MJA President in Lehkhabu tlangzarh

 

Tleirawl.in |  July ni 13,2018: Vawiin July ni 13,2018 (Zirtawpni) chawhnu dar 1:00 khan Pu K.Zothanmawia lehkhabu ziak 'Designation Meaning' (Nihna awmzia) tih chu Aizawl Press Club-ah MJA President Pu Zonunsanga Khiangte in a tlangzarh.

 

Lehkhabu tlangzarh inkhawm Rev. C.Rosiama kaihhruaiah hian thu sawiin MJA President chuan, "Tunlai hunah lehkhabu chhiar kan peih ta lo lutuk leh mobile phone in kan hun a la tam lutuk hi a pawi a. lehkhabu chhiar uar tura kan inzirtir thar leh a pawimawh a. Hetiang zela kan kal chuan Mizote hi thil hre nial nual, a tak taka hre si lovah kan chhuak mai ang tih a hlauhawm a ni," a ti.
He lehkhabu Designation Meaning ah hian Nihna hrang hrang awmzia leh a kawh hrang hrangte tarlan a ni.