Serchhip | July 25, 2018: Vawiin hian Serchhip DC Conference Hall ah Mizoram Khawpui Fai Inelna 2018, Urban Development & Poverty Alleviation Department in an buatsaih mek Serchhip a bawhzuina beihpui thlak programme chu, Pi Sangchhin Chinzah, District Bawrhsap in a hawng a. India rama District Literacy Rate sang ber luahtu Serchhip District hian District fai ber nihna pawh kan luah thei ngei ang, tiin Serchhip mipuite a fuih.
A hawnna inkhawm Pi Vanthangpuii, District Urban Development Officer kaihhruaiah hian Pi Sangchhin Chinzah chuan, nikumah UD&PA buatsaih khawpui fai inelnaah District Capital 8 zingah 6 na kan ni a, a tlawm thlak hle a. Nimahsela kha ta tang khan Serchhip mipuiten harhtharna changin kan han intuaifai chho ta a, Swachh Survekshan hmalakna hnuaiah Inrinni tin chu tualphiah niah puan a ni a, DUDO leh Sub Headquarters YMA tangkawp ten vang fai inelna an han buatsaih bawk a. District Sanitation Task Force hmalakna in Awareness leh Media Campaign nasa taka neih zui a ni bawk. Chumi rah seng chuan kum 2018 Swachh Survekshan, Northeast Zone a khawpui 220 zingah Serchhip chu 23 na niin Mizorama District Capital lang awm chhun kan ni ta hial a. Serchhip mipuite thawhrimna leh inthlakthleng duhna rilru hi a chhuanawmin ka lawm hle a ni. Kuminah UD&PA chuan Mizoram khawpui fai inelna a han kalpui tan leh ta a, Serchhip hi pakhatna a nih ngei theih nan nasa zawka kan beih chhunzawm zel a ngai a ni, India rama District Literacy Rate sang ber luahtu Serchhip District hian District fai ber nihna pawh kan luah thei ngei ang, tiin Serchhip mipuite chu theihtawp chhuah theuh turin a fuih a ni. Nikum lama kan Mark paihtu Serchhip Paltlang NH 54 in side drain a nei lo hi, kuminah chuan Serchhip a Officer awm hote thawhlawm tlingkhawm Rs. 80,000 vel leh Sanitation Task Force atanga hmalakna tur sum kan hmuh te atangin side drain laih chhuah vek kan tum a, a thawh khat nan tun Inrinni lo awm turah hian hnatlang pui koh a ni, NH 54 paltlang Branch YMA te, District Officer zawng zawng te, Serchhip a JCB nei zawng zawng te, lei vung paihna tur chi Truck nei zawng zawngte nen kan hnatlang dawn a ni, tiin nikum lama Serchhip in Mark a hmuh that lohna lai tihbo a tum thu a tarlang bawk. Tin, hei bakah hian khawpui chhung kawr (streams) tihfai a nih tur thu te, Awareness Hoarding siam mek a nih thute, Veng hrang hrangah vantlang bawlhhlawh bawm dah a nih tawh thute leh hmalakna dangte a tarlang bawk.
He hunah hian Pi Grace Lalrinfeli, District Manager chuan khawpui fai inelnaa tehna hrang hrang ruahman te sawifiahna a nei a, a endiktu turte hi September 1 – 20 inkarah langsar lem lova rawn kal tur an nih thu leh khaw chhung mipuite pawh tul an tih anga an interview tur thute a tarlang a ni.
Vawiina Khawpui fai inelna Serchhip District tana hawna inkhawm ah hian District Sanitation Task Force member te leh sawm sawm bik zirlai naupangte an tel a ni.
A hawnna inkhawm Pi Vanthangpuii, District Urban Development Officer kaihhruaiah hian Pi Sangchhin Chinzah chuan, nikumah UD&PA buatsaih khawpui fai inelnaah District Capital 8 zingah 6 na kan ni a, a tlawm thlak hle a. Nimahsela kha ta tang khan Serchhip mipuiten harhtharna changin kan han intuaifai chho ta a, Swachh Survekshan hmalakna hnuaiah Inrinni tin chu tualphiah niah puan a ni a, DUDO leh Sub Headquarters YMA tangkawp ten vang fai inelna an han buatsaih bawk a. District Sanitation Task Force hmalakna in Awareness leh Media Campaign nasa taka neih zui a ni bawk. Chumi rah seng chuan kum 2018 Swachh Survekshan, Northeast Zone a khawpui 220 zingah Serchhip chu 23 na niin Mizorama District Capital lang awm chhun kan ni ta hial a. Serchhip mipuite thawhrimna leh inthlakthleng duhna rilru hi a chhuanawmin ka lawm hle a ni. Kuminah UD&PA chuan Mizoram khawpui fai inelna a han kalpui tan leh ta a, Serchhip hi pakhatna a nih ngei theih nan nasa zawka kan beih chhunzawm zel a ngai a ni, India rama District Literacy Rate sang ber luahtu Serchhip District hian District fai ber nihna pawh kan luah thei ngei ang, tiin Serchhip mipuite chu theihtawp chhuah theuh turin a fuih a ni. Nikum lama kan Mark paihtu Serchhip Paltlang NH 54 in side drain a nei lo hi, kuminah chuan Serchhip a Officer awm hote thawhlawm tlingkhawm Rs. 80,000 vel leh Sanitation Task Force atanga hmalakna tur sum kan hmuh te atangin side drain laih chhuah vek kan tum a, a thawh khat nan tun Inrinni lo awm turah hian hnatlang pui koh a ni, NH 54 paltlang Branch YMA te, District Officer zawng zawng te, Serchhip a JCB nei zawng zawng te, lei vung paihna tur chi Truck nei zawng zawngte nen kan hnatlang dawn a ni, tiin nikum lama Serchhip in Mark a hmuh that lohna lai tihbo a tum thu a tarlang bawk. Tin, hei bakah hian khawpui chhung kawr (streams) tihfai a nih tur thu te, Awareness Hoarding siam mek a nih thute, Veng hrang hrangah vantlang bawlhhlawh bawm dah a nih tawh thute leh hmalakna dangte a tarlang bawk.
He hunah hian Pi Grace Lalrinfeli, District Manager chuan khawpui fai inelnaa tehna hrang hrang ruahman te sawifiahna a nei a, a endiktu turte hi September 1 – 20 inkarah langsar lem lova rawn kal tur an nih thu leh khaw chhung mipuite pawh tul an tih anga an interview tur thute a tarlang a ni.
Vawiina Khawpui fai inelna Serchhip District tana hawna inkhawm ah hian District Sanitation Task Force member te leh sawm sawm bik zirlai naupangte an tel a ni.
- DIPR
No comments:
Thanks for your comment.