LEI KHI VANGIN BUNGHMUN KHUA BUAI, IN CHHUAHSAN

tleirawl.in| 12 June 2018: Tunkar ruahsur vangin Bunghmun, Lunglei District ah chuan vawiin chhun dar 1 pm khan  Middle School mual chanve atanga chhuahlam zawng lei min mai thei dinhmunah a ding a, YMA ten ruahsur hnuaiah hnatlang kovin, inthiar chhuah hna thawh mek a ni a, in 10 lai inthiar chhuah a ni.

Lei khi hian Pi Kawngteii In huamin, Dinthar Biak In thleng a huam a, helai area a Electric hrui pawh hlih fel a ni tawh.

Bunghmun Middle school tlang chhuahlam mual In 13 leh Dinthar Baptist Biak In telin lei khi leh tlahniam mek avangin an insuan chhuak mek a, Khawtlang an buai hle. Darkar 1:30 chhungin 12mm velin a kak zau hman a. Chen zui theih lohah ngaih a ni.

1) Upa Biakzama
2) j.Lalkunga
3) C.Lalrinenga
4) C.Lalhriatpuia
5) Hmangaihthangi
6) Thanzami
7) Pu Zd Lalsiamreia
8) Pc Lalropuia
9) Lalthlanawma (patea)
10) Lalawmpuia
11) R.Remsiama
12) Ramengi
13) Dinthar Baptist Biak In

       Heng chhungkaw 12 leh Biak in te hi tunah an in thiarchhuak mek .