TUN HMAA MISUAL HREM DAN RAPTHLAK ZUAL TE LEH TUNHNAI ISIS TE CHETDAN RAPTHLAK KHA.. SPECIAL POST ★Opeey-a Khiangte

 TUN HMAA MISUAL HREM DAN RAPTHLAK ZUAL TE LEH TUNHNAI ISIS TE CHETDAN RAPTHLAK KHA..

SPECIAL POST

★Opeey-a Khiangte
_______________________________________

Thihna lam chanchin tho hawi leh ang u aw.... Nuam ve alawm le! Tun hmaa misual leh danin thiam loh a chanchintirte hremna kha a rapthlak thin hle a.

Chutiang dan chu tam tak a awm. Mahse, chung zinga a rapthlak zual leh langsar zualte chanchin chauh hrut ila.

Misual mah nise, kan mihringpui an ni a, zahngaihna leh khawngaihna awm lo lutuka nghaisak chu, a titu tan pawh tluan loh phahna a thlen theih a rinawm.

Chutianga hman laia misual leh, sawrkar-in thiamloh a chantirte hrem dan rapthlak pui pui chu chhiar leh teh ang u..

★15) Boiling Alive - England-ah law of 1531 chuan, Jail tangte hremna atan tuia a nungchunga Chhum a remti a.

Kum 1532-ah cook pakhat Richard Roose chu a nungchungin an chhum a, kum 1542-ah, hmeichhe pakhat Margaret Davy pawh a nungchungin chhum a ni bawk.

Mahse, he Dan hi kum 1547-ah paih a ni leh ta a ni. Tuia chhum hlum tih ni mah se, Tui pangngai hman a nih laiin, Oil pawh hman a ni ve thin tho bawk.

Asia-ah pawh hetianga inhremna hi practice a ni ve bawk a ni. Mihring han chhum hlumna tur atan chuan Bel lian tak a ngaih avangin, cauldron te, Ketli leh Bel lian takte hman a ni a. Chung Bel chhungah chuan, misual chhumna tur tui, oil, Alkatra te dah a ni thin.

Bible-a Daniel-a pawh, Tel chhuan so vah thlak a ni a. Mahse, PATHIAN thiltihtheihna avangin, thih chu sawi loh, chhe te pawhin a hliam lo a nih kha!
_______________________________________

★14) Drowning - Roman writer Tacitus sawi dan chuan, Germanic peoples-ho khan mi dawihzepte chu, Dum-ah hmawlh hmangin an hnim thin a ni.

Anglo-Saxons-ho pawhin engemaw chang chuan Drowning hi an lo practice ve thin bawk a ni. Middle Ages hun lai khan, drowning hi tualthattute hrem nan hman a ni ve thin bawk a.

England-ah pawh 13th century lai khan, lal lawnga chuangte thattu chu, a mi thah ruang nena tawnbet dunin Tuipuiah paihthlak a ni thin.
_______________________________________

★13) Ducking Stool - ducking stool chu wooden arm sei taka thutna siam a ni a. Hmeichhe dawtsawihmang leh thupawi sawi chu, kha Ducking Stool-ah khan an tawnbet a.

Tichuan, Duck chu luiah an zuk hnim ta thin a ni. England rama hetianga hmeichhia an hrem hnuhnun ber chu kum 1809 khan a ni a.

Kum 1817-ah hmeichhe dang Duck leh tura tih a ni a. Mahse, vanneihthlak takin, chumi tuma an hremna tur Lui tui chu a lo tlem lutuk a, thulh a ni leh ta a ni.
_______________________________________

12) Electric Chair - Hetianga inhremna hi Kum 1890 khan USA-ah practice a ni a. Chumi tuma an hrem hmasak ber chu William Kemmler a ni a, a nupui hachheka a cheh hlum vanga man a ni.

Electric chair hmanga hmeichhia tihhlum hmasak ber chu, Martha Place a ni a, chu chu kum 1899 khan a ni.

