(Inthianthatna kara thihna tihbaiawm rawn in rawlh a chu)
Ziaktu: Fel Felzz
“Bawiha..harh rawh, harh rawh.” A ka atang te chuan chilthli a rawn chhuak zawih zawih a, thisen in a rawn pawlh nghal bawk a...vawilehkhatah a rawn khuh bawrh bawrh a..thei leh thei lo hian a rawn meng tawk tawk a, “Sudur(kan in koh dan).. Agnes i hnenah Vanramah kan in tawk leh ang tih min lo hrilh sak la..(a khuh leh khek khek a) chuan khawngaih in ka nu kha min lo enkawl sak dawn nia” thawp saih a arawn tawngchhuah chu he khawvela a aw ka hriat hnuhnun ber ani ang tih ngaihna reng ka hrelo........
Kum 1994 July thla ah chuan Lammual ah Mizo tlangval rual te chu kan tlim hmur mai a, thawmhnaw rawng in anglo tih takah kan tial buai ta ve ang, ka hming an rawn lam rik chuan Medical check-up tur in ka phei ve nghal a...chutia tlana ka tling ve mai pawh chu mak ka ti angreng zawk hle, medical vel kan tih zawh chuan a karleh lama written test nei tur chuan chu Sipai lakna hmun chu chhuah san in kan in lam chu ka pan leh ta hnek hnek a...
Shillong lam pana kan chuanna bus chu a che tual tual a, Silchar chu kan chhuahsan leh ta reng mai....Kan Sipai intlar lai atang tawh a hmelhriat mumal neilo ta chu mahni rilru kawm in kan zinkawng tluan chu ka hmangral ani ber mai. Shillong ah chuan thlakua kan training chhung chuan sawi tur a tam khawp mai.
Chu hmun chu ani ka thianpa, tuna a chanchin lungchhiatthlak tak mai ka rawn ziahlan tur nen a kan intawn na chu. Amah hi palian lemlo tak, hang ngaihnobei an tih ang chi..mizopa pian diktak anlo sawi thin te zawng zawng kha amah ah hian a awm kim vek ti ila ka sawisual awm lo e.
Chaw dawh a intlar put karah chuan rei tawk fang ka intlar ve hnu thleng pawh a line a kal theih tak reng reng loah chuan ka hma lama vai ho karah chuan inti huai fahran in ka va inthawlh ve that a.......tumah phei chuan min sawisel lem hlei lo a..mahse ka hnung chiah a mi vai emaw ka tih chu Ka Sudur-a lek chu lo niin, mizotawnga ka tawng avang chuan min melh hrek tih chauh ka hria..la inhmelhriat ngai ta lo chu kan inbe lem hleilo a.
Nithum kan awmna tlailam inbual zawh ah chuan pawnah nilum aiin ka thu e ka tia, ka piah deuh atang chuan ‘Hey....Director” min rawn ti a..ka va hawi phei chu nui sen sen chung hian vawt tih hmel tak chung in ka lam chu min rawn pan a.....Chuti taka vat ti hmel si kawrlum aha miahlo chu mak ka ti angreng hle....ka bulah rawn thu in kan hming te kan in zawt a, rei tak in hre tawh ang mai in chumi tlai a kan hun tawite neih chu kan hmang liam dun a..zan lama inkawm leh tur in fallin na lam chu kan pan leh ta hnak hnak a.
Kan innel tak phian avang chuan kan khum awmna pawh chu insi deuh thaw hial in kan dah a..zantin kan in kawm a, zing, chhun, zan, kan thiltihna engkim ah kan inpui tawn a, kan in fuih tawn a, mahni hrawk chawmnan a Sipai nih kan lo thlang chu kan inchhir dun lo thin khawp mai.
An chhungkaw chanchin hi ka zawt tam lemlo bawk a min hrilh tam lo khawp mai, min hrilh chhun erawh ka hrechiang thung, A pian hma in a Pa in a nu chu a hnawt chhuak a, a nu nen chuan he khawvel ah hian chhungte dang reng reng an nei lo a..an chan chu ui nen te hial a in tehkhin thu mittui far fep fep chung a a sawi lai te kha ka mitthla ah a cham reng mai, anu chuan harsa tak chung in sikul a kaitir ve zel a...pawlriat a pass chuan sipai ah a rawn intlar tling ve ta hlauh a..a nu lawmzia a sawi te khan a tawng ve lo tan chuan a lawmna kha kan hriatthiampui pha kher awmlo e.
Chutia hmalam hun thlir chung zel a kan training lai chuan Passing out Parade te pawh kan nei dawn hnai ta, chhungten min en ve ngei se ti a mahni chhungte Aizawl lam ami te kan chah liam liam lai chuan ani chuan chahbuai loh a thlang zawk a, a chhan chu a nu hi a hrisel tawh lo tiin min chhang mai a, mahse ka awih lo angreng khawp mai....
