I HRINGNUN HLUTNA CHU NANGIN
-- Ramneisang faiheng
Pathiena inthawka thilthlawnpek ka dawng laia pakhat,mi hai neka thilpek vouchuom ka dawng bik lei ni chuong lo,zieksuok thei dinga ka nuna harsatna,beidawngna a haia inthawka kan chuk suok ve,ziek suok dinga Zanmu vawi tam intuo theilo,ka taksa in malsawmna taksa inlang mawi theiloa in umtir hlak leia;thu ka i ziek ve sun sun hai a inthawk hin,mi hai inchik thlak ni awmtakin ka hming hi a hung um ve trit tret lei hin, Mi thenkhata inthawk in keia beiseina neia,an beiseina hai an hung intlun ve chang hi a um cháwk hlak. Chuong thilhai lei chun hi thu hi ,a mamaw dang ei lo um pal chun tiin hung thairáng nawk ei tih.
Mani hringnu hlutna hre thei talo,hmu thei taloa,Nun harsatna,beidawngna in a thlak buok hi ei um nuk tah.A awm hrim anih,khawvela hin Mihriem ziehran hran, a rawng dang dang inkat nukin ei um ta rum el sia. Tulai hin Thangthar hai lai hin Nun beidawngna hin bu a khuor nasa deu am ani aw ti dingin,ei thawdawl tawl ta lei hin Thik buoinawna dinga ei buoi ta ni in an lang!. Ani ngei a pawi chuong nawh,Nun beidawngna hi Hringmi hringnuna ding chun Inchuktirtu thatak ani meu sia,Ei Nuna hai hin a tlung inzing po le lawm lem thei dinga Huoisenna ei nei hi a pawimaw takzet ta ni in an lang. A ieng po khawm nisien, Mani hringnun hi a hlutna hrethei lo dinga Beidawngna in ami thlak buok chang khawmin "Takchapa!" tia,tlawm tum lona lungril hi ei put phawt phawt hi a Pawimaw tak zet anih.Ngaituona felfai tak nei tám ,neinaw tám, Huoisenna le Theina einia a um hi chu inhmai lo hram hi tum hri phawt ei tiu. A ieng ieng ei hril sei hmain, Naupang pakhat chanchin lak zuk tiem zawk ei tih.Ei hriltum le thuziek thiltum tak ei man chieng nawk zuolna dingin.
Naupang pakhat hi um a. Nikhat chu A pa kuoma chun, A hringnun hi a Hlutna iengam ania a,ti hi an dawn ta hlau ela. A pa ruok chun,A naupa zawnna chu dawn ta nekin,Lung pakhat a peka, chu chu Bazar hmuna va zawr dingin a hril ta lem hlau ela.Chulaichun, mi tukhawmin,aman an indawn che khawmin,iengkhawm hrilnaw rawh.I kutpar pahni chau sukkhieng rawh,ati pek el ta a,Chuphing le Naupang chun a pa in a hril ang nei chun a va thawta a,Bazar hmuna lungchu an thungpui lai chun;Nupui pakhat chun Naupang kuoma chun Lung chu iengzat man am atiem ti'n a hung indawn el ta a, Naupang chun a pa in an fui angtak chun a kutpar pahni chu in entirin,Nupuinu chu Cheng 20 in inchawk a nuoma,a huonga si dingin a hung dawt el ta a, Chuphing chun Naupang chu, a pa kuom tieng kirin A chanchin chu a hril ta a.chuphing le, A pa chun Naupang kuoma chun Lungchu chawi nawka, Thilhlu sikhawmna hmuna fepui nawk dingin a hril nawka, Naupang chu a pa chun a hmasa ang bawk chun infuina a siem nawka,Thilhlu sikhawmna hmuna chun Fepuiin, Thilhlu sikhawmna enkawltu kuoma chun an entira,chu phing le Naupang kuoma chun Cheng 2000 a inchawk a nuomthu a hril ta a,Naupang chu mak ti em emin, a pa chun chanchin hril dingin a kir nawk el ta a, A pa kuoma thilum dan chu a hril zo phing chun: A pa chun, Hmun pakhat a la fepui nawk dingin a hril nawka,Chu chu Lunghlu lakkhawmna hmun anih. Naupang chu a hma angbawka infui ninawkin a fe pui nawk ta a;chutaka chun Dawr neitu kuoma chun a thil chawi chu an tlun ta a,Chuonga dawr neitu in Lungchu a en fel zo chun,Naupang kuoma chun Lungchu aman iengzat am a ti thu indawnin, Naupang chun A hmasa a athaw ang bawkin a kutpar pahni chu inhmutir in,rawl ri hrim an suo nawh.Chu phing le dawr neitu chun Chen Nuoi Sawmhni le inthleng a nuomthu a hril pek el ta a, Naupang chu Mak titaluo chun a pa kuoma a kirpuinawka,a pa chu ha hipin chanchin a hril ta, Chuonga a hril phing chun a pa chun hienghin dawnna a pek ta a...
