HNAM CHHAN NGAM SORKAR KAN MAMAWH

- AW.P.A. Ralte.

Khami ni 10th. March 2018 ni kha ka theihnghilh theilo, Zophai, Bairabi hmun ah Hnam ang in Vai laka kan tlawm ni mawlh mai kha, ngaihtuah let hian lung adam thei lo a, rilru a na a ni. Mizoram Sorkar hian Mizo ṭhalai rual, chhan ngai ngawih ngawih te kha a chhan ngamlo a nih chuan ngatinge SARI an kaih mai loh, kan Mizo ṭhalai te rilru hi a na ngawih ngawih a sin.

Sa leh Ral hma a zam ngailo Mizo ṭhalai rual te kha, hmanraw inang nei a inhmachhawn ni tase, an zam ngailo ang a, khap khat lek pawn an hnung tawlh heklo ang, amaherawh chu Laifung kap a thisen hial chhuah an nih takah chuan thlabar in an bungrua pawh chuh hmanlo a an tlanchhiat angai ta a nih kha, khatih laikhan ngatinge Mizoram Sorkar kha abihruk tlat a, Kâ pawh a ân ngamloh, Mizo te chu ṭhian chhan thih ngam hnam inti kan ni ṭhin a ni lawmi?, kan Sorkar chaktak hian ṬHIAN CHHAN THIH NGAM tih awmzia hi ahre pha tawh lo nge, Vai hlau Sorkar an nih vang zawk???

'MZP te hi in duh dan danin lo ti ula, Mizoram Sorkar chu a in rawlh lo ang', ti tluk hialin Hailakandi District Magistrate 1 chuan Inkahna a thlen ni hma khan a sawi thei tlat te khan, hnam hmangaih tu Sorkar an ni em? tih min ngaihtuah tir a ni. MZP te an vuak ṭhuai thuai lai te, Silai a an kah lai te, Mizoram lama Media mite kut an thlak lai te kha Mizoram Police leh IR lam te pawh khan an hai hauh in ka ringlo, an hnampui te thlabar kha chhan an chak ve ngeiin a rinawm, Mahse che chhuak tura tih an ni miau silo a, Mizoram chhunga Vai School mai mai ven him tir an ni zawk te khan ngaihtuahna a van ti thui tak em!!!

Mahni Hnam ṭhalai te Vai laka chhan ngamlo leh chhan duhlo tu, Sorkar hi engtin nge kan ngaih le? Nunna hial chân thei dinhmuna andin lai te khan Chhantu an ngai ngawih ngawih a sin... Heti khawpa Sorkar a dawih zep a nih laia Takam (Chakma) thlavang hauh nana mahni hnampui zawk thisen hial chhuah ngam leh si hi hriatthiam avan har em!!! Ram leh Hnam hmangaih tu Sorkar an ni thei angem???

'MENE, MENE, TEKEL UPHARSIN' (Pathianin i ram chu a chhut zo ta a, atawp a thlen ta) kan ti dawn nge? Nuhrawn Sorkar hi kan la hrawn dawn? Lo inngaihtuah la, tunhi itan hun ṭha a ni. MIZO HNAM CHHAN NGAM SORKAR KAN MAMAWH TAWH A NI. I ram leh Hnam in a au a che.