EXPERIMENT MAK DANGDAITE

EXPERIMENT MAK DANGDAITE

SPECIAL POST

★Opeey-a Khiangte
_______________________________________

14. The Isolated Head of a Dog - Soviet physician Sergei Brukhonenko chuan, primitive heart-lung machine a siam a, chu chu "autojector," tiin a hming a phuah a. Chu khawl hmang chuan, Ui Lubung tam tak a tinung reng thei a ni. Third Congress of Physiologists of the USSR-a Scientist rual hmaah, kum 1928 khan, chung Ui lubung a kawl zinga pakhat chu a show nghe nghe a ni.
★★

13. The Vomit-Drinking Doctor - 19th century lai khan, Philadelphia-a Doctor train mek, Stubbins Ffirth chuan, Nipui laiin Yellow Fever natna a tam a, Thlasikah a bo leh duak thin niin a ngai a. Inkhawih leh indeh atanga kai theih a ni lo tih chu a rin dan Theory a ni a.

Khaw lum/sa lutuk leh ri bengchheng lutuk atangtea lo awm nia ngaiin a finfiahna atan thil a ti ta a. Yellow fever natna vei bulah a va awm hrep a, natna chu a kai ve thei ta si lo a. Tichuan, a ban zai kakin Yellow fever-a damlo te luak chu a ban zai pemah chuan a tat a.

Natna chu a ka thei ta chuang lo va. A mitah an luak chu a far leh a, a then a chhuang so a, a hu chu a va hip a, a la kai thei ta chuang lo. A tawpah, damlo luak chu a ei ta mai a, mahse, natna chu a kai thei ta chuang hauh lo.

A hrisel hle kan ti thei awm e! Chutia natna a kai thei lo chu, a Theory kha dik taah a ngai ve hmiah mai a. Mahse, a ring dik tlat lo. Yellow fever kai tur chuan, thisena natna hrik direct-in a luh a ngai a, Thosi sehte hi inkai dan tlanglawn tak a ni.
★★

12. Human-Ape Hybrid - Soviet Union khan, mihring leh zawng thlah pawlhtirin experiments an nei a, human-ape hybrid an siamchhuak niin thuthang a lo awm tawh thin a ni. Mahse, tak tak a nihzia confirm a ni lem lo.

Khawvel huapa veterinary reproductive biology lama Expert lar, Dr. Il'ya Ivanov chu kum 1927 khan Africa-ah a kal a. Zawng chi khat, orangutan, 'Tarzan' tia an koh chu a hawn a. 

Tarzan-ina a pawl tur nula a mamawh thu advertisement pawh a chhuah a. Chumi atan chuan pawisa duhin va inpe ta pawh an awm a ni awm e.

Mahse,  rei lo teah Tarzan chu a thi a, amah Ivanov pawh chu man a ni a, Jail-ah khung a ni. Chuta chin chu a research pawh a tawp nghal a ni. Tin, Soviet scientists dangte'n Ivanov-a research chu an chhunzawm leh tih thuthang awm a, mahse, hlawhtling an awm tih finfiahna a awm ta lo a ni.
★★

11. Kum 1954 khan, Soviet surgeon Vladimir Demikhov chuan, Ui chi khat, German shepherd an tih thin Nghawng (Neck)-ah Ui dang Lu (smaller head) a vuah a. Tichuan, Ui chuan lu pahnih a nei ta a, a Lu pakhat zawkin thil a ei duh veleh, a lu dang vuah belh zawk pawh chuan thil ei a lo duh ve zel a. A lu pakhat zawk awm dan apiang chu, pakhat chuan a lo zir ve zel a ni. Mahse, Uiin a chunga smaller head an vuahsak chu thin thlak a tum fo va, smaller head lahin a beng a sehsak fo bawk.

