Aizawl | July 26, 2018: Vawiin khan Govt. J.Thankima College chuan Hawla Auditorium-ah Freshers’ Social Meet, 2018 an hmang a. Higher & Technical Education Minister Pu R.Romawia chu an hmanpuiin Bachelor of Business Administration (BBA) a hawng a, Annual Magazine Hlimthla a tlangzarh bawk.
Govt. J.Thankima College hi Mizoram sawrkar hnuaia College 24 zinga BBA Course hawng thei hmasa ber a ni a. Mi harsa zawkte pawhin an chhawr theihna tur thlirin BPL Family leh thingtlang hmun hla zawk atanga zir duh tan Tribal Scholarship pangngai bakah College hian Special Scholarship a ruahman sak bawk a ni. Tun dinhmunah BBA Course zirlai hi 14, zirtirtu 4 awmin, Dr. J.V Nunchunga chuan Head of Department charge a la mek a ni. Govt. J.Thankima College a BBA Course hi Mizoram University hnuaiah Affiliation tih a ni.
No comments:
Thanks for your comment.