HLAWTLINGNA DINGA INCHUKLAI--- LAL ROPUI PAKHAT LE VATE PAHNI CHANCHIN

 - Ramneisang faiheng

www.tleirawl.in

Tienlai chun Lal ropui takel pakhat hi a um,A lalram sier-le-vel rambung Lalram hai chu Inlai chinna thalem neipuina dingin a sir kuol a, chuonga rambung tin a sir kuolna a a Sir nuhnungtak lalram a inthawk chun Thil pek ditum tak le Khawvel po po a ala hmulaia amawi ala titak Vate(Vaki) pahni te chu thil pekin Lalram pakhat a inthawk chun an lo pek a,a lawm em em ela, Vate a hmu lai po po a mawi ati chung chuong bik em em ela, a lawm hle bawk anih.Chuongchun a khuolzin hung inlawi chun Vate hai inchuktirna pe thiem le Enkawl thiem chu ko in a Lalin Kulsung huona chun an umna dinghai ngaituoin,duot le Hmangai em em in an enkawl tira,mawi ati in a ditsak bik hle lei chun Chu vate hai umna ding khawm chun Lal pindan tukvera inthawka zuk hmu theina hmuna chun a si a,ama khawm chun chuong vate hai khawm chun nitinin a en hlak a mawi ati em em bawk si lei chun.





Hun hung fe pei chun, chuong vate hai khawm chu vawikhat puitling an hung ni ta phing chun, vate Inchuktirna pea enkawltu chu lal hma a inlang ding chun a hung ta a,chuonga lal hma a an lang chun, Vatehai khawm an puitling thawkkhat tâk thu le Vate pahni laia Pakhat chu Van sanga hai Vuongin Khawvel mawina intem ding le Khawvel mawina sukzuoltu dingin Thlangam le inhawi tia  a vuong tâk thu le Pakhat ruok chu Lalram danga inthawka hung thuoi ania a,an inthut/siena thing kau ala maksan naw thu chu a hung intlun ta a. Chuong thu chu lal chun a hriet phing chun, a vate nei dang hai laka a hmangai, ditsak le mawi ati bik zuol hai an ni leiin Lal chun pawi ati in  ngaiven ta hle el a,Chuong pawi atina hai lei chun Rambung dang  haia inthawk vate enkawl thiem le vate chung chang hre mi hai ko khawmin Vate kuoma chun thuoiin vate chu an enkawltir a, Lal i ditsak vate hai laia pakhat chun a fûkna thing kau maksan dinga an thiemna le hrietna hai an hmang seng hnung khawm chun lal beisei ang chu an suk puitling pek thei chuong nawh. Lalchun a khawnbawl le mivara a nei hai khawm chu inkhawmin Vate chu invuongtir a ni theina dinga an hrietna hai le theina hai po po senga,a tul ang ang thaw dingin a rawn khawm tawla, chuonga an theina po po an thaw khawm chun, chu vate chun a fûkna thingkau chu maksan zai reng a rel chuong nawh. Chuong ani phing chun Lal chun nasataka ngaituoin Vate chu mawi ati em leia ditsakin a ngaituoa, Chu phing chun  lal chun,vate haiin an i ngam le vate ta dinga Mi nêlum tak le vate tamtakin an i hmu hlak Khuote mi Loneitu hai in enkawltir chu a lungril ta a, a ditsak bik em lei chun a tul po po thawkim vawng anuom ta si lei chun , a ram sunga khuote pakhata inthawk Loneitu pakhat chu in ko tirin  Vate kuoma chun thuoiin vate in harsatna a tuok le Vate ngirhmun chu a hriet thiem el rawi maw  ti a beisei tlat sia. Chuong chun ama chu vate chu an in enkawl tir ta zui nghal anih.





Zing khawvar mawitak, zing nisa suok mawi tak el a hung inlang chun Lal chun nidang a alo thaw hlak ang bawk chun Vate hai umna hmun Lal pindan tukvera hmuthei huon tieng chun a mit ahai in len nawk chun, Chu vate vuong zai reng rel lo ngei chun Rimawi tak a anka a inthawka insuoin Lal pindan tukvera inthawka inlang Kul sung Huon chu inmawiin alo vuong par dar dar el ta a,chuong chun lal chu a lawmin mak a ti hlea, chuonga alawma mak ati lei chun Lal chun a siehlaw kuoma chun, A i hmangai vate enkawltu dinga Loneitu,mi rethei bawngbai,mawl le Trenghneng chu ko a Lal hma a thuoi dingin thu a pek ta a, chuong chun a hril angtak chun Siehlaw chun lal kuoma chun lal in a mawi ati le lungril suk buoitu a vate vuong nuom lo invuongtir theitu loneitu chu a hung thuoia lal hma a chun an ngirtir ta a, chu phing chun lal chun zawna pein ," Vate kha iengtin am Invuong tir a....?"ati ta a, Ama chun Lal chu inza tak pum le Kutsuiin Lal zawna chu  ," Pu inza um, a Harsa naw ie, A fûkna thing kau kha ka tuk bawnga,a vuong el ani ," tiin a dawna chuong chun lal chun a lawm em em  ela, a lawm in entirna in a mawitawk le phutawk lawmman chu pein Lal chun intieng an lawitir nawk ta anih.




Hi a chunga ei Suklang tienami hin amin chuktir nuom chu hi hi anih.

"Tu el khawm hi, ei hringnuna hin Hlawtling theina dinga theina pek seng ei nih.Sienkhawm chu Hlawtlingna dawngna dinga Huoisenna chu ei nei ngam naw ani hlak. Hlawtlingna insangtak ei chan ding chu dawng phak loin, eini laia thil awlsam le Thil inlar le Thil langsara hai chun ei inkhai tâng mei mei ta lem hlak anih. Hlawtlingna hlutak le insangtak chu Hnawt na chang ei hriet naw leiin le Tuta eini laia hlulo hai lei chun  ei chang phak ta ngainaw anih.


Hlawtling ding chun inhawi ei tina hmun le ei thlangamna hmuna inthawka suokin  Chan tha lem le ei phu bak Hlawtlingna hmu tumin thang lakna chang hriet tum ei tiu khai.!
Inhawi ei tina hmun le ei ei ram chengbel sa kha ei maksan ngamnaw chun a thalem chu beisei in Inhnar hlak inla khawm chang phak chuong ngai naw manih.


Ei thawtheizie inlangna ding chun ei Ngirhmun Thingkau kha miin an mi sukthliek pek ani naw khawmin Mani a sat thliek na chang hriet hi a pawimaw anih. Chuong ani naw chun Miin hmun insang lema inthawka an hmu hai hmu phak ngainaw mani a, van sanga mi vuong san zoin chanthra po po an mi chang san zo ngei  ding anih. *HLAWTLING DING CHUN CHÂN A TUL LE CHAN EI TIU A, TUOR A TUL LE TUOR BAWK EI TIU A, A TUL PHAWT THAW INHUOM EI TIU*



Fight for your Better tomorrow