SPECIAL POST
★Opeey-a khiangte
__________________________________________
Living Dead & Walking Dead an tih mai, film ah pawh kan hmuh fo hi a tak ramah pawh awm theilo tura kan ngaih hi a lo awm theih hmel khawp mai.
Film velah te Zombies chungchang leh T-virus hrik kai, mithi nichiah si lo minung sa ei thin te hi kan hmu fo thin a, heng hi film mai mai mah nise atakin hetiang thil hi a thleng tlat mai le. Miami a thirsakawr a chuang pakhat Larry Vega chuan kawngsira a thil hmuh chu rapthlak a ti kher mai le. Mipakhat hian mipakhat dang nikaw hre tawh mang lo chu a biangvel a hrawk vel chu a lo keih mawlh mawlh mai a. Chutih lai taka police motor rawn tlan chu lo ti dingin a thil hmuh chu a lo report nghal a. Chu police officer chuan chupa mihring sa lo ei mawlh mawlhtu chu pistol a tin chungin tawp nghal turin thu a pe nghal a, mahse chupa chuan enga tan mah angai lo, a lo ngur chher chher a, a la keih lui mawlh mawlh mai. Chutah a Warning hnu chuan chu Police officer chuan chupa chu a kap hliam ta a, mahse chuti chung pawh chuan ala tawpsan duh chuang lo. Chu police pa chuan a vawihnihna atan an kap nawn leh a, a kap hlum ta.
Hepa mihring sa lo ei hi kum 31 mi Rudy Eugene niin hetih lai hian saruak vekin a awm bakah engemaw ruihhlo chaktak a rui ngei niin doctor te chuan an hria a ni. He thil thleng hi doctor te leh police lam chuan a rui buai vanga ti mai nge anih a, a rilru buai ve hrim hrim nge ni a dawithil lampang zawk tih hriatchian a ni lova.
A mi seh pa hi chu damdawiinah dah in a damchhuak ve leh a ni. Hetiang hi film ah pawh a zombies an tih ho an lantir fo thin dan a ni. mahse...
Haiti ho Voodoo puithiam ho khuan hnim leh rannung tur vel atanga siam damdawi hmang in mihring hi an lungphu hniam tawk a dah in, thi ang chiah in an siam thei tlat mai le. Chutianga an siam te chu mitthi phum a an phum hnu kha arukin an laichhuak leh a, damdawi dang an pe leh a, tichuan thi si lo engmah hre tak tak si lo in an siam a duhtawk in an chhawr tawh mai thin a ni.
Clairvius Narcisse chu 2nd May, 1962 khan Albert Schweitzer Hospital ah thi a puan a ni a, atukah an phum nghal a. A hnu daih 1980 kum khan a farnu in bazar ah a hmunawlh mai le. Clairivius-a chu Zombie ah siam a lo ni a. Tlaikhat amah man tupain a damdawi nilo a pe palh a, a harh chhuak a, a tlanbo ta a lo ni a.Clairvius-a chungchang hi medical scientist te pawh in theihtawpin an chhuichianga, engemaw damdawi chak tak chuan hun rei tak chhung enkawl a ni tih an hmuchhuak nghe nghe a ni. Amah hi Zombies record chiangkuang bera khawvelin angaih a ni.
Hetiang a Zombies anga siam nana an dawithiam ‘Witch doctor’ hovin an damdawi siam nan a an hman hi Utawk chikhat 'Cane toad' an tih Bufo marinus tur leh hnim chikhat Datura stramonium ‘zombies cucumber’an tih bawk (Mizovin tawtawrawt par kan tih ang chi hi a nih hmel) atanga lak ani tih mithiam te chuan an hmuchhuak tawh a ni.
