MI INZA HLAW THEI DINGA INCHEI HI MÂKMAW ANIH
Ramneisang faiheng
21st century hung chuong kaiin Khawvel mipu po po High Technology in mi hung tuom vel ta in,hmuntin le ramtin hi mani um hmuna hriet zung zung thei a hung ni ta, khawvel kilkhawra umhai ta ding khawmin Khawpui laili tak hai khawm mita va hmu kher lo khawmin Social media fe thlengin a ruong-âm ding le a um dan ding awm hril thei dingin Hmun then then hai Lim le Thlalak hai hmu thei vawng ani tah. Hieng ang changkangna kawng khatin ei ram ami tuom vel ta leiin Mipui khawlai hmuna um khawm nisien,chu mihriem ta ding a hmabak umsun el chu Changkang tieng pan el hi ani ta.Hieng thilin a tuom vel hnunga, hmang a thawthiem ta si a Hnufuol tieng pan deu deutu chu Ditsak bik le Thiemna bik nei mi a ni ngei ring a um. Khawvel mihriem hai ta ding hin Mawl tieng nekin changkang tieng pan pei ani tâk leiin ei khawvel le nunphung hai a ding khawmin iengkim hi harsatak thaw ngâwng ngâwng um talo in awlsam taka fel tlip tlep a thaw ani ta pei anih.
Khawvelin a phursuok tâk leiin Kut sin thawtu ta ding khawmin,inhma a inrim taka thaw hlak po po hai kha tu ruok hin chu awlsam le Zângkhai taka thawthei niin machine thahrui hai hmangin Hadamna chikim ami pek thei ta anih. Machine hmangna lei hin ei inrimna ding Hmun thuma thre a hmunkhat chau Mihriemin inrimpui ngai a hung ni ta ani,chuonghai thil lei chun mihriem hin Thil a hun ang peia hmanga,suksuok hi ei thiem ta a.Amiruokelchu chuong Hmangruo hai hmang dan ei thiem pei leichun kawngkhata mihriem hi Thabo natak neiin ei um pha a,Hadamna hun ei hau ta bek bek el anih.
Incheina tieng ngaisak mi ta dingin ram changkang le var lem hai khawsak dan hai awlsam taka hmuthei hung niin, Ram dang dang fe mi ta dingin a awlsama,a ram mi anga khawsak a inchei dan thiem mi tak in an um thei ta anih. Ram changkang lem hai thil thaw dan hai ei hmu angin ei incheia,ei insunghai relbaw dan hai khawm ani ding angin ei cheimawiin ei siemrél thei pha ta anih. Social media a hai ei mit ei in lên chun Tupuipui râl tienga chenghai le ei mawl le thatnaw bikna hi hril ding vang tak ani ta anih. Mi hai thawdan tha le sie hai chen mani um hmuna hmu theiin a entawn nuomtu ta dingin entawn a awlsam ta hle anih. Mi dang rawna,mi danghai mawi mi ti dana inchei nekin mi hai an incheidan mawi eiti hai in ei incheia ei entawn el ta hlak. Chulaichun,mitin in ei hriet ding chu mani in mawi le inhme a ei in ngai nekin,ei lua inthawka e ke hmawr chen hmuthei tu,vawikhat ena mi hmutu haiin mawi an mi ta dan kha eini in mawi ei inti nekin a mawl nawk zuol lem anih. Mihai incheidan ei hmua an inhmepuia an mawi angkhan ei mawi phak ve nawh. Mawi taka inbeltu in a nei taksa,vunrawng,hmel,sam le Pieng ang kha i neinaw leiin inhmepui zo naw chuleichun mi in an ngaisang le i thatna thuruk an hmu phak naw anih.
Tulai hin ei ram a hai ngei khawm Inchei dan kawnga hin Ram dang ei entawn nasa ta hle el anih. Nikhat lai ela Assam-karbi Anglong hmuna thil tlung kha ei hriet deu fur ring a um. Kha thil kha Social media a thu indiklo thedartu in lo thedar ang rêng khawm nisien,an inchei dan khan zir sien kha thilkha an chung a khawm a tlung dal el thei. Inzaum le mi nêlum tak,mawikhai taka inchei nihai sienla Kut tuorna ding khawm pumpel ngei an tih. Chuonganga mak taka incheitu hai chu an lungril hre nawtu ta ding chun inzaum,mi nêlum,mi var le Changkang dingin mihai in a hmasatakin ngaina an nei ngai nawh. Hnam danghai incheidan nal ei ti hai angin nuom nuomin eilo entawn el hlaka, ei ngirhmun le insung,khawsakna le Ram khawmin ala phak loin ei hang entawn leiin,thil hi ani naw ding ang vawng in a hung um ta hlak anih.
Inchei dan kha mawi hle sienkhawm I insung le i hung suokna in a zir naw leiin mi in an hmu mawi thei chuongnaw che ti hi hriet a pawimaw hle anih.
Mani nei ang tawk hai hi inzaum thei angtaka sukfai hi thil mâkmaw ani takzet anih. Inchei dana inthawkin miin an inkhi che a,incheidan a inthawkin miin an ngaisangin an hmusit hlak che anih. Incheina hi First Impression ani ti hi ei lungrila ei vawng tlat ding anih. Chutaka inthawk chun mi tha,ringum,belthlak le entawn thlaka mi in an ngai chein,I tawng bau suok khawm a sie a tha nisien miin thutak khûk in khûkpui ngei bawk an tih.