"I hmu ta am ,I hringnun hlutzie chu?. I hung suokna hmun, I hung peingsuok pui,I taksa piengdan,i iengang insunga pieng am tihai hin thu phur loin, I nuomna hmun,nangin tha itina hmun,I thlang lem hmun haiin thu a phur lem ani ti hi." tiin dawnna a pek ta a.
Khi a chunga ei hmu ang khin, Hringnun harsat,Beidawngum ei chunga tlung hai hi Mi thil suksuol lei nilem loin;eini ditthlangna ngei a tlung ani ti hi ei hriet chieng hi a pawimaw takzet anih. Mi chanchin tha lo ngainuom lo tuhai chun Mi hi demna ding hrim hrenaw nihai a, mi hi An thatna zawng chau zawng chun,an thatna hmun chau hril ding hriet ani hlak. Mi suolna zawngnaw tu hai chun Mi suolna hril ding an hriet ngai nawh. I hringnun chu Cheng -20 man tawk chau Lung angin i lo ngai el thei; I se vela cheng hringmi haiin I hlutna kha Cheng 20 man tawk chau anga a hmutu hai khawm an ni el thei, Amiruokchu, Mitin hin Mania Lunghlu Cheng Nuoi Sawmhni man hung ang hlutna hi ei nei seng.Chuongang hmu pek nuomtu hai che kuoma cheng dingin ditthlangna inei a, i Thatna chau le i hlutna chau hmupek nuomtu Then-le-ruol hai chau bula um thei dinga ditthlang theina insangtak pek ini ti kha hriet a Tul hle.
Mihriem hai hi ei hringnun chunga hin mi pahni chauin thu neina an neia,Chuonghai pahni chu,Chunga Pathien le Nang ini. Chunga Pathienin Iengkima thuneina anei lai zingin,I hringnun chunga Ditthlangtheina chanvo a pek chea,Chu chu A ma dit dan le a A ditnaw zawnga i hringnun khal theina ani. Mihriem hi mani hringnun chita ditthlang theina chanvo ei nei senga, chuleiin Ei ditthlangna ang peiin ei hringnun hi an her vel hlak anih. Hringnun beidawngum tak tuoktu chun Thil chu Beidawngum zawngin a thlir hlak lei ania, Hringnun hlimum neitu chu Lawmum zawngin thil a thlir hlak lei anih. Mani ditdanin i mitthli i sukthlaka,I ditdan vekin Innui hlak anih.I hringnun hlutzie hretum a Thang ilaka,i lungril i seng chun I hringnun hlutna Bu tamtaka siemkhawp ziekdawk ding hre thei itih. I hringnun chunga khan tu thukhawm a um nawa,Nang i thu chau anih. Amiruokchu i hringnun i ditdan taka i herkuol na khan a tawpa,I thlangna hmuna chun inthut ngei a che. Tu suksuolna lei khawmin Harsatna i tuok nawa,tu thiemnaw lei khawmin Thlasamin i um bawk nawh. Hausak i nuom chun hausakna ding lampui hraw la, Hlawtling i nuom chun Hlawtling theina lampui Tumruna le Mani inring zona nei la, Hmingthat i nuom chun Hmingthat theina thiltha thaw la, Taksa mawi i nuom chun Taksa mawina ding ngaituo rawh. I lungril kha thil hiptheina nei anih. Thirhipna in thir a hip hlak angin,I lungrilin i ngaituo ang pei kha i chunga tlung hlak atih .
Hringnun hmusit um tak inei chun,Hringnub inzaum nei itumnaw lei anih. Hringnun mawi tak inei naw chun A mawi theina lampui i hrawnaw a,Hringnun Hlawtling tak ineinaw na chu,Hlawtlingna ding Hringnun lampui Tumruna le Mani inringzona ineinaw lei anih. Mihai inhnarna ngawta i sip chun,Mi hai inhnar hringnun nei i tum naw lei anih.