African ho sala an man vak vak lai khan, an hnam sakhua leh an pu te ho sakhua, Catholic sakhua te chawhpawlh kual in Voodooism hi a lo chhuak ta a ni. An hmanlai dawite Catholic ho mithianghlim te leh sakhaw serh leh sang chu an chawhpawlh kuala, tichuan an mahni Pathian, ‘Nature god’ an tih te nen an chawhpawlh kual ta a. Tin, an lei Pathian Isua ang ve deuh a an neih chu Baron Sameidi an ti a, a hranpa in Setana, ramhuai tih vel direct takin an be ngai lem lo. An puithiam Bawkor an tih hi medicine man ang a ni nghal bawk a ni. Hetiang hi Voodoo sakhaw lo chhuah tanna ni in an sawi.
Tunlai mithiamte hian Zombies an tih ang chi an Witch doctor ten an pek ang hi a bawlhlo a an telh tlangpui chu hre tawh mahse, mihring thi chiah si lo mahse tunlai doctor thiam te hmuhdan pawh a mitthi pangngai ang chiah a lang ‘Clinically dead’ a an puan theih tur anga lang thei tura mihringa an pek dan hi an la hre chhuak thei tlat lo hi thil mak ve tak chu a ni awm e. Haiti velah khu chuan tunthleng hian an chhungte ruang Witch doctor in an ru anga, Zombies ah an siam ang tih an hlauh avangin an thih hlim te hian an thlan chu uluk taka an ven thin bakah an thlan chungah chuan lungphek rit tak lak sawn mai mai theih loh tura rit te an dah thin a ni.
Zombies chuangchang hi tunlai khawvel thiamna chuan tamtak hrefiah tawh mahse la hriatfiah loh chin pawh an la nei nual mai a. Engpawh nise tun thlengin Zombies chungchang hi khawvel thilmak sawi apianga sawi tel tur a la ni ta reng a ni.
Chung zinga hringei tualthattu rapthlak langsar zual te chu:
__________________________________________
A tam angreng viau naa chhiarchhuah leh talh tum ila..
★1. Mom Tries to Eat Newborn Baby -
kum
24-a upa Li Zhenghua chuan, a fapa hrin hlim hlawl banah a lo seh ngur ngur lai Nurse-in a va hmu thut mai a. Rang takin Hospital staff-te a ko va, a ka an kar kausak a, a fapa chu an chhanhim thei ta hram a ni. Zhenghua-i chu raipuar ni mah se, engthil emaw vangin, a nu-in in atangin a hnawtchhuak a, khawlaiah chawlhkar engemaw ti chhung a lo awm tawh niin an rinhlelh phah ta a ni.
★2. Matthew Williams's Last Meal Is a Woman's Face -
Tualthata rinhlelh, kum 34-a upa Matthew Williams chu, Hotel-ah November 2014 khan, kum 22-a upa hmeichhe pakhat hmai a lo ei lai chu man a ni a. Amah Matthew-a hi, a chenna Hotel bula cheng a bialnu kut a thlak chiam avangin man a lo ni tawh a. Kum nga tang tura tih a ni. Tun tuma hmeichhe hmai a ei lai an man hma, kar tlem te liam ta khan an chhuah leh ta chauh kha a ni. Khatia Police-in high voltage taser hmanga an beih khan, nikhaw hre lovin a awm a, a thi zui nghal ta a ni.
★3. Albert Fish: One of the Worst People of All Time -
Albert Fish hi, a pian tirha a hming chu Hamilton Howard Fish a ni a, May 19, 1870 khan a piang a. A hnuah, "The Gray Man," "The Werewolf," "The Brooklyn Vampire," leh, "The Boogey Man," titein an sawi thin a.
FAHRAH enkawlna atanga seilian a ni a. Fahrah enkawlna hmunah chuan, Zun in (drink) leh Ek ei a ching tan daih tawh a ni. Kum 1890-ah, New York City lam a pan a, mipa KS male prostitute-ah a va tang a. Tin, mipa naupang pawngsual a ching ta em em mai bawk a, kum 6 hnuai lam a pawngsual tlangpui thin a ni. Ni khat chu, male lover pakhatin wax museum-ah a hruai ve a, chutah chuan, Mipa Serh a lai tak zai phel a hmu a.
