ZAWLPUI KHUA CHU KAU LUI LIAN VANGIN AN BUAI

tleirawl.in | 12 June 2018 : Kau Lui lian vangin Zawlpui khua chu an buai hle a.  Hetiang hi chanchin kan dawn te a ni.
10 June 2018 Pathianni zan atang a ruah sur khan Zawlpui (Lunglei Dist) ah kau leh lui té te an lian sawt hle a. IN thenkhat chu bungraw thiarchhuah tawh a nia chhungkaw 30 aia tam mah mahni in ah an riak ngam lo, vawiin chawhnu a țang khan YMA te an duty renga, zanin pawh an duty tlaivar dawn a ni. lunglei a țanga sumo rawn haw pawh khaw luh hma ah tuilianin a dang a, passenger te Maupum leh Lawnglengin an thiar kai a, tun ah hian motor 1 a rawn thlengleh dawna, kan thiar kai leh tur a ni.
Veng thar lam hi Hall ah an in suan a. Baptist Compound a awm te an chhuak vek a.
Venglai lam leh kau lui hnaih te , awmna hniam te an in sawn hlawm bawk. Kal kawnga lui a len bawk avangin haw thleng hman lo kawng a riak an awm bawk.
Tunah hian YMA an duty reng bawk a. Nikum ai chuan ala lian lova. Mahse ruah a tlak reng avangin a len belh zel rin a ni.
Nikum ah mobile connection engmah a awm loh avangin mipui an buai hle a. Tunah erawh vanneih thlak takin Lungsen tower atangin JIOFI an hmang thei a. An lawmawm hle. In 300 chuang awmna a khaw chhung a eng tower mah a awm lo erawh thuneitu lam ten hma lak sak thuai se an duh hle.

#Nizan lamah YMA an duty tlai vara, information a țul anga pek reng a ni.
# Putlungasih khaw luh dawna kawngpuiah tui chim a san avangin motor a kaltlang theilo, Zawlpui luh dawn Lawngtuklui a liana, Lawngleng duty dah a ni.
# Nizan lamah mahni in lamah riak theilo, in saseng, community Hall leh RMSA School a riak an awm bawk.
#BMS Compound-a kan missionary
-te hmun him lamah an in saseng.
# Tui chim chin hi a sang zel a, in a chim țan a, Health subcentre pawh a chim țan tawh a ni.
Lawngtuklui hi chu khaw luh dawna luite a nia. KAU lui chu khaw sira luang lui lian pangngai a ni.


8:00 Am, 12 june 2018
UPC(NEI) Zawlpui chu tuilianin a chim mai hlauhawmah a awm mek.

10:30 am  12 June 2018.
Khawchhunga inkal pawhna, Zawlpui lui a lei pawh a chim dawn tlat, he lei hi a chim chuan tlang lam pang panna a buaithlak dawn a ni. Health Subcentre pawh a chim tawh a, CBC(Chakma Baptist Church) Biak In pawh a chim dawn ta mai.

www.tleirawl.in

www.tleirawl.in

12 June 2018, tlai lam dar 3 - 4 vela tlang aṭanga lak, Zawlpui khua tuiin a chim.

Zawlpui tuilian Update.
(13/6/18)
# Nimin tlai lam atang khan Zawlpui tui lian chuan kam lam a pana, mipuite pawh an thlabar lutuk tawh love, mahse tuilian ina a chim in leh lo te hi singsak ngai a awm nual dawn a ni.

# Kumdang zawng aiin Zawlpui khuaa Kau tui lian hi a lian zuala, mi tam tak in hmun him lam, tlang lam an pan hman a ni.

# Zawlpui khua a chengte eizawnna ber hi NUL siam a ni a, a season pawh awm chuang lovin kum tluanin KAU lui kamah hian NUL siamin thlai an ching thin a, Lunglei khawpui an supply thin a ni. Tun tum tui lian hian NUL zawng zawng a chim leh ta a, an dinhmun hi ngaihtuahpui chuan kuthnathawktute hi an khawngaihthlak leh hle dawn a ni. 

# In 350 bawr vel lai khua si hian Communication chungchangah hian Zawlpui khua hian harsatna a tawk renga, BSNL tower hi hun rei tawh tak atangin a activate tawh lova, Lungsen tower atang pek chhuah BSNL leh AIRTEL hi hmun thenkhatah chauh a man phaka, Jio network hi Jiofi  hmangin thenkhatin an man ve ngawr ngawr chauh a ni. Chu pawh chu duhthu a sam lo hle a ni. Hei hian kawng hrang hrangin rikrum thilah pawh mipuite harsatna a thlen a ni.

12 June 2018 atan hetah hian update leh a ni ang. Lo ngaichang zel la. Link hi i lo share ve dawn nia. 

---

TLEIRAWL
www.tleirawl.in
E-mail:  admin@tleirawl.in

Send News @ 9402125273