Chutianga Lu dang vuah belhsak chu Ui 20 lai an awm a, mahse, an vuah atanga thla khat ral hmain an thi vek a. Amaherawhchu, human heart transplant surgery atana kawngsialna pawimawh tak niin an ngai a ni.
★★

10. Project Stormfury - United States of America (USA) chu, Scientific experiment lama a hmahruai bertu kan ti thei hial awm e. Chung an experiment zinga pakhat chu kum 1940 tawp lama experiment pui tak an neih kha a ni. doctor pakhat, Irwin Langmuir chuan, ice crystals hmanga cyclones tihnep leh tihziaawm a tum a.

Chutianga a tithei a nih chuan, cyclones vanga thi leh bungraw chhia te a tlem phah hle dawn a ni. Tichuan, ice crystals tam tak chu cyclone tleh laiin an va thlak a. Mahse, eng thil nge lo thleng ta! An duhthusam ngaihruatna ang lo tak, chumi opposite chiah chu a lo awm ta zawk a ni. 

crystals an va thlak hnu chuan, hurricane  chuan a hawi lam direction a thlak thut a.

Georgia-a Savannah city bul lawk chu a va thleng phei thuai a, mi an thih phah nual a, bungrua tam tak a chhe ta bawk a ni.
★★

9. Elephant and Acid - Oklahoma University researcher-te'n August 1962 khan, Sai (elephant) pakhat, “Truko” tia an koh chu, LSD hmangin an chiu a. Chuta LSD an chiu tam zawng chu, mihring an chiu thin aia alet 3,000 laia tam a ni. experiment an neih chhan chu, Saipa nungchang leh khawsazia an zir duh vang leh LSD hnathawh dan an hriat duh vang a ni.

LSD chu mize tidanglam thei chemical a ni a, lysergic acid atanga siam a ni. Sai mizia a tidanglam em tih hriat tuma Chutia LSD an inject hnu chuan, Sai chu a sual ta vak mai a, thunun zawh loh khawpin a bawraw ta mai a.

Tin, experiment atanga 45-50 minutes chhungin Sai chu a thi zui ta a ni.
★★

8. Heart Stabbing - German surgical trainee pakhat, Werner Theodor Otto Forssmann chuan, na hriat lohna damdawia inchiuvin, Dawt (cathedral) chu a bana vein-ah a thun a.

Chuta tang chuan a Lung (heart) lamah a thunlut thla zel a, a veih a tihpawp vaih chuan, chawp leh chilhin a thi nghal hmiah mai dawn a ni a. Chuvangchuan, thih phah hlauhawm tak a ni! 

Mahse, vanneihthlak takin, a experiment chu a hlawhtling ta hlauh a, cardiac catheterization process changtlung tak a nih miau avangin, kum 1956 khan Nobel Prize hlan a ni ta a ni.

Werner Theodor Otto Forßmann Chu ni 29 August 1904 khan a piang a, ni 1 June 1979-ah a boral ta a ni.
★★

7. Experiments by Nazi - “Nazi” tih hmuh tawh hi chuan, “Hitler” kan mitthla nghal mai zelin a rinawm. Nazi-ho khan mihring hmangin experiment an nei thin a, a then an tanbung rum a, a then chu Tura hrai an ni. Chung avangte chuan, mi tam tak an thi a, damkhawchhuak zinga thenkhat chu rilru kim lo leh ramtuileilo an ni ta a ni.

Chiang zawkin sawi ta ila, Nazi human experimentation chu medical experiments hrang hrang, an mi man (prisoner)-te chunga an neih kha a ni a, naupang pawh an hmaih duh hauh lo.

Chung experiment tuartu zinga tam ber chu, Europe khawmuala Juda (jew)-ho an ni. Tin, Romani, Sinti, ethnic Poles, Soviet POWs leh German rama piangsual tam tak pawh experiment atan hman an ni bawk. Chu chu Indopui pahnihna hun lai, kum 1940 chho kha a ni a, concentration camp hrang hranga thilthleng thin a ni.

