Bilkhawthlir Youth Adventure club in Pukzing tlawh

Pukzing Puk

tleirawl.in | 09 July 2018 :  Bilkhawthlir Youth Adventure club te chuan karhmasa 5 July 2018 atang 6 July 2018 khan Pukzing khua a awm mizoram a puk lian ber Pukzing Puk chu tlawhin an teh nghal. 

Pukzing Puk leh a chhehvel an teh lai

A puk kaw zau(h) zawng  hi 360ft niin a san zawng hi 105 ft a sang a nia.-A puk thuk lam hi 230ft a niin an sawi. A puk hi  a nalin a khawkrawk hle a, chet vel a buaithlak hle niin an sawi.

An teh tawh sa chu fel taka ziahluh a ni.

He mi rual hian  Lungau puk chu an lut ngal a. Mahse, a chhung ah lei a min vanga a inhnawh nasat vangin an lut thui thei lo a ni.

Lungau Puk hmaa BYAC Member te

He hunah hian  Bilkhawthlir Youth Adventure club te hi Mipa 7 leh Hmeichhia 2 an kal a ni. 

Heng Puk te hi Pukzing Khuaa awm an ni a. Pukzing Khua hi Mamit District, West Phaileng block huam chhunga awm niin, Census 2011 a a lan danin Pukzing Khuaah hian chhungkaw 113 awmin mi cheng 537 an awm a, 302 chu Mipa niin,  Hmeichhia 235 an ni.

Blkhawthlir Youth Adventure Club hi Bilkhawthlir Khuaa thalai, Adventure lama tuiten August 2014 a an din niin, tuina inang awm khawm an ni bawka an inlungrual em em a. A tirah member tlemte niin, tunah chuanmi 30 chuang an ni tawh a. An khaw chhunga hruaitute leh Sawrkar thawktu awm te pawhin an tuipui hle nia thu dawn a ni.
Hmachhawp tam tak an nei a, an phur tlang hle a ni.