Keimah chauh min hmangaih a, i thinlungah keimah chauh ka awm emaw ka tih lai khan maw, kei aia hmun ril leh thuk zawk chang an lo awm reng ang tih hi ka lo ring phak mawlh lo a ni.
Ka thinlung chhungril ber ah ka seng lut che a, ka hmangaihna thuk ber ka hlan che a, mahse, nang chuan a der/lem ka ti dawn em ni. Chauh min lo hlan si a, Hmangaihna hi in bumna thang tha ber a ni tih chu ka hria, mahse, nang chuan hmangaihna hi in bum nan i hman ka lo ring ngai lo a sin.
Keimah ai pawn ka ring zawk che a, ka thinlung ai pawn i thinlung thu chu ka ngaipawimawh zawk fo thin a, ka rinna che chu tinge i tih kehsawm tak mai le. Ka rinna ti chhe vek tu rin nawn leh hi ka thei tawh si lova, mahse, ka hmangaih ber i ni bawk si hi hriatthiam har ka van ti tak em.
Nang ka hlan tawh hmangaihna mi dang hlan leh tur chuan hun harsa ka la paltlang ngai loh ka pal tlang a ngai dawn a, kan lo zawh dun tawh hmangaihna kawngah hian nang lo midang kalpui tur chuan ka tha chakna chuan a tlin dawn lova, mahse, hlim reng tura duan nilo ka hringnun ah hian lungngaihna hi in bawhbeh tir reng ka tum bik lo ang.
Ka thinlung anga midang thinlung kha i thatna hmanga i suasam leh dawn a nih chuan i suasam tur kha midang thinlung suasam ching tho thlang tawh la, hmangaihna dik tak thinlung pu tu thinlung chu tihnat sak tawh lo hram ang che aw.
Ka hriatthiam thei loh thil ka hriatthiam a ngai a, ka duh loh thil chu duh tak anga ka pawm a ngai tawh a, ka hlimna chu ka lungngaihna a nih tawh avangin, chu ka lungngaihna chu ka hlimna tura ka thlakthleng thuai thei nan hun hnenah hun ka dil a, hun chuan hun min la pek ngei beiseiin beiseina mitin ka la thlir a, rinna tukverha ah dak chhuak in ka hmalam hun tur chu rinna hmangain ka thlir a, chu ka rinna ti hlawhtling tur chuan chhel taka ka beih a ngai tih hria in ka in ti chak hram hram thin a sin.
By- FIJIKO
No comments:
Thanks for your comment.