TRUMP'S WORLD - 1

Part - 1

- Ricky L. Colney

World Cup fever-a reh ta bawk a Khawvel thil thleng dang ah ngaihtuah na i han seng leh dawn teh ang.Thilthleng han tih hian a tam zawk chu mi hrang hrangin Post hmangin min hrilh Update thei hle mai a, chuvangin USA president leh amah bawr buaitu Chanchin tlem ah hian in thlur bing deuh mai ang aw!

1). Russian Collusion : Donald Trump a tlin phat atang khan FBI leh Democrats techuan Trump a paihthlak na tura an buaipui ber pakhat chu Donald Trump a leh Russia te an thawk ho tih hmanrua kha ani a,Trump a leh Russia te an thawk ho reng em tih chu a bik taka chhui tur (Robert Mueller’s team)in din in chung ho chuan Kum 2 an chhui tawh a,tun thlengin Donald Trump a te nen Russia in kungkaihna pakhat mah an la chhui chhuak lo a, he Case ah hian inhnamhnawih a hriat a zavaiin mi 32 leh Company 3 chu puh( indicted or gotten guilty pleas) mek anni a, Friday khan Russian intelligence officers 12 techu 2016 Inthlan lai vel a Democrats Email hacking tu ah puhin an Charged leh bawk a,Americans mi nen Russian techu an thawk ho lo tiin,Tun thlengin Donald Trump a inhnamhawih na pakhat te mah la hmuhchhuah a la awmlo tluang zel ani. Democrats hian USA inthlan na ah RUSSIA te an inrawlh a, Donald Trump a an pui tih nasa takin auchhuah pui mahse Tun thleng a Russian an chargesheet te chu OBAMA president hunlai a inrawlh te vek kha anni a, President Obama kha RUSSIA ho an inrawlh ani tih hriattir ani chung khan ani khan engmah hma a lalo mai nilovin US Sorkar chu Hma la lo tur leh Russian te lo dodal lo turin thu a pe hial tih report hmuhchhuah leh zel ani.

2) MEDIA Bias : Donald Trump a chanchin reng reng a tha lam a chhuah tum miahlo MEDIA te chu an thil chhuah dan ah nasa taka an Bias thin avangin an Chanchinthar Network leh an zahawm na pawhin a tuar zel a,Trump a chuan Finnish President hnen ah NATO Summit a hun an hman dun chu a hlimawmin a nuam a ti hle tih a hrilh a,chu veleh CNN leh WashPo Political Columnist Josh Rogin leh midang dang techuan TRUMP a chu hmusit takin an rawn tweet nghal chuai chuai hlawm a, Donald Trump a hian FINLAND hi NATO member anni velo tih pawh alo hre ve eihlo ani maw? tiin mualoho tak leh engmah hrelo angin Trump a chu lantir an tum a,mahse Mi tamtakin chutia titu te chu an rawn chhang let a, NATO Summit ah khan Findland President kha a tel ve a, tin State Dinner ah pawh Donald Trump a te nen chaw an kil ho tih an rawn sawi a, tih mualpho tum tute chu an mualpho let leh ta hrep ani. Tin British Prime Minister leh Donald Trump an Press Conference an neih laiin CNN chuan Donald Trump a chu zawhna pek an tum a, Donald Trump a chuan a zawhna chu a chhang duhlo a, a zawh nawn reng avangin Trump a chuan "FAKE NEWS inni a, CNN hi FAKE NEWS inni, chuvangin inthu zawhna engmah ka chhang lovang, FAKE NEWS zawhna ka chhang dawn lo" tiin FOX news Reporter chu zawhna zawt turin a ko ngat a,"Network taktak zawhna pek tir ang" ati deuh kher bawk a, CNN chuan "Keini pawh network taktak kanni ve tho alawm" an lo ti ve bawk a, mahse engatan mah a engto duh talo ani.Hemi chungchang hi Whitehouse Thu puangtu Sarah Sander i chuan a hnu ah rawn sawifiah in CNN chu Hemi Press meet ah hian Donald Trump leh British PM techungah zahawm lo takin an che a,chuvangin nungchang mawilo taka che techu lawmman pe tawh lovin Interview emaw kan Official ten TV Network a in lanna tur ah nghih pawimawh kannei ve tawh ang ti zawngin a sawi a, CNN a National Security Adviser John Bolton a inlan tur programe awm vek tawh pawh chu WH lam chuan an Cancel ta hmak ani. hetih lai hian CNN leh Liberal Network te Viewers ranking ah an tla hniam zel a,thil dang pawh sawi belh tur atam duhtawk phot ang.

