★Opeey-a Khiangte
__________________________________________
'Triangle' hrang hrang chanchin kan chhiar tawh a, la chhiar loh pawh ziah kim vek kan tum dawn nia.
M-triangle hi hmun kilkhawr tak Ural mountains bula awm a ni a, thil eng tak an hmuh fo thinna hmun a ni. Moscow atanga chhak lam 600 miles-a hlaa awm, M-Triangle hi Russia rama UFO hmuh zin berna area a ni.
Chung lai vela chengte chuan, ni tin deuhthawa an thil hmuh thin a nih angin ngaiah an nei deuh titih tawh a ni. Light mak tak vana thlawk te, unidentified flying machines te, Mihring langtlang thei te, symbols leh letters mak tak tak Vana inziak thinte chu an hmu zing hle thin.
M-Triangle tlawhtu zinga thenkhat chuan, a hnuah, taksa thiltihtheihna mak tak tak an neih thin avangin, Russia's intelligence agencies-in M-Triangle area chu a enthla ru reng niin an sawi bawk a ni.
Kum zatel liam ta atang khan, a chhehvela chengte'n thil mak tak tak an hmuh report a lo awm nual tawh thin a ni. Soviet regime hnuaiah khan, M-triangle zirchiangtu tur expeditions pawh vawi tam tirh a ni tawh a. Mahse, eng thil nge an va hmuhchhuah tih erawh hriat a ni tawh ngai thin lo a ni.
Town pakhata chengte chuan, Vanah thil eng mak tak, pianze hrang hrang an hmuh fo thu an sawi a. A changin boruakah a hmun ngaiah darkar tel an awm reng a, a changin an thlawk liam puat thin niin an sawi.
UFO enthusuasts thenkhat rin danin, saw lai Tlangah saw'n uranium a tam hle a, chumi avang chuan thil hmuhsual a awm ta thin a ni.
Chutih rualin, Vladivostock area-a Tlang Hill 611-ah kum 1986 khan UFO (flying saucer) a tla niin an sawi a. Chu chu "Russian Roswell" ti pawhin an sawi thin. Chu hmun chu Dalnegorsk village bul lawka awm a ni.
Roswell incident ang lo takin, he hmunah hi chuan UFO kehthem niawm tak tak hmuh a ni a, chu chuan mi tam tak ngaihtuahna a tikal thui em em mai a ni.
Kum 1958 khan, Moscow-ah Thlengthlawkthei "flying saucer" a tum hmuh a ni a, mahse, thawk leh khatah, a thlawk chho leh thut niin an sawi. Chumi kum vek chuan, Radar-in detect a nei a, mahse, target chu an va hmuchhuak thei ta lo a ni.
Kremlin chung zawnah pawh, an duty laiin police pakhatin a hmu a, Sparski Tower chung boruakah che lovin a awm rei khawp mai tiin a sawi. Kum 1978-ah, Kremlin-a Cathedral bell tower chung zawnah thil mum, eng tak hmuh a ni a, light rawng chu a eng a ni.
Amah atanga Ring lutuk taka thil a rik hnuin a bo zui ta a ni. Kum 1961 khan, thil danglam tak a thleng leh a, chu chu Italian science writer Alberto Fenoglio-a'n a report a.
UFO lian tak chu secret Russian missile site-ah a kal thu a sawi! Fenoglio-a sawi danin, chumi tuma UFO a hmuh lian tak bulah chuan, thlawhna craft te tak te te, awmze nei taka thlawk a awm nual bawk a ni.
UFO's chu kap tura thupek an dawn angin an kap a, mahse, an kahna missiles zawng zawng chuan a fuh thei tlat lo. Chubakah, chu sawrkar hmuna power zawng zawng chu a thi hmuk a, missile systems a khaihlak ta vek a ni.
M-Triangle area-ah khuan thilmak hrang hrang sawi tur a tam hle a, UFO mai bakah, cloud Mystery an tihte pawh khu thil mak tak an ni.
January 1985-ah, passengers phur aircraft pahnih chu Belorussia chung zawnah an thlawk a. Chutia an thlawh lai chuan, Chhum hring deuh reuh atanga ENG (light) chhuakin, lei lam a kah thla phut mai hi an hmu a ni.
Chumi hma pawh chuan hmuh a lo ni fo tawh a. Kum 1982 khan, Bennett Island, Novaya Zemlya atangin Chhum danglam em em mai leh hrawl pui pui, tam tak hmuh a ni a, khawi lam atanga lo chhuak nge an nih tih chu scientists-ho pawhin an hre thei lo.
Kum 1967 khan, commercial airliner pakhat thlawk lai chung zawnah UFO a thlawk ve zel a. Chu veleh, Mak tak maiin, Thlawhna engine a thi ta hmuk mai a, lei lamah a bir thla tan ta a.