Nu anei tih chu min hrilh nang in vawikhat mah a lehkhathawn hi ala dawng ngai lo a...mahse ani chuan nithum dan velah hian anu lehkha tur chu a ziak ziah thin. Mahse tunhnu a ka hriat takah chuan lehkhathawn, anu ngei in a athawn chhiar te kha alo chak ve thin awm ka ti thin, anu lah chuan Cancer natna chu do zo lo in damdawiin a chhuahsan theilo chu ani si a.
Kan titi naah te hian kan ram leh hnam chhan nana kan nunna hial hlan kan hrehloh zia te hi kan sawi chamchi thin a, kei chuan ka sawi ve puat puat ani ber, mahse ani chuan a rilru diktak a sawi thin in ka hria......
Kan post hmasa ber chu Sagar (Madhya Pradesh) ah niin kan post a in ang chu kan lawm dun em em a...heti anih chuan thianpa kan post a in an zel theih nan pu te hi kan dil ziah dawn nia kan ti fo thin a, in an pawh a in ang thei narawh....kan hlawh neih ve chhun tlem te pawh chu anu tan a thawn fai vek zel a, atan hian cheng 1000 pawh hi adah ngai meuh lo ani.
Kum te aliam a, sipai ni ta na na chu in thianthat avang in post alo in angreng thei awzawng lo mai, ani South India lama a awm leh kei North lamah te, kan in perhsan ta zung zung mai a.....kan inhmu khat hle nang in lehkha chu kan in thawn ve reng reng thin...
Bialnu hi anei ve deuh reuh a..mahse a bialnu te chu an khaw Pa hausa fanu anih vang in a insit thei hle mai a, amah hi mi inthlahrung chi niin mi pawisawi hlau tak mai alo ni lehzel nen..Agnes-i nena an intawn dan pawh hi ama bem hmasak nilo in a hmeichhia zawk in man a tih em vang a rawn bem zawk ania...a duh hlum lo chauh hi ani mai, mahse ka thiana chuan neih theih en ah a en ngam ngai lo ani tih chu a lehkhathawn ka chhiar ruk a tang in ka hre fo thin..a hmeichhia chuan a hmangaih em avang chauh a an inkar pawh la tha mai mai nite in ka ngai thin..mahse tunhnu a ka ngaihtuah hian ka ngaihdan kha alo dik azawng lo mai, ka thiana pawh khan alo hmangaih ve em em ngei ang tih ka chiang, an chhungkaw khawsak inthlauh luattuk vanga hmangaihthu hlan ngamlo mai niin ka ngai.
Thlakhat zet mai a letter ka dawn takloh ah chuan ka ngaih te lam lam a ti thalo hial mai, a hlim nui sen sen mai te chu ngaihtuah a kan bahrik a ka mut mai mai lai chuan Hav.Ruata ini em tiin Clerk pakhat chuan min rawn bia a..ka lehkha tur alo keng hi alo nia...ka hawn nak chuan J&K a min transfer na lehkha lek chu lo niin .....
Thlahnih lai Aizawl a ka chhuti hnu chuan ka post hnawhkhat tur in ansawi vur ram vawt lam panin sipai boggie ah chuan ka chuang thla ta vut vut a......Bihar vel a ka sudur-a nen a kan kal hmasak ber tum a vai ho daikal mawlh mai thlir a tukpum kan hmanna kan tlan pelh chuan lunghlui te a leng ve vawng vawng thei nia, kawng tluan chu ani nena kan sulhnu vek anih avang in ka ngai thla vawng vawng hi ani ber e. A lehkhathawn ka dawn ngailoh avang chuan ka ngaihte a ti thalo angreng hle bawk.
Delhi atang in Rail dangah pakai in kan kal zel a....kan post tur chu kan thleng tluang ve ta hram a....Zanhnihna ah chuan kan Commanding officer Lt.Col. Subham Singh chuan Mizo ho leh Naga ho chu min closed a, karkhat chhung a rim thei ang ber a exer la tur leh sipai nungchang zirbing tur in min ti hi alo nia...thildang engmah a sawiloh avang chuan kan peihlo hlawm in kan phun chhuak nghal bul bul hlawm a.
Thlan chhuah theih ngailohna ram nia ka lo rin thin hmunah chuan thlan in min bual huh vek khawp a nasa chuan nitin zantin mai chuan exer chu kan la ta tiah tiah a, eng titih a chutia exer min lak tir vak vak nge anih chu tuman kan hrelo, ei leh in lam lah chu a tha ber ber leh tui ber ber chi min chhawp sak nitin mai bawk a..karkhat chu chuti em em in alo rei lo e.
Min kohkhawm leh hmasak berah chuan a chhan kan zawt tawh ang kan ti nitin a, min ko khawm leh ta ngei mai, tlai thim thet thet ah hian kan piah chiah a Naga ho bahrik ah chuan min ko khawm a, mizo 13 leh Naga 15 lai kan ni a, kan fit tha hlawm hle bawk tih hi zep tel ang.
