Mizoram University (MZU) chuan 18 June 2018 khan Under Graduate result a tichhuak a. Education Subject a topper, Nula fel, kohhran leh khawtlang tana inhmang, PCI Mamit Pastor Bial Zaipawl member leh KṬP Branch committee member mai bakah, College E.U a mi pawimawh, Govt Mamit College Zirlai, Nula R. Lalruatfeli chuan inkawmna hun duhawm tak min siamsak a. Kan inkawmna chu hetiang hi a ni.
Hming: R. Lalruatfeli
Koh dan: Ruatteii / Ruati
Pianni: 7th december
Pianna: Mamit
Nu Hming: K. Thanṭhiangi
Pa Hming: R. Lalhmangaiha
Khua : Mamit Bazarveng
Unau engzat nge i nih ? Eng zatna nge?:
Unau hi paruk kan ni a, a naupang ber dawt tu ka ni.
Pawl 10 leh 12 i zirna min hrilh thei em?
Thei tehlul e. Class 10 hi Mamit high school II, Mamit
class 12 hi Gov't K. M Higher Secondary School , Aizawl
B.A (Education) i zirna College?
Govt Mamit College, Mamit
Thil dang zir i nei em? :
D. MLT. hi ILS bawngkawn ah MSCTE hnuai ah 2012 khan ka pass a.
MZU Topper i ni tih i hriat khan engtin nge i awm?
Internet ṭhat loh vangin result ka en thei mai lova. Kan miss in min lo call -in min lo hrilh a. A tir chuan ka awih lovin ka hamhaih zawk hle. Result ka hmuh hma kha chu ka ring lo. Pathian vang liau liau a ni tih ka hriaa, hnenah lawmthu ka sawi nghal.
Topper nih kha i inring reng em? Nih tumin i zir reng em?
Topper nih hi ka inring lo hrim hrim a. Nih pawh ka lo tum lem lo. Mahse, 1st a pass erawh ka tum ve hle.
Zirna atan hian i chhungte'n an tuipui che em?
Aw, Tuipui e. College pawh hi ka chhungte vang a lut ṭha leh ka nia. college tlem a a hlat deuh avangin ka pa hian ni tin scooty in min thlah ṭhin. Lehkha zir ka duh chang pawn ka chhungten hunawl min siam sak ṭhin.
Zirtirtute aṭangin thlawpna hmu ṭhain i inhria em?
kan zirtirtu te hian min thlawp ṭha em em a theih tawp an chhuah a kan thiamloh lai te kan zawt bawrh bawrh ngam a, kan inpawh ṭha in student te min ngaihsak em em a result chhuah pawn min lo hrilh hmasa ber tu te an nia ka lawm hle bawk.
Hlawhtling tura pawimawh ber nia i hriat?
Hlawhtling tur chuan taimakna hi a pawimawh ber in ka hria.
In College Faculty hi ṭha tawkin i hria em? :
Faculty ah hian IVth grade hi 2 chiah kan nei a, material xerox (photo copying) tur pawhin an indaih lova, an hman hun kan nghak ṭhin. An hah em em a an khawngaihthlak. Kan Lecturer ten min xerox sak tawp chang a tam hle.
Aim in Life?
Teacher
Khawtlang leh Kohhran-ah i inhmang em?
Theih ang tawk tawk chuan inhmang ve e
Ṭhalaite tana i chah duh?
Tum mumal neih a ngai ka ti. Kei pawh, tum mumal ka neih lawk loh avangin ka kual ka kual a hun a uihawm. Tin, kan thil tihna reng rengah tih tak zet na neih hi a pawimawh hle.
www.tleirawl.in i hmuh dan?
A ṭha hlein ka hria. Hetiang website hi ṭhalai te tan a chona siam turin a la ṭangkai dawnin ka hria.
I hlawhtlinnaah hian sawi duh tak i nei em?
Class 12 ka pass na hi a rei tawh, 2008 daih tawh kha a nia. Hrangbana College ah ka kal ve zuai a. Mahse D. MLT ka zir a ka pass hnu in hna te ka hmuh mai loh avang in kum 2 hnu vel ah college hi ka zawm ṭha leh a. 3rd sem vel aṭangin Mamit Pastor Bial Zaipawl ah telin, KṬP branch committee ah ka awm bawk si a hun awl ka nei lo em em a, hla zir ban a lehkha zir ngaih chang te a awm a. Kan zirlai nen a innan vangin Zaipawl prog. pawh ka ṭhulh phah fo bawk. College E. U ah theih ang tawkin ka inhmang ve a. Mahse, heng a vang tak hian ka hunawlah ka zir hnem phah a, ka ṭawngṭai tam a Pathianin mal min sawm let niin ka hria a. Pathian tan hian inhmang lo ta ila hetiang dinhmun hi ka thlen ka inring lo. Hetiang dinhmun hi ka theihna, thiamna leh hriselna pawh in a tlin lova, ka hlawhtlinnaah hian a bulpui ber chu Pathian a ni ka ti lo theilo. Kum tam tak chawlh hnua lehkha zir ṭha leh ka nih vangin min lawmpuitu pawh an tam a, an chungah ka lawm takzet.
Kohhran a a inhmanin a tibuai lova, miin taimakna leh tumna tak tak nena a beih chuan, Pathianin mal a sawm zawk zia a nunah hian kan hmu a ni. A kal zelna turah duhsakna sang ber kan hlan e.
TLEIRAWL
admin@tleirawl.in
© WWW.TLEIRAWL.IN ©
Made With ❤ In Mizoram!
Hetiang mi hlawhtling interview hian chona tam tak min siam ngei ka beisei
ReplyDelete