Ziektu : Ramneisang Faiheng
www.tleirawl.in
Vawisun Puitling sande skul a kan inchukna Bible chang, changkhat chauin ka lungril a thema , inchuktirtu in an chuktir dan le chu an ang naw hle a keia a thawk dan hung thairâng vak ei tih.
Johan 12:24 "Titakzetin,titakzetin ka hril cheu hi, bul mal hnuoiah a tlah a,a thi naw chun, a mal chauin a um zing hlak;a thi ruok chun tamtakin a ra hlak". Hi lai thu hi ei en chun thumal tlawmte khawm nisien sei tak kawk le inchuktir aneia,ani hrim anih. Hi thuhin tuor le chân ding hin nasa takin ami'n chuktir a,a pawimaw hle bawk anih. Isu krista khawm hin chiengtakin a hung suk dik anih. Ama chun khawvel tawngsephur ta hnung ,Pathiena inthawk a satthlaka um ta hnung,khawvel boral ruola bohmanga el ding hai Pathien hmangaina lungril tawpni neilo chun hmangai na leiin,khawvel a hmangai talo lei a dit talo, ei nihai bo khawma dam thei le Van Angel ha'n an chawimawia,a rawng a'n bawl pek pa chun khawvel a ta ding a tangkaina neilo a tlawmtakin Bethlehem bawngin a hung insieng in tawngsephur thing krawsa thlawmtakin hung thiin chu zara chun eini hai in damna ei lo chang pha ta anih. Tuhin chu ama leiin Hremhmun Meidil mawngdâp dinghai khan Rangkachak a kuta bawl lo hluo ding ei ni pha ta a nih.
Ei zuk hril nuom takel chu Isu krista khan khawvel mihriem hai thanglo khawma ei dam thei,an ni mi chawimawi le inpak khawm ka ngai nawh an ni bo khawmin ka ropui a,ka ditlo a keia inthawka ka pei ta hnunga zun sienga an ni hel hmang le thuawi lo sanhim dinga zuk sihnuoi/suk hnuoia zu muolpho ka nuom nawh, lo ti ta sien chu ei buoi si hle ding anih. Amiruokchu ama a hung inpha hnuoiphawt, chutaka inthawk chun eilo hamtha pha ta ani kha. Isu hung in ngaithlawmna kha ei lo hlawkpui a ei ta dinga malsawmna alo nita ani kha.Chun aw....eini khawm hi bu malkhat le haiin tekhi inla,Bu hi maktak chu anih malkhat chau khawm in a sangtel a ra suokthei anih. Buchi hi a'n the ding chun Tuia hun iem ani chen an inchi a ,chun the in lo a hai chun thla in a se vawng hlaka chutaka inthawk chun ra tamtak hung insuo in malkhat a inthawk chu bu kau 30-60 chen hi bu malkhata inthawk chun an kau theia chutaka inthawk chun loneitu ta ding in malsawmna ropui tak an chang hlak anih. Bu malkhat chu a se a athi zet naw chun mâwngin ra an suo thei naw a amal khat chau chun a um zing hlak anih. A thi ruok chun hung troin a hung mawnga hung inder in kau tamtak neiin ra tamtak a hunginsuo ta hlak anih. Chutaka inthawka ami'n chûktir nuom tak chu Eini kristien le ringtu in ti hai khawm hi ei mihriemna a thi a,a thlawma,an pha hnuoi zet naw chun ei ni a hin Pathien a cheng theinaw a nih. Mi chapo le in ngaisang le ropui inti bek bek hai a hin Pathien thlarauin an ni a hmun a chang ngai naw hrim hrim anih. An mihriem hrietna le varna chun Pathien thutha tak tak hai le mawitak le thiem tak tak in hril hlak hai sienkhawm mi hin an hlimpui thei tak tak nawh. Mi in thlaraua hlimna an hmu na ding chun Mihriem varna in a pek mawi, tha le thiem hai hin a'n hlimtir thei nawh. Thlaraua ei hlimpui thei le ei thlarauin a fak ding chu mihriem varna in a ngaituo suok niloin thlarau a inthawka a suok anih. Thlarau in a tir a thuhril hai chu an thuhril tawi in sei sien,mawinaw sien,thiemnaw sienkhawm a hlimpui em em hlak a nih .
Chutaka inthawkchun thlarau a malsawmna an dawnga,malsawmna dawngtu ta dingin a nuna ra thatak insuoin a nuna ta dinga hlawk na a pek hlak anih. Chuleiin unauhai ngaituo tlang ei tiu khai... eiin pha hnuoi phat chu mihai ta dinga malsawmna tak tak ei tling hlak anih. Lungril a Pathien hmaa eiin pha hnuoi phawt naw chun einia thlarau in hmun chang loin an chawng theingai naw anih. Mihriem hin puotienga lawmna hin sawt ami suklawm le.... ka pantlangpa in ka thil inhnar le mamaw lekhabu ami peka a lawm chu ka lawm, Amiruokchu keiin amamaw thil pakhat a khawhnunga ka pek ve nawka chutaka inthawk chun ama chunga khan ka lawm tale...,ami pek laia ka lawm ang khan asanchu kan inthung char ka ti tlat lei anih.Chuongnaw ang tak chun Thlarau a thangpui ka ngai lai a ka thlarau ta dinga inthang lienna mi petu kum nga liem ta hnunga Pathienthu tha tak tak mi hriltu kan Pastor kha a chunga ka la lawm zing anih. A chunga ka lawma ka thangpui thei dan dan thaw ding um hai ka thaw peka chu a chunga ka lawmna kha a la bo naw zinga ka ngai sangin kan za hle zing ani, kum nga liemta sienkhawm. Chuleiin unauhai Thlaraua malsawmna hin chu lawmna kim ami pek anih. Thlaraua mihai ta dinga malsawmna ini ding chun i tawngtai taimak a ngaia,Bible i tiemrawn kha angai hle el, a Pathien i hnai a khawvel thil hai a inthawka insukthieng khawvel i pek lawmna dawng nekin in suk rinum kha a tul anih. I tuorna khan mi hai tadinga malsawmna thatak ini theina anih. Mani in ngaisanga,mani in si ropui hin mihai lungrila i hlutna i sukbo ani ti hre zingin,Thlawmna hnungzuitu lawmna le mi ta dinga lawmna intluntu hi nei zing tum ei tiu khai.
No comments:
Thanks for your comment.