhat tekhan Germany tlukchhiat vekna dal thei awmchhun chu HITLER a thah kha niin an hre ta a,Hitler an thah veleh A Coup d'etat an tih chu an kalpui nghal anga,Germany ah Sorkar thar a ding nghal anga chumi chuan Tangrual pawl te lak ata CHHIAT vek na chu an pumpelh pui dawn ani..Chutiang chu an PLAN- chu ani a,mahse a tak chu hetiang hi ani.

Colonel Claus von Stauffenberg, chief of the Army reserve a kut ah Mawhphurhna sang tak chu dah ani a, ani chuan Berchtesgaden a Conference an neih hunah Bomb hmangin Hilter a chu a that tur ani a, mahse Berchtesgaden a Conference neih tur a tih chu a hmun sawn in Command Post pakhat Hitler's Wolf Lair- ah an sawn a, Wolf Lair chu Rastenburg, Prussia a awm ani. Colonel Stauffenberg a chuan Briefcase chhung ah Time Bomb a dah a, Hitler a leh a Sipai hotu ten Eastern Front War Map an zirchian na dawhkan hnuai ah,Hitler a awmna hnuai zawn ah Briefcase chu a dah ta a,chutia a dah veleh chuan amah chu a chhuak nghal a.Colonel Heinz Brandt a chuan Hitler a hnaih deuh a din a duh vangin chuta Briefcase chu a dah sawn ta daih mai si a, Dar 12:42 pm.ah chiah chuan BOMB chu a puak ta ani.Bomb puak khu te a reh hnu chuan Hitler a chuan hliamna tak a lo tuar ve ngei a,a ban pakhat zawk chu rei vaklo a zeng nghe nghe a,mahse a thilo ani. Hemi ni tlai ah hian Italy Dictator Mussolini a chu a rawn kal dawn a,chumi hmuah na ah pawh chuan Hitler a chu a in lan thei a, Mussolini a chu Bomb hmanga thah an tumna hmun techu a fan pui nghe nghe ani.

Wolf's Lair ah chuan Hitler a Sipai hotu 4 lai an thi a..Hitler a chu a thi velo tih reng hrelo in Bomb dahtu Colonel Stauffenberg a chuan Operation Valkyrie(Sorkar paihthlak na) nei turin Berlin a pan mek a, Berlin khawpui a thlen veleh amah leh a thawhpui General Olbricht a chuan Reserve Army Commander General Fromm a chu an man nghal a, German sorkar Building pawimawh taktak chu an thuhnuai ah an dah nghal zel bawk a..Mahse chutia thil an kalpui lai mek chuan Hermann Goering a hnen atangin HITLER a a thi lo tih hriat ani leh ta si a. General Fromm a pawh chu chumi ni lala chuan an chhuah veleh ta a, Colonel Stauffenberg a leh General Olbricht a chu man in an kaphlum nghal a, HITLER a chuan amah thah tumtu chu a zung atanga phawi a hriatchhuah vek an tum ta a, a beisei leh rin phakbak in an lo in kungkai zau deih mai leh nghal a..Berlin mai nilo French ram(French hi hetih lai hian Germany hnuai ah an la awm) thleng thleng chuan amah thah tum tute chu an lo awm a. Hitler a thahtum na a in hnamhnawih ni a an hriat German mi 7000 lai an man khawm ta a, chutiang zingah chuan Evangelical Pastor te pawh an tel a..an man zinga 5000 chu an kaphlum ani..HITLER a thahtum ni a hriat an thenfai na ah hian German General ropui ber ni a chhal ngam General Erwin Rommel(The Desert Fox) pawh thi zingah a tel ve ani.

Hitler a hian hemi bak hi amah phiarru a thah tumna lian tham a tawng leh tawh lo a, Germany hruaitu anih chhung zawngin vawi 42 vel thah tumna a pumpelh ani.

( I chhiar zawh khan khawngaihin ads hi lo click ve la.)