Hrem hmasak ber tura an rel chu Joseph Chappleau kha a ni a, a thenawmte a vuakhlum vanga man a ni a. Mahse, a case chu hre danglamin, damchhung jail tang tura tih a ni leh ta zawk a ni.

Electric chair hman tawpna chu January 16, 2013 khan a ni. Hetianga inhrem dan chu, Chair-ah an mi hrem tur chu an thuttir a, a kut leh ke chu chair-ah thlunbeh a ni bawk.

Lukhum chi khat, electric kalna an khumtir a, hmun hran atangin electric chu an ON a, Chair-a thu chu electric man vangin a khur char char a, rei lovah a thi ta mai thin a ni.
_______________________________________

★11) Lethal Injection - Lethal injection USA-a an hman hmasak ber kum chu 1982 a ni a. Danin thiamloh a chantir chu, a taksaah Tur an inject/chiu lut a. 

Rei lo te chhungin an chau riai riai a, an thi ta mai thin a ni.

Chutianga injection atana Tur/Drug an hman tlangpui chu, barbiturate, paralytic, leh potassium solution te a ni. He hremna hi chu, na tiar lo va intihhlumna a nih angin, zahngaihna lantirna sang ber a ni hial awm e. _______________________________________

★10. Crucifixion - Inkhenbeh hi 6th century BC vel atanga 4th century AD thlenga an lo practice thin a ni a. Inhremna rapthlak leh na tak a nih ngei a rinawm.

A tlangpuiin, inkhenbeh hi chu Seleucids, Carthaginians, Persians leh Romans-hovin an practice thin. Sawrkarin thiam loh a chantir chu, Thinga siam Kros (Cross)-ah an tawnbet/Perekin an kilhbet a, thi turin an hnutchhiat thin a.

Tichuan, thisen chhuak nasa lutuk tuar lovin emaw, Tuihal, Riltam, vawt, sa lutuk emaw tuar lovin, zawi zawiin a ti ta thin a ni. Kan Lal Isua pawh, thil dik lo va puhin khenbeh a ni ta a nih kha!
_______________________________________

★9. Flaying - Vunlip hi inhremna rapthlak leh rawng tak mai a ni a, Middle Age hun laia an lo practice thin kha a ni. Misual (Prisoner/condemned person) chu, a nung chungin a vun an lipsak a.

Thisen nasa takin a chhuak a, thi turin an kalsan tawh mai thin. Engemaw chang chuan, Chi (salt) chu na tizualtu atan vun an lipsakna lai tisaah chuan an hnawihsak bawk thin a ni.

Hetianga inhrem leh intihhlumna hi, misual, Dawithiam, indonaa sipai mante'n an tuar thin a ni. Tin, hetianga inhremna hi, Middle East leh Africa-ah kum sangtel liam taa an lo practice thin kha a ni.
_______________________________________

★8. Breaking Wheel - Hei hi ‘Catherine wheel’ ti pawhin an sawi a. Thi tura chungthu an rel tawhte hremna tur hmanrua an siam a ni a.

Hei pawh hi Middle Age hun laia practice niin 19th century thlengin an la hmang a ni. Ancient Greece hun lai atangin an practice a, France, Russia, Germany, Spain, Portugal leh Sweden ramahte an lo ching chho veleh ta a ni.

Thinga siam Wheel (Motor ke anga bial)-ah misual chu an tawnbet a, an kut leh ke tliak vek tura dah kawkalh a ni thin. Tichuan, rei tak chhung na tuara thi zui turin an kalsan tawh mai thin a ni.
_______________________________________

7. Disembowelment - Kawchhung haichhuah hi inhremna rapthlak tak tak zinga pakhat a ni a. Rukru leh Uire tihhlum leh hremna dan a ni.

Kawchhung taksa peng thenkhat chu a mal malin an phawrhchhuahsak a, na tak tuar turin an hrem thin a. England, Netherlands, Belgium leh Japan ramah practice a ni thin.
_______________________________________

6. Impalement - Misual chu thil zum sei taka lawrchhuakah thutluihtir a ni a. Thil zum lai chu chung lam hawi zawngin dah a ni a, misual an thutluihtir rihna avang chuan, zawi zawiin thil zumah chuan a indawthlum ta thin a ni.