3). UK Visit : Donald Trump a tlin hnu lawk atang khan USA thiantha ber UK a tlawh dan tur hian Boruak a ngah nghal a, UK MP rual ho chuan Donald Trump a chuan an Ram chu rap lo se tih an duh lutuk vangin Parliament ah hian an chai hrep anih kha..A tir ah chuan STATE Visit tur anga sawi leh duan ni mahse Mipui tamtakin Dodal na lantir an tum avangin Official Visit pangai angin a kal ta anih kha.Donald Trump an UK a tlawh lai hian London Mayor chuan Sadiq Khan a chuan Donald a Baloon chu London ah chaih turin Phalna a pe a,beisei lawk ang ngeiin Donald Trump a chu Liberals ho amak amaka tam chuan kawngzawh in London khawpui ah do dal na anlo lantir a,mahse heta Trump a duhlo kawngzawh tam ber te hi LGBT kan tih mai Tuai/Patil/Mawngkawhur kan tih ho hi anni deuh ber a,Picture ah hian lo dodal tu te chu in hmuthei ang..An thu ziak ken techu zahpui awm tak anni,"Mary(Lal Isua nu) khan Nau kha lo titla zawk nise tun ang buaina hi khawvel hian kan tawng lo tur" tih te ani nawk a,thenkhat in 'donald Trump thi rawh, thi rawh" tih te.. Hetih lai hian UK ah hian TRUMP a duh em em tu an tam ve em em tho a, chutiang ho chuan hemi tuk ah hian Ropui takin Pro-Trump Rally/kawngzawh neih ve an tum chu London Sorkar leh Metro Police techuan an phal ve talo ani. chuti chung chuan TRUMP a duh tu mi amak amak a tam ve tho an pungkhawm a, heng te erawh hichu MEDIA hovin an puangzar/tarlang duh ve lo thung ani.

4) Meeting QUEEN : Donald Trump a hian President anih tirh atang tawh khan British Lalnu a hmuh chak thu hi a sawi fo a, tichuan British Lalnu nen chuan thingpui te an indun ta ngei a, tihian Donald Trump a chuan Lalnu a hmuh chungchang a sawi chhuak a.."a hmasa ber ah chuan kanu ka hre chhuak ani, kanu kha Lalnu ngaisang em em tu ani a,kanu khan lalnu chu Nu ropui leh invawng tak,ngilnei tak niin a hria a, ka naupan lai thil kala hriat reng pakhat chu Lalnu tel ve tawh na leh a lanna TV ah a chhuah tawh reng reng chuan kanu hian TV hi a thlir ngei ngei thin a,hmuh ngei kha a duh thin ani. Khatia kan kalpui lai khan Melania Trump hnen ah tihian ka va hrilh a,i ngaihruat thiam thei mai em tun a kan awm dan hi kanu khan han hmu ve mai se, Lal In Winsor Castle ah ngat..a va mawi tak em! Lalnu pawh a tha chungchuang hle ani..A hawher a zang a,a fing em em a,a nalh in a mawi bawk a,hmun leh hmun ah phei chuan a mawizia kan hmu chiang ani, Mi special tak ani, kum tamtak chhung amah a in enkawl dan ah tehian, kum tamtak ala dam ang" tiin Trump a chuan LALNU a hmuh dan experience a sawi chhuak ani.

