Mizo zaithiam, aw mawi leh ngaihnobei em em mai, 'Lancy' tia koh thin hi Mizo tawng hmang zingah chuan amah hre lo an awm awm love. A hming tluan chu Lancy Remlalhruaii a ni a.
Lancy hi Pu C. Lalrintluanga fa hming koh a ni a. Unau pali zinga a upa ber a ni.
India Hnampa, Mahatma Gandhi pian cham 2 October a piang ve Lancy hi a naupanlai atang reng a naupang fel a ni a.
Zai lamah kalin Serchhip khawpui a buatsaih, Teens Idol ah telin pahnihna a ni a. Chutah chuan a kawng zawh duhtawk mai lovin Zonet buatsaih Mizo Idol 2013 ah telin pathumna a ni leh a. Pakhatna ni pha lo mahse, Zoram mipui leh Zofate ngainat a hlawh a, Zofa tam tak tan chuan an Idol a ni ta tho a ni.
Chuta tang chuan hmelhriat mai ni lovin, ngaihsan leh ngaihnat a hlawh ta zel a. A aw mawi tak leh a hmel ngainat awm tak vang hian mipuiin an ngainat phah a. Music video pawh pasarih vel a siam tawh nghe nghe a ni.
Mi lar, nula fel leh hmelṭha, biak nuam si hi a hmalam hunah hlawhtlinna chang zela hriselna nena a nun hmang zel turin duhsakna kan hlan e.
Lancy Instagram @ Lancy
tleirawl.in Instagram @ tleirawl.in
www.tleirawl.in
No comments:
Thanks for your comment.