I PIAN NI AŢANGA I MIZIA I HRIAT KAN DUH E..(A DIK EM?

_ Toni Râlte

1. Lehkhathiam thei tak, kutziak mawi tak an ni duh. An rilru erawh a zau halh hran lo; mize zawi lam, lerh lo tak, zakzum tak nisia a chanvo erawh tha taka hlen mi a ni. A zei lem lo bawk a, mahse, a nghet.

2. An harhvang angreng, rilru chak tak, lerh pawh an lerh. An rilru a zim hran lo naa, an sahuata deh palh chuan rapthlak ve fê an ni. Ţawng duh tak an nih rualin mahnia tlatfal nuam ti chi an ni daih! Mi ngaihsak huam huam an thiam lo a, mi ngainat erawh an hlawh duh zêk!

3. Mize nghet vak lo, thiante thu thua awm chi, deh nuam tak, nuih heh tak an ni fô! An lerh hran lo naa an zei ru phian. Vaupung tina chi an ni a, a rukin an nunnem hle thung. Kawm an nuam thlawt.

4. Nawi ve thei tak, nelawm tak an ni. Fiamthu an ngaina a, fiam pawh an dawl phian. An zau halh mai. Chutihrualin sas lamah an rinawm tluantling thei lo fô!

5. An huat nih hrehawm khawpa ngeiawm thiam, tawngkam thiam bawk si an ni. An ngainat zawng nih erawh a nuam thlawt. Lamtang atana duhthusam an ni a, sas an neih pawhin an thikthu a chhe viau.

6. A ruka lerh ang chi, mite hriat ve loha kaw hreuh hrat zet an ni roh! An hawiher a zang vah a, ho tak anga lang si hian mi zah kai an ni keuh duh.

7. An zaidam hle. Mi pawi sawi an hlau bawk. Chhungte hmangaih hlur chi, ti chet chet chi leh sas lam pawh eng teh uala ngai lem lo, kalpah mai mai an ni duh.

8. An ţawng rang angreng, an thluak pawh a chak. Fiamthu an thiam viau, thian bulfuk neih loh hrehawm ti deuh, sas lamah erawh zakzum em em an ni tlat thung.

9. Ţuanmuang angreng tak, nghah ngai reng ang chi. Mahse, mi inchengvawng leh che fel thlap an ni thung. Sas lamah an luangliam thei hle a, an la na a, rinawm pawh an rinawm.

10. Ho lam taka nung, ngaihtuahna thûk tak erawh nei si an ni. Thiante ngainat an hlawh a, thiante huikhawmtu an ni tlangpui. Sas lamah an rilru zawng zawng an pe ngai mang lo, rilru thlak thut thut an ni duh.

11. Hmeltha ngaisang zet, sas pawh kawp mai hrat an ni duh. An thichhe viau naa ngainat an hlawh duh zêk! Mi tihlawm an thiam a, a tlangpuiin an fing a, an thluak a tha viau.

12. Suangtuahna tam tak nei thin, a tak rama puitlin harsa ti leh si an ni thin. Hnial an hrat a, an awrawl a vin bawk. Mahse, thenrual an ngah em em a, leadership an nei tha bawk. Sas lamah an zei em em a, an thikthu a chhe viau bawk.

13. Ngaihtuah lem nei lo, mahnia hlim ve tawp, mahni inngaihlu zet an ni. Sas lamah an zei thawkhat bawk a,  zûn an nei ve tlat. 

14. Hmangaihna la na angreng tak, a hun laia tuar thei em em, dam leh hma si an ni tlangpui. An taima a, an viak a tha. Ngun taka ngaihtuah hnua thutlukna siam chauh thin an nihna hi an duhawmna a ni.

15. Nuih heh em em, thian ngaina zet an ni. Huat an nei vak lo,thuawih deuh an ni. mahse, an thinrim changa pawisak nei miah lo, kut thawh mai pawh pawisa lo an ni thung! Sas lamah an nghet a. Inthen pawhin an na rei thei hle.

16. A ruka lerh chi an ni. Thian an ngaina bawk. Ze zawi lam, tawng tam lem lo tak an ni. Han lerh ziai ziai hi nuam an ti tlagpui. Mahse, hmangaihna khura an tlukluh chuan an tang nghet thei hle.

17. Tih tauh nghet nghet an hrat, an rilru a zim. Mahse, an rinawm a, an nghet. An taima viau lo naa an thiltih a felfai thin thung. Sas lamah an rilru a na hma a, an caring hle bawk.

18. Ngaihdan maksak tak tak nei thin, hnialkhan hre zet an ni a. Mi ngei hlawh fô mah se, mi te zah ruk an ni tho. An frank viau a, dâwt sawi an hreh viau bawk. Sas lamah an zei lo, mahse, an rinawm.

19. Inhmuamûp chi, nelawm loh zet, rilru tha tak nisi an ni. Mi tanpui nuam an ti a, midang an care hle bawk. Sas lamah erawh awiawm loh khawpin an thikthu a chhia.

20. Â buang mai, a lawmawm zawnga mawl chi an ni. Thian ho zingah pawh nuihna siamtu an ni thin. Sas lamah an vei zawng vei ngut ngut, mi dang an duhzawng an hmuh leh huna pakai mai hreh lo an ni thung. 

21. Taima tak, che fel thlarh an ni duh. Mi inhmakhua chi, tlai ngaithei lo tak an ni tlangpui. Sas lamah an caring a, then an harsa hle. Mahse, mi kawp an hrat zêk!

22. Rinngam tak, mize nghet tak nei an ni duh. Sas lam an ngaihsak tehchiam lo, eizawnna lama insawrbing chi, mahni intodelh tak an ni.

23. Thinchhe tak, awka pawh vin ve thei tak, ngainatawm fû si an ni roh a! Nuih pawh an duh viau. Sas lamah an zei lo naa an zuna uai a na phian.

24. Talented tak, ngaihtuahawm loh, inringtawk zet an ni a. An dam dup. Sas lamah erawh eng teh ual an ni lem lo.

25. Tahbelh angreng tak, thinlung nêm tak nei an ni a. Mahse, an che fel. Sas lamah an nghet a, an sas ten an duh hiam hiam thei hle.

26. Hmangaihna la na zet, luangliam thei deuh an ni. Mize zawi lam, inthlahrung thei deuh, a ngampatna hmuna bengchheng ve thei tak an ni lawi! An mizia hi a mak viau.

27. Tawngkam thiam fahran lo, dawp chhuah awlsam zet an ni. Mi khawngaihna an ngah hle. Sas lamah an duh uluk a, an fimkhur avangin ngaihzawn an manhla hle.

28. Nun ho ve tak, nawi thei fù, zau halh mai an ni a. Sas pawh an ngaihtuah tehchiam lo, an nei ve satliah mai mai.

29. Ei duhtui ve lam, hriselna lam ngaipawimawh tak an ni duh. Sas thlan kawngah pawh an fimkhur viau, an confi a, mi an hîp tlangpui.

30. Fing ru tak, tawng tam si lo an ni. Rawn an hlawh phian thin. Mize harh thawt thawt lo, a hun leh a hmun hre tak, sas lamah erawh manganthlak khawpa zei si lo an ni.

31. An nelawm, an bula awm a nuam bawk. Mahse, an lerh ru viau..zei pawh an zei. Mi hneh theihna mak tak an nei ve tlat.

(A dik vek lo..🤣🤣🤣