Aizawl | July 26, 2018: Mizoram Govt. Lumpsum Higher Secondary School dinna khua Pakuaa Managing Board intelkhawm MIGLAHSSA, Joint Students' Union, Joint Action Committe ten Sawrkarin Adhoc Grant-in-Aid a hlangkai tura an ngennaah Sawrkar hnen atanga thu lawmawm an dawn loh avangin vawiin 26.07.2018(thu) Zing Dar6:00 atang khan heng khua ; Sakawrdai, Farkawn, Zawlnuam, W.Phaileng, Phullen, N.E.Khawdungsei, E.Lungdar, Zobawk, Thingsultliah -a All NGO atanga duty insiamin Sawrkar Office, Zirna In zawng zawng khar leh heng khua Pakuate paltlangtu kawngte an dang (Road Block) a ni.
He an hmalakna hi boruak muanawm tak hnuaiah a kal niin thu kan dawng a, khaw chhung mipuite leh Zin vei vakten an thlawp tha hle a ni.
An thuchhuah chuan, "an ngennate min zah saktu zawng zawngte chungah an lawm takzet a, chutihrualin he Zirna In chang tlung zawk an mahmawhnate hi hriatpuia thlawp zel turin an ngen nghal bawk a ni."
Naktuk ni 27 July 2018 , Zirtawpni hian he hmalakna hi an chhunzawm leh dawn a. Road block ah hian Thingsulthliah khua chuan an khaw chhung mai ni lovin an ram chhung Tuirini ah naktuk atang hian kawng an dang tel dawn a ni.
A thlawna news i chhiar zel theih nan fakna/ads hi khawngaihin lo click ve la.
No comments:
Thanks for your comment.