Kan mission chu a huphurhawm khawp mai, Zingkar ah Sipai Truck lianin LOC lamah min phur phei ta vung vung a, chuta tang chuan Pakistan ram ah ke in kan lut ru dawn hi alo ni a, India sipai pali lai mai an man avang chuan ka huphurhna pawh chu kan thinrim na chuan a tudai hneh hle mai.
Zan thim thet thet ah India chu chhuah san in Pakistan ramah chuan kan lut ru ta zal zal mai, mi 29 lai kan ni nang in thawm kan dim thiam bawk a Pakistan lam Santiri ho chuan min hmu lo chiang kher a sin.
K.M 24 zet mai chawl miahlo in tlang chhengchhe karah chuan tlan titih kal titih hian kan kal ta ngat ngat a, keiin LMG keng in a hmasa ber atang a chhiar a pathumna ah ka kal a, ka hnunglam ah chuan kan Captain chu hmuihmul buk bu suau suau in alo kal ve bawk a..ka hawilet apiang chuan ralrama awm e tilo chuan ka nuih hi a za leh tlat zel, Sikh ho tak hi chu awww....tiin hmalam chu ka pan ve leh ta nghauh nghauh a.
Km 26 zet kan kal tawh tih chuan hmalam ami te chuan kut zaizir in thuhniam tur in min rawn ti thut a...inhrilh buai leh kan ngai lo, kan zavai mai chuan kan thu hniam ta suai hlawm a, chutah silai a ri zawt a, kan hmatawng a kal pakhat chu a thutna atang in thlang lam khamah chuan a rithla thlawrh a..chuveleh firing order kan nghak thei tawhlo ani ber e, hmalam an rawn kahna lam nia kan rin lam chu kan han hawl ve tak tak mai chuh.....zan ani nang in a eng hian a eng per per mai a, anuam letling zawk khawp mai...Captain chuan hmalam pan tur in min tih avang in mizo leh naga valrual hlauh nei miahlo te chu hmalam panin kan tlan phei ta hum hum mai a....
Pakistan ho camp te nau alo ni a, kan va thlen chuan tumah an lo awm tawhlo, Pakistan pahnih chu kan lo that ve reng alo nia.
Camp ruak mai ani nge nilo en thlithlai in kiltin chu kan dap kual a..chutah chuan ani he thawnthu lungchhiatthlak tawpna tur hmun chu ka thlen ni.
In ang deuhreuh a thing kham kual chhung ka zuk luh chuan Indian Army Comouflage kekawr ha ka hmu ta tlat mai, a thim deuh avang chuan tunge anih ka hre thei mai lo a, pawnah chhuak in ka torch light awmna ka dap a, ka lut leh chu a hmaiah siah mai hian ka chhun nghal a, ka mitsulh a, mak tihna hlir in ka khat......
Ka thu rawp a, chu hliamtuar a chu ka bih chiang a...ani...ani ngei kha ani...ka Sudur-a ngei mai chu chhuatah thir kutkawl bun in sawisak hrep ani tih hriat ngawih ngawih hian alo mu vial chan mai a, a hming lam in ka aua...mahse min hria ang pawn a awm miah lo..ka thian dangte an lo thleng a, hliamtuar dang te chu an bawihsawm ve nghal a..Medic chu ring mangkheng in ka au tuarh tuarh a, alo thlen chuan a theih ang ang in a bawihsawm a, mahse a beidawn hmel hle...tih theih kan nei tawhlo ti niawm fahran mitmeng hian min en a, midang hliamtuar ve ho lam chu a pan ta daih a, ka thinrim chu ka insum thei lo, ka va phei a, ka hnek nghal buai a, ka thian dangte chuan min lo thelh nghal a, ring fahran, fiak tha tak, thinrim leh thlaphang au aw hian “ka thian, ka unaupa ani asin, engemaw tal ti rawh, a thih chuan i thi ve nghal ang” tiin ka vau ta chher chher mai..mahse keipawh chu tih theih aneihloh zia hre tu ka ni ve tho.
Tu mai pawh chu an ngui nghuai a, ka zuk kun a, ka sudura chu ka sawi vak vak a..ka au a, mahse chhanna ka hmu lo....a ka atang chuan chilthli leh thisen a rawn chhuak nguai nguai a...vawilehkhatah a rawn khuh bawrh bawrh a..thei leh thei lo hian a rawn meng tawk tawk a, “Sudur..Agnes i hnenah Vanramah kan in tawk leh ang tih min lo hrilh sak la..(a khuh leh khek khek a) chuan khawngaih in ka nu kha min lo enkawl sak dawn nia” thawp saih a arawn tawngchhuah chu he khawvela a aw ka hriat hnuhnun ber ani ang tih ngaihna reng ka hrelo........
A ni chhanchhuak thei a ka awm leh ka ban ngei a a chatthla thei kha ka lawm a, ani pawh thlamuang tak in a ram leh hnam tan a nunna a hlan ta......
I chanchin hi ka sawi bang lo ang ka Sudur.......
(Fiction+Google Image+Fake Name)
No comments:
Thanks for your comment.