Mahse, an vanneih a siamin, lei a thlen hma 2000 feet-ah, a engine a nung leh thei hlauh a ni. Russia's elite fighter pilot-te'n UFO an tawk ngun hle mai a, a then chu an kap hial a.
Chutianga UFO an tawh thinna lamah chuan, Thlawhna pahnih ngawt a bo tawh a ni. Ukraine-ah pawh, kum 1966 khan, Odessa khawpui chung boruakah, Soviet pilot pakhatin UFO a um vak a.
Lei lama radar pawhin a thlen chin a chhui zel a, mahse, um phak a ni ta lo a, radar pawhin a bo leh ta daih a ni. Chubakah, M-Triangle-a Thilmak dangdai tak pakhat awm leh ta chu, M-Triangle area va tlawh vetu zinga pakhat, journalist leh cosmonaut nikawp Pavel Mukhortov khan, M-Trianhle area a tlawh atangin thiltihtheihna danglam tak a neih phah niin an sawi a.
Mukhortov chu hrisel lohna avangin sipai atangin chawlhtir a ni a, a hnuah, journalist hna a thawk ta a. M-Triangle area-a power mak tak a awm an tih thin chanchin kha a chhiar ve fo a, a tawpah, amah ngeiin va tlawh a duh ta hial a.
KGB investigation chuan M-Triangle chu a lo zirchiang mek a. An va tlawh ve ta ngei a, an group member thenkhat chu an damlo a, Mukhortov pawh chuan amahah thil danglam tak hriatna a nei a. Moscow-a a letleh hnuin, Mukhortov chuan a taksa a danglam tih a hre tan a.
Tun hma anglo takin, aerospace physics chanchinah a knowledge a zau ta hle mai a. Rei lo teah, Soviet Space Programme-ah cosmonaut nihna pek a ni ta hial a ni.
Tin, research team pawh Energy source (light) mak tak, sa zet maiin a um hrep a, Ramngaw chhungah an tlanlut a. An zinga thenkhat phei chu an vun a kang nasa hle niin an sawi. Chutih rualin, M-Triangle-in huai a nei nge ni dawn a, An thil hmuh leh tawn fo chuan research group chu a tibuai thin hle a, an zinga pakhat phei chu a rilru a buai a, amah leh amah a intihhlum phah ta hial a ni.
UFO tam lutuk vang nge ni, radiation a tam hle a, mi mai mai va kal an phal tawh vak lo. American television crew pakhat chu, UFO hmuh capture emaw, leh thil dang dang atana programme siam tum a ni a.
M-Triangle area-a va luh an phalsak a, mahse, radiation tam vang pawh a ni maithei, darkar 24 aiin a va awm rei tur a ni lo tih kha a zawm ngei a ngai thung.
September 1989 khan, Moscow atanga chhim lam 300 miles-a hlaa Voronzeh khawpuia park pakhatah pawh, naupangho an infiam a, chutia an chai vel lai chu meialh inhlum mum chuan a thlawh kual pup pup a.
Thingkung bukah a thlawk lut a, chuta tang chuan alien niawm taka ngaih hi thing buk kar atang chuan a chhukthla a, amah chu 10 feet vel laia sang a ni.
A lu a te hle a, a vun a chuar deuh viau bawk a, mit pathum nei a ni tiin eyewitnesses-te'n an lo report tawh a ni. Chutianga an thil hmuhte chu Voronezh Geophysical laboratory-a thawk Dr Silanov chuan a va endik a.
Ani hian, record hrang hrang a chik chiang a, 21st September leh 28th October 1989 inkarah, Western Park Voronezh-ah hian, UFO leia tum vawi ruk report a ni a, vawi khat phei chu a chhunga chuang lo chhuak hmuh a ni a ti bawk.
Chungahte chuan video leh witness an awmtel zel bawk a, eye witness-te chu a tlangpuiin, a chhehvel school naupang an ni deuh zel. Tak tak a ni thei dawn emaw ni chu le kan ti maithei! Mahse, thu dik an sawi ngei niin a rinawm a ti tlat thung.
Mi thenkhat chuan, M- Triangle area-a UFO niawm tak leh thilmak an hmuh fote kha, Russian sawrkar hmanrua a ni a, a ruka ralthuam changkang a siamte an nih kha an lo ti ve bawk a.
Chu erawh, han pawm ngawt a har deuh. Tin, Robozero incident an tih leh Tunguska Incident an tihte pawh kha, M-Triangle huamchhunga thilthleng tho an ni a. Thilmakte zinga chhiar loh theih loh an ni awm e.(Opeey-a khiangte)
★★★
No comments:
Thanks for your comment.