"I hringnun siemtu chu Nang i nih,Nang chau!".55
-- Ramneisang faiheng
Pathiena inthawka thilthlawnpek ka dawng laia pakhat,mi hai neka thilpek vouchuom ka dawng bik lei ni chuong lo,zieksuok thei dinga ka nuna harsatna,beidawngna a haia inthawka kan chuk suok ve,ziek suok dinga Zanmu vawi tam intuo theilo,ka taksa in malsawmna taksa inlang mawi theiloa in umtir hlak leia;thu ka i ziek ve sun sun hai a inthawk hin,mi hai inchik thlak ni awmtakin ka hming hi a hung um ve trit tret lei hin, Mi thenkhata inthawk in keia beiseina neia,an beiseina hai an hung intlun ve chang hi a um cháwk hlak. Chuong thilhai lei chun hi thu hi ,a mamaw dang ei lo um pal chun tiin hung thairáng nawk ei tih.
Mani hringnu hlutna hre thei talo,hmu thei taloa,Nun harsatna,beidawngna in a thlak buok hi ei um nuk tah.A awm hrim anih,khawvela hin Mihriem ziehran hran, a rawng dang dang inkat nukin ei um ta rum el sia. Tulai hin Thangthar hai lai hin Nun beidawngna hin bu a khuor nasa deu am ani aw ti dingin,ei thawdawl tawl ta lei hin Thik buoinawna dinga ei buoi ta ni in an lang!. Ani ngei a pawi chuong nawh,Nun beidawngna hi Hringmi hringnuna ding chun Inchuktirtu thatak ani meu sia,Ei Nuna hai hin a tlung inzing po le lawm lem thei dinga Huoisenna ei nei hi a pawimaw takzet ta ni in an lang. A ieng po khawm nisien, Mani hringnun hi a hlutna hrethei lo dinga Beidawngna in ami thlak buok chang khawmin "Takchapa!" tia,tlawm tum lona lungril hi ei put phawt phawt hi a Pawimaw tak zet anih.Ngaituona felfai tak nei tám ,neinaw tám, Huoisenna le Theina einia a um hi chu inhmai lo hram hi tum hri phawt ei tiu. A ieng ieng ei hril sei hmain, Naupang pakhat chanchin lak zuk tiem zawk ei tih.Ei hriltum le thuziek thiltum tak ei man chieng nawk zuolna dingin.
Naupang pakhat hi um a. Nikhat chu A pa kuoma chun, A hringnun hi a Hlutna iengam ania a,ti hi an dawn ta hlau ela. A pa ruok chun,A naupa zawnna chu dawn ta nekin,Lung pakhat a peka, chu chu Bazar hmuna va zawr dingin a hril ta lem hlau ela.Chulaichun, mi tukhawmin,aman an indawn che khawmin,iengkhawm hrilnaw rawh.I kutpar pahni chau sukkhieng rawh,ati pek el ta a,Chuphing le Naupang chun a pa in a hril ang nei chun a va thawta a,Bazar hmuna lungchu an thungpui lai chun;Nupui pakhat chun Naupang kuoma chun Lung chu iengzat man am atiem ti'n a hung indawn el ta a, Naupang chun a pa in an fui angtak chun a kutpar pahni chu in entirin,Nupuinu chu Cheng 20 in inchawk a nuoma,a huonga si dingin a hung dawt el ta a, Chuphing chun Naupang chu, a pa kuom tieng kirin A chanchin chu a hril ta a.chuphing le, A pa chun Naupang kuoma chun Lungchu chawi nawka, Thilhlu sikhawmna hmuna fepui nawk dingin a hril nawka, Naupang chu a pa chun a hmasa ang bawk chun infuina a siem nawka,Thilhlu sikhawmna hmuna chun Fepuiin, Thilhlu sikhawmna enkawltu kuoma chun an entira,chu phing le Naupang kuoma chun Cheng 2000 a inchawk a nuomthu a hril ta a,Naupang chu mak ti em emin, a pa chun chanchin hril dingin a kir nawk el ta a, A pa kuoma thilum dan chu a hril zo phing chun: A pa chun, Hmun pakhat a la fepui nawk dingin a hril nawka,Chu chu Lunghlu lakkhawmna hmun anih. Naupang chu a hma angbawka infui ninawkin a fe pui nawk ta a;chutaka chun Dawr neitu kuoma chun a thil chawi chu an tlun ta a,Chuonga dawr neitu in Lungchu a en fel zo chun,Naupang kuoma chun Lungchu aman iengzat am a ti thu indawnin, Naupang chun A hmasa a athaw ang bawkin a kutpar pahni chu inhmutir in,rawl ri hrim an suo nawh.Chu phing le dawr neitu chun Chen Nuoi Sawmhni le inthleng a nuomthu a hril pek el ta a, Naupang chu Mak titaluo chun a pa kuoma a kirpuinawka,a pa chu ha hipin chanchin a hril ta, Chuonga a hril phing chun a pa chun hienghin dawnna a pek ta a...