5).Meeting VLADIMIR PUTIN : Donald Trump a hian President anih hma atang tawh khan Putin a hi a sawichhuak fo mai a, thiantha a siam chu USA tan pawh a tha ani a ti thin,RUSSIA chu USA hmelma kumhlun anih vangin hetia TRUMP an a sawi thin hi nasa taka DEM a kaina pkhat ani a, mahse Trump a lah chuan chutia an sawisel na techu engah vak angai lem lova,Pangai taka Russia President Putin a nen inhmuh a duh na hi a rei tawh a, Democrats hruaitu te chuan Donald Trump a chu Putin a hmuh a tum chu thulh turin an nawr ve reng a,USA Phatsan tu ang hialah an chhuah ani.tichung chuan Trump a chuan Vawiin ni khan Putin a chu a hmu ta tho a, enge an sawi chhuah ber chu tun dinhmun ah la hre veklo mah ila an inhmuhna hi Khawvel in an thlir a, engemaw tak thil chu a chhuak ngei turah ngaih ani a.,Donald Trump a leh Putin an inhmuh na ah hian thil danglam tak a thleng leh a,chuchu Putin a hian Ram hruaitu a hmuh reng rengin a hnuai ah an awm tih lantir a tum na chikhat ni ngei a ngaihtheih in Rei taktak a in nghah tir thin a, Germany Chancellor Merkel i te,Queen Elizabeth i te..a tu pawh mai chu Darkar 4 chuang ten a in nghah tir thin ani..Hetiang tho hian Putin a hian Donald Trump a chungah a ti leh anga sawi a tam hle mai a, Media hrang hrang ah Putin a hian Donald Trump a chu Min.30 a in ngah tir anga report anih laiin Report dan dang a awm ve tho a,Conservative Jack Posobiec a chuan Tweeter a a sawi dan chuan Donald Trump a chuan Putin a lo ngah chu a tum ve lova, a thlenna Hotel ah chuan darkar chanve a awm khawmuang te te a,Vladimir Putin a zawk chu an inhmuhna tur hmun a kal tawh tih an hrilh hnu ah muangchangin Hotel atangin a chhuak ve choh a, Vladimir putin a chu a in nghah tir ta ani ti in..He thu hian titi a ti tam hle a..Tun dinhmun ah a engzawk report nge dik ka la chian thei mailo..nakin ah thudik zawk hemi bik ah hian chiang zawkin kan la tarlang leh dawn nia. Engpawh nise Thuchiang tak erawh chu Putin a hian Ram hruaitu dang tamtak aiin TRUMP a chu a zahin(dah sang) a ngaina tih a hriat hle a, tun an meeting ah hian World Cup Ball chu Putin a chuan TRUMP a chu a Present nghe nghe bawk a, USA in 2026 ah World Cup an Host ve na tur zah na lantir nan a present ani a, Donald Trump a pawh a lawm hle a, BALL chu a fapa naupang ber Barron Trump a a pek tur thu a sawi.

Awle, Sawitur Pawimawh taktak hlir in ala khat a, NATO Summit leh a nghawng te, CHINA Trade WAR leh a nghawng te, #WalkAway movement te, Donald Trump a phiarrutu FBI Agent Peter Strzok-a Congress hearing chungchang te, Supreme Court Justice ruat chungchang indo na kal zel te, Iran chungchang te,North Korea leh USA thuthar leh Democrats in U.S. Immigration and Customs Enforcement thiah vek an tum dang te.Franklin Graham an Donald Trump a thlavang a rawn hauh dan thar te,Donald Trump a chu US mai nilo,Europe hruaitu zawng zawng zingah tuman an tluk loh zia Polls hmanga a lan dan te, etc etc..chung zawng zawng kan ziah dawn chuan a BU ah a chhuak thei mai dawn sia ti chin ah hian duhtawk leh phawt mai ang aw.