Kolasib| July 30, 2018: Kolasib Block MNF chuan Kolasib District Hospital-a doctor dah phûtna atana July 31, Thawhlehnia Kolasib constituency chhunga total bandh huaihawt an tum chu an ṭhulh.
Kolasib MNF chuan thuchhuah siamin, Kolasib District Hospital-in medical surgeon leh ortopaedics an neih loh avangin harsatna an tawh thu sawiin, "Loh theih lohna vangin inthlahrung tak chunga mipuite thlavang hauh a, Mizoram sorkar hnena doctor pahnih dah tura kan hmalakna tihhlawhtlin a ni hi a lawmawm kan ti," an ti a; mipui mamawhna hriaa an hna a rang thei anga zawm turin doctor-te an ngen.
An thil phût tihhlawhtlin a nih tâk avangin July 31-a total bandh huaihawt an tum chu an ṭhulh thu sawiin Kolasib MNF chuan, "Kolasib District Hospital tihchangtlunna atana sorkar kan nawr mekna dang, Trauma Centre a nihna tur anga function leh khum 100 awm theihna atana MNF sorkarin ruahmanna a lo siam tawh hlamchhiahzia mipuite'n kan hriatsa a nih angin a ṭul dan angin hma kan la leh dawn a ni," an ti.
- vanglaini.org
No comments:
Thanks for your comment.