"I hmu ta am ,I hringnun hlutzie chu?. I hung suokna hmun, I hung peingsuok pui,I taksa piengdan,i iengang insunga pieng am tihai hin thu phur loin, I nuomna hmun,nangin tha itina hmun,I thlang lem hmun haiin thu a phur lem ani ti hi." tiin dawnna a pek ta a.
Khi a chunga ei hmu ang khin, Hringnun harsat,Beidawngum ei chunga tlung hai hi Mi thil suksuol lei nilem loin;eini ditthlangna ngei a tlung ani ti hi ei hriet chieng hi a pawimaw takzet anih. Mi chanchin tha lo ngainuom lo tuhai chun Mi hi demna ding hrim hrenaw nihai a, mi hi An thatna zawng chau zawng chun,an thatna hmun chau hril ding hriet ani hlak. Mi suolna zawngnaw tu hai chun Mi suolna hril ding an hriet ngai nawh. I hringnun chu Cheng -20 man tawk chau Lung angin i lo ngai el thei; I se vela cheng hringmi haiin I hlutna kha Cheng 20 man tawk chau anga a hmutu hai khawm an ni el thei, Amiruokchu, Mitin hin Mania Lunghlu Cheng Nuoi Sawmhni man hung ang hlutna hi ei nei seng.Chuongang hmu pek nuomtu hai che kuoma cheng dingin ditthlangna inei a, i Thatna chau le i hlutna chau hmupek nuomtu Then-le-ruol hai chau bula um thei dinga ditthlang theina insangtak pek ini ti kha hriet a Tul hle.
Mihriem hai hi ei hringnun chunga hin mi pahni chauin thu neina an neia,Chuonghai pahni chu,Chunga Pathien le Nang ini. Chunga Pathienin Iengkima thuneina anei lai zingin,I hringnun chunga Ditthlangtheina chanvo a pek chea,Chu chu A ma dit dan le a A ditnaw zawnga i hringnun khal theina ani. Mihriem hi mani hringnun chita ditthlang theina chanvo ei nei senga, chuleiin Ei ditthlangna ang peiin ei hringnun hi an her vel hlak anih. Hringnun beidawngum tak tuoktu chun Thil chu Beidawngum zawngin a thlir hlak lei ania, Hringnun hlimum neitu chu Lawmum zawngin thil a thlir hlak lei anih. Mani ditdanin i mitthli i sukthlaka,I ditdan vekin Innui hlak anih.I hringnun hlutzie hretum a Thang ilaka,i lungril i seng chun I hringnun hlutna Bu tamtaka siemkhawp ziekdawk ding hre thei itih. I hringnun chunga khan tu thukhawm a um nawa,Nang i thu chau anih. Amiruokchu i hringnun i ditdan taka i herkuol na khan a tawpa,I thlangna hmuna chun inthut ngei a che. Tu suksuolna lei khawmin Harsatna i tuok nawa,tu thiemnaw lei khawmin Thlasamin i um bawk nawh. Hausak i nuom chun hausakna ding lampui hraw la, Hlawtling i nuom chun Hlawtling theina lampui Tumruna le Mani inring zona nei la, Hmingthat i nuom chun Hmingthat theina thiltha thaw la, Taksa mawi i nuom chun Taksa mawina ding ngaituo rawh. I lungril kha thil hiptheina nei anih. Thirhipna in thir a hip hlak angin,I lungrilin i ngaituo ang pei kha i chunga tlung hlak atih .
Hringnun hmusit um tak inei chun,Hringnub inzaum nei itumnaw lei anih. Hringnun mawi tak inei naw chun A mawi theina lampui i hrawnaw a,Hringnun Hlawtling tak ineinaw na chu,Hlawtlingna ding Hringnun lampui Tumruna le Mani inringzona ineinaw lei anih. Mihai inhnarna ngawta i sip chun,Mi hai inhnar hringnun nei i tum naw lei anih.
"I hringnun siemtu chu Nang i nih,Nang chau!".55
No comments:
Thanks for your comment.