'TAJ MAHAL' PHENA THU INTHUP I HRIAT LOH CHU

                                                     
                                            ★Opeey-a khiangte


Taj Mahal hi Khawvel Thlan In mawi em em mai, 'Khawvel Thilmak 7'-a lang pha hial a ni a. Kan lo hriat thin danah chuan, Taj Mahal hi Mughal emperor Shah Jahan-a'n a nupui Mumtaz Mahal-i tan a sa a, a nupui chu Persian princess niin, a fa 14-na Gauhara Begum a hrinin a thi ta a ni.

Taj Mahal chu kum 1632-ah sak tan a ni a, kum 1643-ah sak zawh a ni. A chhehvel building leh huan mawi tak takte chu, kum 5 hnuah siam zawh a ni leh bawk. Chu chu kan hriat thin dan tlanglawn ber pawh a ni.

Mahse, Prof. P. N. Oak chuan a lehkhabu, 'Taj Mahal: The True Story'-ah, Taj Mahal hi Queen Mumtaz-i Thlan a ni lo, ancient Hindu temple palace (Lord Shiva temple palace) zawk a ni a ti a. (chutih lai chuan Tejo Mahalaya tih a ni).

A research neihna atangin, Oak chuan, Shiva temple palace chu, Maharaja of Jaipur, Jai Singh-a kut ata, Shah Jahan-a khan a chhuhsak niin a sawi.

A court chronicle 'Badshahnama'-ah, ShahJahan-a chuan, Agra-a mansion ropui tak chu, a nupui Mumtaz-i phumna atan Jai SIngh-a a chhuhsak tak thu a ziak a ni.

Tin, Jaipur ex-Maha raja chuan, a secret collection-ah, Shah Jahan-a'n Taj building surrender tura a va order-na thu pahnih a la kawl tha a ni.

Tun hmain, Muslim rulers-ho khan, midang temple leh mansion chhuhsak a, lal thlah phumna thlan atana hman an lo ching thin reng a ni. Chutiang chiah chuan, Humayun, Akbar, Etmud-ud-Daula leh Safdarjung-te pawh kha, mansion-ah an phum vek a ni.

Oak chuan "Mahal" tih hi a sawifiah leh a. Mumtaz Mahal kha Shah Jahan-a nupui hming a ni lo, a hming dik tak chu Mumtaz-ul-Zamani a ni zawk a ti leh ta tlat mai le! Taj Mahal tih chu, Tejo Mahalaya (Lord Shiv a 's Palace) tih sawina tho, corrupt version a ni a ti a ni.

Taj Mahal chu Shah Jahan-a hun hma daiha lo awm tawh kha a ni a, Lord Shiva tana temple sak a ni a, Shiva chu Agra khawpuia Raj puts-hovin an be thin niin a sawi. Chutih rualin, New York-a awm Prof. Marvin Miller chuan, Taj Mahal kawngkhar, Lui lam side-a awm sample chu la-in a zirchiang ta a.

Carbon dating tests a neih atanga lang chu, kha Kawngkhar (door) kha, Shah Jahan aiin kum 300 laiin a lo upa zawk tlat a ni. Taj Mahal hi a design leh architectural awm dan vel atang reng hian, mausoleum aiin Hindu temple sak thin danphung a ang zawk hle a ni.

A chhunga room tam tak chu, Shah Jahan-a hun lai atang tawh khan, luh theih lohvin a inkharkhip tlat tawh thin a. Chung room chhungah chuan, Lord Shiva statue (Lu nei lo Shiva Lim) leh, Hindu temples hrang hranga worship rituals vel atana hman thin, objects a awm ngeia a rin thu Oak chuan a sawi a ni.

Thawnthu atanga a lan danin, Shah Jahan khan, Taj Mahal satu (craftsmen leh artisans)-ho kut a tanbunsak vek mai a. A chhan ber chu, Taj Mahal aia in mawi leh tha zawk an sak leh a hlauh vang niin an sawi.

Tin, mak leh zel chu, Taj Mahal aia thil mawi dang an hmuh tawh loh nan an mitmu pawh a kherchhuahsak vek bawk. Amaherawhchu, evidence mumal leh record an hmuh loh avangin, historians tam takin thil dik lo leh thawnthu phuahchawp niin an ngai thung a ni.

Chu chu ni tho mah se, tourist leh mi tam tak rilru kuaitu a ni a. Tun thlengin, Taj Mahal an tlawh chak chhan leh, a chanchin an hriat zawm zel chakna ber a lo ni ta zel a ni.

Source:WAGK

★★★