Nazi Physician-te leh an assistant-te chuan, Mi tang (prisoner)-ho chu experiment atan an hnuk liamlui a. Auschwitz-ah leh camp dang dangahte chuan, Eduard Wirths kaihhruaina hnuaiah, German military tana tangkai thei tur siamchhuah tumin experiment an nei ta thin a ni.

Aribert Heim pawhin chutiang medical experiments chu Mauthausen-ah a nei a. Carl Værnet pawh, homosexual prisoner-hovah "cure" hmuhchhuah tuma experiment nei thintu a ni.
★★

6. German psychologists team-te, medical doctor-te leh Berlin Technische University tangkawp chuan, clinical experimentation an nei a. He experimentation an neihnaah hian, mihringte hian thih hnuah nunna dang kan nei a ni tih an finfiah ta.

He thil mak tak mai an finfiahnaah hian mihring chu damdawi hmangin minute 20 chhung an tihlum zuai a ni. He experiment-a duh duha an hman tur atan mi 944 volunteers an awm a, damdawi epinephrine leh dimethyltryptamine chawhpawlh a siamin, mihring an tihlum a, chu chu (clinical death) a ni.

Hun rei tawh tak atanga an lo beih fat fat a, an hlawhtlin theihna ber chu tun hnaia an hmanraw siam chhuah thar, cardiopulmonary recitation (CPR) machine, "AutoPulse" vang liau liau a ni. mi a thih atanga minute 40 atanga darkar 1 vel leka rei a la nih laiin, he hmanrua hian a tihnun theih a.

Kum tlem te kal ta khan, he hmanrua hi an hmang ta thin a ni. Thi thelha awm (Near death experience) - heta thi thelh hi chu thi zuai tih anga ngaih zawk tur aw : hetia an awm lai hian mihringte hi engtin nge kan awm ang le tih hi tun hma kha chuan an buaipui thei hle a. mahse, a chhanna erawh an chhuichhuak thei ngai reng reng lo a ni.

Mahse, Dr Ackermann leh a team te chuan thih hnu piah lamah nunna (thlarau) a awm ngei a ni tih he experiment an neih atang hian an hre ta a ni. Dr Berthold Ackermann leh a Scientist team te chuan mihringa experiment an neih tawhna atanga thil awm dan an chhinchhiah khawmah chuan a chiang ta hle a, mimal tinah tlema zawng a dang ve deuh zeuh zeuh tih mai loh chu.

Damdawi hmanga mihring rei lo te an thihtir chhung chuan, chung mitthite chuan thil engemaw hi hriat an nei vek a. Thil hriat mak tak an nei theuh ta mai a ni.

Chung an thil hriat zinga tlanglawn ber chu, 'an taksa atangin an chhuak a, boruakah an thlawk kang a, thil engkim hi a reh ruih bawk a, ngaihtuahna a engthawl hle a, thil eng tak hmu angin an insawi theuh bawk a ni.

' Scientists chuan an thil hriatah hian an chiang a, mahse, he thil hian mi tam tak a thawng ang tih kan ring bawk a ni an ti.

Experiment atana inpe (volunteers)-te hi Christian, Muslims, Jews, Hindus leh Pathian awm ringlotu (atheists) te an ni. Mr Ackermann chuan, "kan thil hriatchhuah hian mi tam tak rin dan a tibuai ang tih pawh kan hria, mahse, Mihringte history-a zawhna ropui ber chhanna kan pe ve mai chauh a, chuvangin, mipuite'n min ngaithiam mai teh se, aw, thih hnuah Thlarau a awm chiang a, chu chu tuna keimahni ang tak theuh hi an ni" a ti.
★★

5. Hadron Collider - hei hi Khawvela particle collider siamchhuah tawha zawnga powerful ber a ni a. He experiment center hi Switzerland rama leihnuaiah a awm a. protons, electrons leh sub-atomic particles dang dangte chu chak lutuka thlawh kualtirin an insuttir vak mai a ni.