Chuta chin chu a mi thah apiang serh a zai phelsak zel thin a ni. U.S. State hrang hrang naupang a pawngsual a, an sa a ei thin chu a intithei viau lehnghal a. Mi thah leh nghaisak nan butcher knife, bone saw leh meat cleaver te a hmang thin.
Grace Budd-i chu a tunu birthday party-naa hruai tur angin, a nu leh pate remtihpuinain a hruaichhuak a. Mahse, a tihder reng mai hi a lo ni a, haw tih reng an nei ta lo a, Grace-i chu a that ta a.
Chumi avang chuan, Police lamin an zawng zel a, a tawp an man ta nge nge a. Albert-a sual thiamzia mai chu, Grace-i chhungte kha lehkha a thawn a. Lehkhathawnah chuan, "an fanu a vuak vak thu te, a thah dan te leh a sa a ei dan te a ziak a, khawilai nge tui ber tih thlengin a ziak a.
Mahse, a pawngsual hran lo thung. A nunrawn leh tual a thah vang pawh a ni ang, Electric chair hmangin tihhlum a ni ta a ni.
★4. Man Attacked, Beheaded, Eaten on Public Bus -
Greyhound bus-ah, China atanga pem, Canadian citizen thar Li chuan a bula muhil bawrh bawrh mek Tim McLean chu, a chemte paiin a vit ta zawt zawt a. Li chu, Bus chhungah chuan kal kual velin, passenger dangho hmuhah a mi thah Lu chu a khai a. passenger-ho chu te teng tungin Bus atang chuan an tlanchhuak sup sup a.
Li pawh chu Bus atangin a chhuak a, a letleh a, a mi thah McLean-a taksa chu a tanbung a, a ei tan ta mai a. A mit, beng, hnar leh Lei te a ei a ta vek mai a ni. An man hnua amah Li-a sawi danin, kha thil kha, Pathianin ti tura a tih vanga ti a ni. "aw chuan, Bible story pathumna ka nih thu leh Isua lo kalleh huna mihringte a chhandam tur ang kha ka nih thu min hrilh a, kha pa kha that turin min ti a, Alien a ni tih thu min hrilh a, khawvel mihringte hi Alien laka chhanhim turin min ti a ni" a ti.
Tunah hian Li-a hi maximum security mental facility-ah dah a ni.
★5. Man Kills Classmate During Study Session, Eats Her, Goes Free -
kum 1981 khan, Japanese Issei Sagawa-a chuan a classmate Renee Hartevelt-i chu, Paris-a a inluah apartment-ah poetry zirdunpui turin a sawm a. Mahse, a inluahah chuan, Renee Hartevelt-i nghawngah silaiin a kap thut a, a ruang pawh chu a pawl a, chumi hnu ni hnihah, a ruang chu nghaisa velin a ei a.
A hnua amah Sagawa-a sawi danin, khatia Renee Hartevelt-i ruang a ei khan, a hmelthatna leh mawina kha nei thei turah a inngai a ni. An man tirhah France tan inah khung a ni a, a hnuah, legal process-in Japan rama Tan inah dah phei a ni leh a.
Mak takin, tunah hian Sagawa-a hi an chhuah zalen tawh a, Tokyo khawpuiah Restaurant reviewer, guest speaker leh Writer hnathawkin a khawsa mek a ni.
★6. Cannibal Kills 19 People with His Mom -
Tunah chuan psychiatric hospital-ah a awm mek. Alexander Spesivtsev chuan mi 80 vel a that tawh a. Mahse, chiang taka hriat chu 19 a ni thung. A mi thah zinga tam zawkte sa a ei vek a ni. Mi rilru buaia ngaiin, Russia rama Mi a/Rilru lama buaiho enkawlnaah dah a ni ta a ni. Alexander-a inchhung zawna Pipe a chiang lo va, a thenawmte'n a siamthatu tur plumber an ko va. Loh theih lohvin Alexander-a in chu, pipe siamtha turin an kar hawng a.