Inhremna rapthlak zet mai a ni a. Romans, Chinese, Greeks leh Turks-hovin an practice thin a. Asia leh Europe-ah pawh Middle Ages hun laiin practice a ni thin.

Thil zum takin an thil pawk pawk zel mai kha a rapthlakna tak pawh a ni a, inhremna namai lo tak a ni.
_______________________________________

5. Crushing - Hetianga inhremna danah hian tih dan dang dang a awm a. Chung zinga pakhat chu, Sai (Elephant) an rahhrualtir chiam mai thin a. Chu chu south Asia leh south-east Asia-ah an practice thin a.

Romans-ho leh Vietnam rama Nguyen Dynasty pawh khan an lo practice ve thin niin an sawi. Misual chu Lungpuiah a Lu lawrchhuak zawngin an tawnbet a, a lu chu Sai fingin a rap keh ta buaih buaih mai thin a ni.

Method dang lehah chuan, thil rit tak emaw, Lung rit lutuk emaw chu, an mi hrem Awm-ah an dah a. Thaw tha hlei thei lovin leh Thawchhamin zawi zawiin an thi ta thin a ni.
_______________________________________

4. Death by Burning - Hei hi Rome, Akragas in Sicily, England leh North America hmun thenkhatahte practice a ni thin a.

Halhlum tihah hian tih danphung indawt bik a awm a: misual chu a Chawn an halsak hmasa ber a, a dawtah, Kut, Kheimit, banpuam, Hnutehmur, Awm, Hmai leh, a tawp berah thi ngei tura Hal alh a ni ta thin a ni.
_______________________________________

3. Death by Sawing - He inhremna hi chu khawvel ram hrang hrangah practice a ni a. Europe-ah chuan, Roman Empire hnuaiah kalpui a ni.

Misual chu a letling zawnga khaiin a ke an kartir a. Tichuan, Ara (Saw) hmangin zawimuangin, a taksa lai takah an zaiphel ta hmawk zel thin a ni.
_______________________________________

★2. Hanged, Drawn and Quartered - Hetiang inhremnate hi chu England ramah hman a ni deuh bik a. Thiamloh chantir (Convicts)-te chu riltamin hurdle-ah emaw, wooden panel-ah emaw an dah a, chu chu Sakawrin an hremna hmun turah a hnuk ta thin a.

Hremna hmun an thlen chuan, thi lek lekin an khai a. An nghaisa chiam a, an kawchhung haichhuahsakin, lu taksak an nih mai bakah, an taksa chu hmun liah tanbun a ni thin.

An taksa bungte chu hmun ualau deuh laiah, mipui hmuh theih turin an pholang thin a, London Bridge-ah pawh tarchhuah a ni thin bawk.

Hmeichhiain ram a phatsan erawh chuan, khatianga hrem ve lo khan halhlum a ni thin a ni.
_______________________________________

1. Slow Slicing (Lingchi) - Hei hi “lingering death” tih leh “death by a thousand cuts” tihtein an sawi bawk a. China-ah chuan Lingchi tih a ni. 900 AD hun laia inhremna lar tak a ni a, China ramah practice a ni ber thin.

Misual chu, Chemte-in a taksa tlem te tea hlehsakin, thi turin an hnutchhiah tawh mai thin a ni.

China ramah chuan, hetianga an hrem leh tihhlum chinho chu, Ram phatsantu, Mahni pate thattu, tualthattu leh, hnathawhna pute thattute a ni. Mi an sual ngam loh nan, Emperor-in thubuai lian tham vak lovah pawh hetianga hremna hi a hmang tho thin.
_______________________________________

★Thubelh; ISIS/IS:

Hrut deuh zuai zuai ang u aw..

Hman deuh a khawvel boruak luah khat em em tu Muslim helpawl (ISIS/IS) te chet baw raw zia leh zahngaihna an neih loh zia chu kan hre theuh awm e.