Tin, He experiment hi, Universe insiam dan Big Bang kha a lo dik reng em tih leh, Nuclear Research atan leh, particle physics leh high-energy physics zirchian nana buatsaih a ni.

Leihnuaiah tunnel 27 kilometers (circumference)-a zau an siam a, 175 metres (574 ft) laia thuk a ni a, France–Switzerland border leihnuaia awm a ni a, Geneva bul lawk a ni.

chumi tunnel chhungah chuan, Pipe ti mai ila, thir pipe chhungah chuan protons, electrons leh sub-atomic particles dang dangte chu an thlawh kualtir a ni. high-level project niin, khawvel hmun hrang hranga scientist 10,000 laia tamin an enkawl a.

scientists tam tak chuan, he collider hi a kal fuh lo palh a nih vaih chuan black hole a siam ang a, chu chuan khawvel a tichhe thei hial dawn niin an ngai a, an hlau hle mai a ni.
★★

4. Starfish Prime - July 9, 1962 khan, United States of America chuan, khawvel pawn, Magnetic field pawn lam 400 kilometres (250 mi)-a sangah nuclear weapons test nan an han tipuak a, chu chu Starfish Prime tih a ni. Chutah chuan, TNT 1.4 megatons laia tam hman a ni.

Chuta experiment-a nuclear puak chuan earth’s magnetic field a nghawng na hle a, a sawi danglam ta vek a. Hawaii-a street lights thenkhat a tithim a, communication systems a tichhe nual bawk a ni.
★★

3. Live Again - Doctor pakhat, Robert E. Cornish chuan, mitthi tawh tihnunleh tumin experiment pui tak a nei a. Mitthi ruang chu, a taksaa thisen a luan kual leh theih nan see-saw-ah a zalh a. Tin, anti-coagulants leh epinephrine a chiu bawk a. Mahse, a experiments a hlawhtling ta lo hlauh a ni.

Amaherawhchu, Mihringah hlawhchham tawh mah se, Ui pahnih a tinung thei thung a, a hnuah, damdawi hmangin tihhlum an ni leh ta a ni. Hei vang hian, Historical experiments rapthlak tak tak zinga chhiartel loh theih a ni lo hial awm e.
★★

2. Controlling the Mind - Spanish professor Jose Delgado chuan, rilru thunun dan technique thar a duang a. Chumi atan chuan “stimoceiver” a hmuhchhuak a, chu chu ramsa/ran thluakah a dah a, remote control hmangin a thunun ta a ni.

Tichuan, remote control hmangin ran/ramsa-te ke leh taksa peng, a duhna lai apiang chu a duh dan danin a tiche kual vel thei ta a ni.
★★

1. Nuclear Test - Trinity nuclear test tia an sawi chu, United States-in a project peng pakhat angin July 16, 1945 khan a nei a. Test chu Jornada del Muerto desert, U.S.A.-ah neih a ni a. Test puak danah chuan, TNT 20 kilotons vela thawk na nena intluk velin an ngai a, experiment hlauhawm leh rapthlak ber ni hiala ngaih a ni.

An test-na Thlalerah chuan khuar 5 feet (1.5 m) a thuk, 30 feet (9.1 m) a zau a awm bawk a ni. Experiment-a Nuclear test atana an tihpuah chu a eng hle a, 1-2 seconds chhung a bul tlang awmna hmun vel chu, Chhun (daytime) aiin a eng zawk hial a ni.

An test neihna base camp pawh, 1-2 seconds chhung chu oven ang maia sa a ni a. Eng (illumination) rawng chu purple atangin green-ah a inthlak a, a hnuah, white a ni leh ta a ni. shock wave ri chuan, lo thlirtute awmna chu 40 seconds chhungin a thleng phei a. 100 miles (160 km) a hla atanga hriat theih a ni a, a puak khu mushroom cloud pawh 7.5 miles (12.1 km) laia sang thlengin a invawrh hlawm chho tup tup mai a ni.(Opeey-a Khiangte)

★★★