1. NRC Final *Draft* hi July ni 30 kum 2018 hin Supreme Court Order dungzuiin Assam sawrkar chun tlangzar a tih.
2. NRC Final *Draft* List a hming um le um naw chu mani NRC Seva Kendra (NSK) haia ARN number chawia ngaiven thei ning a tih. NSK a kher naw khawm www.nrcassam.nic.in a en thei ning a tih.
3. NRC Final Draft a hming zieklut a umnaw hai chun mak ti a buoi lo ding. Mani NSK a hai zieklutnawna san indawn a, inhni nawk thei a nih.
4. Final *Draft* list a i hming a lo um naw / i hming ziek indik naw pal chun buoi naw rawh. NRC a inziek lut dinga 31st August 2015 chena lo apply (inhni) hai ta dingin NSK a inzieklutna ding inhnina OR hming sukdik dinga FORM laka inhni thei a nih. Form hi website a lak thei a ni bawk.
5. NRC Final Draft a zieklut a um ringhla i nei chun an inzieklutna NSK a sawiselna (Objection) mi tuang khawma pek thei a nih.
6. Claim (inhnihna)/ Objection (sawiselna)/ Correction (sukdikna) hun hi 7th August 2018 a inthawka 28thSeptember 2018 chen hawng ning a tih.
7. 31st August 2015 chena inzieklut dinga hnina lo pe lo hrim hrim hai chun hi a chunga tiemchin huna hin hril thei nein aw ni hai. Harsatna dang dang le san dang dang hai leia lo (apply) inhni lo / lo la’n hni naw hai le 31st August 2018 hnunga naute piengthar hai hai ta dingin Final List siem zo a ni pha anni hai inzieklutna ding hun hawng ning a tih.
8. NRC hi vawikhat thila thaw a tawp nghal ding a ni naw a *Update* zing a ni ding a nih.
9. India mi le sa indiktak hai chu NRC a inthawk hin pakhat khawm pei ni naw nih.
10. Final NRC hi ziekhmai hai zieklut a, sukdik hai sukdika, sawiselna hai popo ennawn vawng a ni hnungah suksuok ning a tih.
*KHAWLAI TAWNG LE SOCIAL MEDIA HAIA MI THIL HRIL NAZAWNG AWI LO DING*
*_HSA Assam Hills JHQ in hi thu hi mipui ngaituo leia a hung puonglang a nih_*
Issued by-
Information & Publicity Department
Hmar Students' Association (HSA)
Assam Hills Joint Headquarters
No comments:
Thanks for your comment.