Naupang, pitar leh putar pawh sawi lovin Islam sakhua zui lotute chu an lu an tan sak a. A then kraws-ah an khengbet a, a nung chungte a phum in hrehawm thei ang berin an tihlum thin a ni.

I

SIS sipaihote hian an kawng daltute chu zahngaihna tel hauh lovin an that hmiah hmiah a. Mi an thah dan tlangpui chu an kut leh ke an phuarbet a, a then an lu an tuam sak bawk thin. Kawr ruam emaw khuar bulahte thingthit tirin an kaphlum thin a ni.

Thenkhat chu anmahni phumna tur an laih tir a, chu thlan ko-ah chuan thut tirin an kap thin a. Thenkhat ve thung chu khawlaiah an lu an tan a, mipui hmuh laiin nasa taka an sawisak hnuah an kaphlum emaw an lu an tan sak thin a ni.

An lu chu la in infiam nan te an hmanga, thenkhatin an pathian an au a, inti thei fahran in an lu tan chu an lekkawh thin. A hnuah an taksa chungah te an dah a, anih loh pawh in ball ang maia pet tawk pawh an awm a ni.

Ka rilru tina em emtu chu, ISIS/IS sipai 3 in putar kum 60 bawr vel tur hi saruakin khawlaiah hruiin an pawt a. Chu putar chuan, " Khawngaih takin, ka nupui fanaute vawi khat chauh min hmuh tir leh ula, chumi hnuah chuan in duh ang takin min that dawn nia. Ka nupui leh ka fate ka ngai em mai." tiin tap chungin a ngen lawm lawm a. Mahse, a thusawi chu hre lo ang maiin hruiin an pawt phar dawr dawr a ni.

An zinga pakhat chuan,' i nupui fanaute bulah chuan kan hruai che ang a, i nupui chu i hmuh laiin kan pawngsual ang a chuan kan chhuah ang che.' a tia. Mahse, putar lainatawm tak chuan, ' ka nupui hi ka hmangaih em a, in pawngsual ka phal lo.' tiin a chhang hram a ni. H

mangaihna thukzia leh rilzia, zau zia hi thu hian a hrilhfiah zo dawn silo... 

Chu zawhna chu vawi thum ngawt a zawt a. Mahse, putar hian ,' ka nupui hi ka hmangaih a, in pawngsual hi ka phal lo a ni.' tiin a chhang zel a ni.

Mi pahnihin hruiin an pawt a, pakhatin a tlawh (kick) bawk a. 

A serh ah te an pet a, hrehawm taka an sawisak hnuah an kaphlum a ni.

Heng ISIS/IS te hian mihring nunna hi an zah lo mai ni lovin, engah mah an ngai lo a ni. An biak pathian hi eng pathian tak ni ang maw??. Mi an thah apiangin an pathian an au a, ' Allah a ropui ber/Allah ropui rawh se' tiin an au rual dual dual thin.

Putar kum 80 vela upa, amah chauh a khawsa, thenawm khaw veng tena an chawm rawn, mit tha lo leh bengngawng pawh zah zo lovin an kaphlum leh hmiah bawk a ni.

Putar kum 80 vel bawka upa pawh car atanga theh chhuakin kawngsirah an din tir a, putar chuan , " Khawngaih takin min that lul suh u. Dam hun chhung ka neih tlem tawh em hi. Reilote bak ka dam tawh dawn lo. Min that lo hram rawh u." tiin a ngen lawm lawm a.

Mahse, ISIS sipaite hian putar zahna pawh nei lovin leh khawngaihna awmzia pawh hre thiam lovin an kap nawn awn awn a ni..

An pasalte hmuh laiin an hmangaih, Pathianin he khawvela a kawppui tura a pek an nupuite zahngaihna tel miah lovin an pawngsual chiam thin bawk a.

Mahni nupuite ngei kan hma-ah pawngsual ve ta se a va na duh dawn tak em!.. Mahse, heng zawng zawng hi Iraq leh Syria rama Yazidi leh Kristiante chuan an tuar vek a ani.

★★★