Plumber chuan ruang, taksa hleh, lubung te chu bathtub-ah leh, Chokaa bowl hrang hranga mihring taksa dah a va hmuchhuak a. Nasa taka nghaisak tawh Olga Galtseva-i phei chu, Sofa-ah engtin tin emawa lo la dam tawk tawkin a lo awm a, mahse, rei lo teah a thi veleh nghal tho a, a thih hmain thil awm dan zawng zawng a hrilh hman vek thung a ni.
Thil mak tak awm ta chu, Spesivtsev-a nu chuan a mi thah tur apiang a va bum hmasa thin a, a inah a luhpui hmasa a. Tichuan, Spesivtsev chuan lo pawngsualin, a vua a, a that a, an sa a ei ta thin a ni. A nu chuan a mi thahho sa chu dinner atan a lo chhum/kang thin. Spesivtsev chu thi tura a chungthu rel a ni ta a ni.
★7. Rapper Big Lurch Does PCP, Eats Friend -
April 9th 2002 khan, rapper Big Lurch, Antron Singleton tia an sawi leh, a thianpa Thomas Moore chuan zanah PCP an zu hlerh hlerh a. Big Lurch khan, tun hmaa car accident a tawh vanga na chhuak ziah thin tihziaawm nan PCP a hmang thin a ni.
Khatia a thianpa nen PCP an zuk hnu khan, a roommate, Tynisha Ysais-i chu a that ta a, a taksa thenkhat a ei bawk a. An endikna atanga a lan danin, Tynisha-i kha a awm atanga verhin a chuap a ei bawk a ni. Interview atanga lang ta chu, Big Lurch chuan, khawvel tawp hmain Ramhuai a thah ngei ngei a ngai a, a roommate chu ramhuaiah a ngai ta ni tur a ni.
Singleton chu man a nih lai chuan, ruakin a lo awm a, thisen a kai hnuang a, khawlaiah dingin Van lam hawiin a lo au vak vak mai a ni. Tichuan, damchhunga Jail tang turin a chungthu rel a ni ta a ni.
★8. Miami Naked Zombie Cannibal Attack -
May 26th, 2012 khan, kum 31 mi Rudy Eugene chuan, ama kawr hak lai pawtthlerin, Miami, F. L-a in nei lo va vak kual vel mai mai thin, kum 65-a upa Ronald Poppo chu a va seh hmiah mai le!
A hmai a zaithler a, a ha te a tihthlawnsak bawk. Rin dan chuan, Eugene khan damdawi chi khat "Bath Salts," a rui a nih hmel. doctor-te sawi danin, Bath salt chu synthetic cocaine a ni a, Meth, Cocaine, leh PCP chawhpawlh ang a ni. He drug hian taksa temperature a tisang vak a, kawr hak lai ngaithei lo va pawtthlerin an sual ta em em zel thin a, an chak hle bawk a ni.
surveillance footage camera atanga a lan danin, Eugene chu, pawisawi lo va muhil mek Ronald-a chungah a zuangkai a. A hmai a eisak nghal ta hlawih hlawih mai a ni.
★9. Man Kills Prostitutes, Old Rich Guys For Food - Pa upa lam hausa tak te leh Nawhchizuar la naupang deuh te a that thin a. South Korean mi Yoo Young-chul chuan ramsa leh ran nghaisain a that fo tawh thin a. Kum 2003 leh 2004 chhung khan, mi 21 ngawt a that a.
An zinga 3 chu a phum ve ngei a, a bak zawng chu an sa a ei a, an thin (liver) chu a helin a ei vek bawk a ni. Tin, Tuboh hmangin a that tlangpui a, chu chu a mi thah thin dan pawh a ni.