Ramneisang faiheng
21st century hung chuong kaiin Khawvel mipu po po High Technology in mi hung tuom vel ta in,hmuntin le ramtin hi mani um hmuna hriet zung zung thei a hung ni ta, khawvel kilkhawra umhai ta ding khawmin Khawpui laili tak hai khawm mita va hmu kher lo khawmin Social media fe thlengin a ruong-âm ding le a um dan ding awm hril thei dingin Hmun then then hai Lim le Thlalak hai hmu thei vawng ani tah. Hieng ang changkangna kawng khatin ei ram ami tuom vel ta leiin Mipui khawlai hmuna um khawm nisien,chu mihriem ta ding a hmabak umsun el chu Changkang tieng pan el hi ani ta.Hieng thilin a tuom vel hnunga, hmang a thawthiem ta si a Hnufuol tieng pan deu deutu chu Ditsak bik le Thiemna bik nei mi a ni ngei ring a um. Khawvel mihriem hai ta ding hin Mawl tieng nekin changkang tieng pan pei ani tâk leiin ei khawvel le nunphung hai a ding khawmin iengkim hi harsatak thaw ngâwng ngâwng um talo in awlsam taka fel tlip tlep a thaw ani ta pei anih.
Khawvelin a phursuok tâk leiin Kut sin thawtu ta ding khawmin,inhma a inrim taka thaw hlak po po hai kha tu ruok hin chu awlsam le Zângkhai taka thawthei niin machine thahrui hai hmangin Hadamna chikim ami pek thei ta anih. Machine hmangna lei hin ei inrimna ding Hmun thuma thre a hmunkhat chau Mihriemin inrimpui ngai a hung ni ta ani,chuonghai thil lei chun mihriem hin Thil a hun ang peia hmanga,suksuok hi ei thiem ta a.Amiruokelchu chuong Hmangruo hai hmang dan ei thiem pei leichun kawngkhata mihriem hi Thabo natak neiin ei um pha a,Hadamna hun ei hau ta bek bek el anih.
Incheina tieng ngaisak mi ta dingin ram changkang le var lem hai khawsak dan hai awlsam taka hmuthei hung niin, Ram dang dang fe mi ta dingin a awlsama,a ram mi anga khawsak a inchei dan thiem mi tak in an um thei ta anih. Ram changkang lem hai thil thaw dan hai ei hmu angin ei incheia,ei insunghai relbaw dan hai khawm ani ding angin ei cheimawiin ei siemrél thei pha ta anih. Social media a hai ei mit ei in lên chun Tupuipui râl tienga chenghai le ei mawl le thatnaw bikna hi hril ding vang tak ani ta anih. Mi hai thawdan tha le sie hai chen mani um hmuna hmu theiin a entawn nuomtu ta dingin entawn a awlsam ta hle anih. Mi dang rawna,mi danghai mawi mi ti dana inchei nekin mi hai an incheidan mawi eiti hai in ei incheia ei entawn el ta hlak. Chulaichun,mitin in ei hriet ding chu mani in mawi le inhme a ei in ngai nekin,ei lua inthawka e ke hmawr chen hmuthei tu,vawikhat ena mi hmutu haiin mawi an mi ta dan kha eini in mawi ei inti nekin a mawl nawk zuol lem anih. Mihai incheidan ei hmua an inhmepuia an mawi angkhan ei mawi phak ve nawh. Mawi taka inbeltu in a nei taksa,vunrawng,hmel,sam le Pieng ang kha i neinaw leiin inhmepui zo naw chuleichun mi in an ngaisang le i thatna thuruk an hmu phak naw anih.
Tulai hin ei ram a hai ngei khawm Inchei dan kawnga hin Ram dang ei entawn nasa ta hle el anih. Nikhat lai ela Assam-karbi Anglong hmuna thil tlung kha ei hriet deu fur ring a um. Kha thil kha Social media a thu indiklo thedartu in lo thedar ang rêng khawm nisien,an inchei dan khan zir sien kha thilkha an chung a khawm a tlung dal el thei. Inzaum le mi nêlum tak,mawikhai taka inchei nihai sienla Kut tuorna ding khawm pumpel ngei an tih. Chuonganga mak taka incheitu hai chu an lungril hre nawtu ta ding chun inzaum,mi nêlum,mi var le Changkang dingin mihai in a hmasatakin ngaina an nei ngai nawh. Hnam danghai incheidan nal ei ti hai angin nuom nuomin eilo entawn el hlaka, ei ngirhmun le insung,khawsakna le Ram khawmin ala phak loin ei hang entawn leiin,thil hi ani naw ding ang vawng in a hung um ta hlak anih.
Inchei dan kha mawi hle sienkhawm I insung le i hung suokna in a zir naw leiin mi in an hmu mawi thei chuongnaw che ti hi hriet a pawimaw hle anih.
Mani nei ang tawk hai hi inzaum thei angtaka sukfai hi thil mâkmaw ani takzet anih. Inchei dana inthawkin miin an inkhi che a,incheidan a inthawkin miin an ngaisangin an hmusit hlak che anih. Incheina hi First Impression ani ti hi ei lungrila ei vawng tlat ding anih. Chutaka inthawk chun mi tha,ringum,belthlak le entawn thlaka mi in an ngai chein,I tawng bau suok khawm a sie a tha nisien miin thutak khûk in khûkpui ngei bawk an tih.
No comments:
Thanks for your comment.