 |
| Lalbiakenga |
- H. Zate
www.tleirawl.in
tleirawl.in | 25 June 2018 : Mizoram University chuan 18 June 2018 khan UG Result a tichhuak a. Kum 2018 B.A Gold Medalist, Lalbiakenga chu tunlai hmasawnna hmang ṭangkaiin, kan inkawm. Lalbiakenga, Maenga tia koh ṭhin hi Pachhunga University College a B.A (History) zirlai niin, History ah hian Topper a ni a, B.A pumpuiah mark hmu sang ber ni bawkin, 89% hmuin Gold Medalist a ni a. A ni hi Mualkawi Khua, Champhai District mi ni.
A hun chep tak karah inkawmna hun min siamsak a, kan lawm hle.
Hming : Lalbiakenga
Koh dan : Maenga
Pianni : 19 October 1996
Pianna. : Mualkawi, Champhai
Nu Hming : Hrangnghilhlovi
Pa hming : Thangrothuama
Khua. : Mualkawi
Unau zat?
Kan unau hi pa 4 kan ni a, a naupang ber ka ni.
Tuna awmna?
Tunah hian Bethlehem Veng, Aizawl ah ka awm.
Tih tum mek?
Tun ah hian MA zir zawm leh ka la tum a, a remlo a nih chuan Competitive Exam Coaching kal ka tum.
Pawl 10 leh 12 zirna?
Class 10 hi PES Zotlang ah 2011-2013 khan kakal a 2nd division ah ka pass. Class 12 hi GM Higher secondary school Champhai ah 2014-2015 khan ka kal a,1st division ah ka pass.
Zir dang i nei em?
Thil dang zir em em chu ka neilo a, Computer class PUC ah ka kal thin.
I Hobby?
Singing, playing guiter, study
Favourite -
Leader. : MK Gandhi
Singer. : Chris Tomlin
Song. : Paradise by Coldplay
Writer. : JRR Tolkien
MZU B.A (History) Topper nia MZU Gold Medalist i ni tih i hriat khan engtin nge i awm?
MZU topper kani tih ka hriat khan ka lawm em em a, Pathian hnen ah ka tawngtai.
MZU Topper i nih hi i ring reng em?
Ka mark khawl dan ngaihtuah chuan ka inring ve tho a, kan Teacher te pawhin min ring hle. Topper nih tum chuan ka zir tho a,mahse thiam tur in ka zir zawk mah.
Zirna atan hian i chhungten an thlawpin an tuipui chein i hria em?
Zirna atan hian ka chhung te'n min tuipui em em a, ka kal kawng tur pawh min thlanpui lo in ka tui na lam lam ah tawngtaina nen min support em em ringawt zel ani.
Zirtirtute'n an thlawp ṭha che in i hria em?
Kan zirtirtu te hi an fel em em a, zawhna zawh pawh an nuam a, an ni ai a tha hi an awm ka ring lo. Min thlawp na ah ka lawm khawp mai.
Hlawhtling tura pawimawh nia i hriat?
Hlawhtling tur chuan Pathian a pawimawh ber a, kan background leh kan dinhmun ai chuan Pathian rin tlat leh kan will power, kan tumna hi a pawimawh ber in ka hria.
Faculty ṭha tawkin i hria em?
Kan College Faculty hi ka luh hma atang tawh a ka zir chian(BA result chhuak tawh atang in) ani a, ka beisei phak bak in an tha, tumah hi han sawiselna tur lian tham ka hre lo.
I lehkha zir dan?
Lehkha ka zir hma hian Bible chhiar leh tawngtaina ka nei phawt thin a, ka method chu "understanding and by heart" ani deuh tawp mai.
Engnge nih i tum ber?
Ka Aim in Life chu Mizoram Civil Service ani.
Kohhran leh Khawtlangah i inhmang ve ṭhin em?
Ka theih ang tawk in khawtlang leh kohhran ah ka inhmang a, mahse a pawimawh ber a kadah chu keimah leh Pathian inkar a fel em, tihleh ka lehkhazir ka thlahdah em tih hi ani.
Ṭhalaite hnena i chah duh?
Mizo thalai tehian changkan na hi kan hresual in ka hria a, thawmhnaw man to ber ber, Smart phone manto ber ber, living standard sang ber ber kan uar a, mahse kan rilru ah erawh tumruh tak tak na leh beih hram hram duh na rilru kan nei tlem hle a, knowledge kan tlachham leh hle si a, zahthlak khawp in.. Chuvang chuan kan living standard kan tisang duh anih pawh in kan knowledge level i tisang ve ang u. Pathian tihna tak tak nun pawh kan tlachham tawh hle, heti lam ah pawh hian tan i la zual sauh sauh ang u.
www.tleirawl.in i hmuh dan?
He website hi a tha kati hle a, ngaihsan tlak leh chawimawi tlak te ngaihsan a chawimawi na leh mi tamtak tan a chhawr tangkai anih zel theih nan hman zel ni thei se kati.
Sawi duh dang i nei em?
Hlawhtling tur hian kan background leh kan dinhmun a pawimawh ber lo a, Pathian kan neih chuan tih theihloh engmah a awmlo, tumruh na tak tak mi in a neih chuan kawng alo awm zel a ni.
TLEIRAWL
www.tleirawl.in
admin@tleirawl.in
Made With ❤ In Mizoram!
No comments:
Thanks for your comment.