Nawhchizuar-te chu ngaihzawn duhin a chhai a, an duh loh vang nge ni dawn a, an pawisa a duh vang zawk, a that leh tawp zel thin a ni. July 2004-a an man hma kha chuan, mi a that zel mai thin a ni.
★10. Husband, Father Keeps Fridge of Horrors in His Home -
Slovakia rama Matej Curko-a chu pa tha tak a ni lo phawt mai le. Nupui leh fate pawh a nei a. Mihring sa a ei a, internet chu a mi thah tur thlem leh bum nan a hmang thin a ni. Tun hnua "Fridge of Horrors" tia an sawi thin kha, a inah a rukin a kawl a, chutah chuan, a hmaa hmeichhe pahnih bo tate ruang kha a lo dah a ni. Sawrkar agent pakhat chuan, tualthahna thilah Curko chu va hmuin, thil a zawt vel a. Mahse, Curko chuan a silai pai phawrh thutin officer chu a kap a, vawi 5 lai a kap nawn naa, a kaphlum lo hlauh a.
Mahse, chumi ni vek chuan Hospital-ah a thi ta tho a ni. A hnuah, Italian hmeichhia 30 lai bo tate nena inzawmna nei niin an ring leh bawk.
A nupui lah chuan a tan hle mai a, an rinhlelhna zawng zawng chu a lo phatsak vek a ni.
★11. Metal-Toothed Man Kills Women, Serves Their Meat At Parties -
Hmeichhia 7 lai thatin, kazakhstan rama Nikolai Dzhumagaliev chuan, a mi thahho sa chu tuihnai taka siamin an Party-naah a thiante a eitir ve hmiah mai le! Amah Dzhumagaliev hi Khawvela nawhchizuar zawng zawng tihbo vek duhtu a ni.
Tin, mihring sa seh vel nan a tih vang nge ni, a ha pangngaite chu phawiin Thir ha (Ha thir) a vuah ta daih a ni. A thiante zinga zurui thenkhat chuan, a fridge-a Mihring Ril leh Lubung awm an hmu a, chumi avang chuan Dzhumagaliev chu man a ni ta a. Kum 10 hnuah, chhuah a ni leh ta a ni.
★12. Deformed Man Kills Young Girls, Drinks Blood, Sent Bone Powder to Families -
Tsutomu Miyazaki, "The Otaku Murderer" tia an sawi thin (Otaku tih awmzia chu "love of anime and general Japanese culture," tihna a ni a. Mahse, hetah hi chuan, Hmeichhe tleirawl ngaihventu tihna a ni) chuan hmeichhe naupang 4 lai a that a.
Litttle Girl Muderer tih leh Dracula tih hial a ni. An ruang a pawl a, an sa a eisak zel bawk a. Tsutomu-a chu thla kim lo va piang a nih angin a kut a piangsual a ni. Albert Fish-a angin, a mi thah chhungte hnenah, an fanute a nghaisak dan leh a sawngbawl vel dan ziak lehkha a thawn zel a, an ruang a hal vap te pawh a thawntel thin bawk.
A tawpah, tleirawl pakhat pawngsual a tum laiin, chu tleirawl pa chuan a va man a. Mahse, Tsutomu chu a tlanbo thei hlauh a, a hnuah, a car parking fuh lo buaipui tura a lo letleh chu Police-in an man a. June 2008-ah an khaihlum ta a ni.
★13. Three Homeless Men Kill and Eat a Pedestrian -
Russian khawpui Moscow-ah, In nei lem lo a awm kual vel thin mi pathum chuan mi an that a, a sa chu an ei hmiah mai a ni. MOSCOW chhak lam side-a Bus stop bulah mihring taksa peng chhar a nih hnuin, investigation neih a ni a. Chuta an hriatchhuah chu, Khang mi pathumte khan, kum 25-a upa chu Tuboh in an chhutlu a, an vit hlum nghal a. A sa an chansawm a, an ei ta a ni.
★14. Murderer Released, Eats Friend, Tries Eating Many Others -
British mi Peter Bryan chu, Tuboh a hmeichhe pakhat a thah avanga man a nih hnuin, low-support accommodation facility-ah dah a ni ta a ni. A thianpa Brian Cherry-i inah Tuboh kengin a va kal a. Cherry-i chu Tubohvin vawi 24 lai a chhu a, a ruang chu a chansawm a, chhuatah a tidarh nuaih mai a. Police an va kal thleng chuan, thisen kai hnuangin a lo awm reng mai a ni.
An va hmuh lai pawh chuan, Brian Cherry-i thluak chu frying pan-in a lo chhuang so bawrh bawrh a ni. Peter Bryan chu an man a, mental health facility-ah dah a ni. Engvanga khatia mi that nge a nih tih an zawh chu, an thlarau ka duh a ni tiin a chhang.
★15. Cannibal Strangler Ate So Many His Pipes Were Clogged -
Joachim Kroll chuan Germany-a mi tam tak sa a ei tawh a. Rilru lam chiang zan lo hi a ni a, naupangho phei chuan, "Uncle Joachim" tiin an sawi mai thin. A chhan chu, a awmna apartment-ah candy leh toys a awm tam em vang a ni. Ni khat chu, inchung lama toilet awm chu a block avangin, a thenawmte hnenah hmang lo turin a hrilh a.
Mahse, toilet chu apartment hrang hrangte inhmantawm a ni si a, siamthat tumin pa pakhat chu toilet awmnaah a lut a. A hma lawka hmeichhe naupang bo ta taksa tawih bang an hmuchhuak ta mai a! Uncle Joachim chu man a ni a, a refrigerator-ah pawh naupang taksa them hmuh a ni leh bawk. A mi thahte chu a pawl a, a lo postmortem a, a ei bawk thin a ni. Hmeichhe naupang 14 lai a that tawh a ni.
★16. Boy Skinned and Eaten by Cannibal Cult Family -
Hetah hi chuan misual chu an chhungkaw mi leh sa ngei an ni tlat ta mai le! Kum 8 mi Ondrej leh kum 10 mi Jakub-te chu pawngsual an ni a, Bawm (cages)-ah an khung ve ve a, a changin, handcuff leh dawhkan insiin, handcuff chu buntirin an din nilentir thak zel thin. Anmahni leh anmahni an insehtir chiam zel bawk. Tu tih hriat lohvin, tihpalh thil thuin, naupang lainatawm pahnihte inei lai a va hmu a, police-ah a report ta a ni. Chhungkaw nu ber chuan Chokaah monitor a dah a, an fate na tuar lai kha chaw ei paha hmuh a duh vang a ni ngei ang.
Police an va thleng phei ve a, naupang pahnih:kum 10 mi leh kum 13 mi chu chhuah an ni ta a ni. A naupang ber chu a nungchungin a vun an lo lipsak a, amah an eiluihtir bawk a ni.
1★7. Jeffrey Dahmer -
Jeffrey Dahmer chu American serial killer lar tak mai a ni a, Milwaukee Cannibal ti pawhin hriat a ni a. Kum 1978 leh 1991 inkar khan mi 17 lai a ei tawh a ni. Chocolate factory-a thawk a ni a, mi nun zawi awi ve tak pawh a ni. Mahse, chhungril erawh a hmel leh khawsa zia han en a, a lan dan ang a ni hauh lo. Chuvangin, an chhui zel a, February 15, 1992 khan, Jeffrey Dahmer chu, tualthah, pawngsual, mi nghaisak, ruang taksa chansawm thina ei vang leh case dang dang vangtein, kum 15 jail tang turin hrem a ni a.
A hnuah, Ohio-a tual a thahna avangin kum 16 tang turin thu an titlu leh a. November 28, 1994-ah, Dahmer chu Jail chhungah jail tang ve tho Christopher Scarver-a'n a vaw hlum ta a ni.(Opeey-a khiangte)
★★★★★★
No comments:
Thanks for your comment.