MZP KOLASIB IN VEHBUR KHAWN

Kolasib | 28 July 2018: Nimin ni 27 Nikir thla 2018 chawhma dar 11 hian Govt Kolasib College kawtah Mizo Zirlai Pawl -ten Zofate Chawlhbuk sak an tumna a,thilbo leh chhia rulh letna tur Vehbûr khawnna hun hman a ni. He hun hi Zosangliana Rokhum President Mizo Zirlai Pawl Headquaters Kolasib chuan kaihruaiin thu tawi sawina hun a hmang nghal a,  RM Lallianzama Finance Secretary in Pathian hneh ah tawngtaina neiin ,MZP Hqrs Adviser Pu Zomuanpuia Chhakchhuak in thu sawina a nei bawk.He hun hman zawh hnu hian Hmun riat(8) ah in sem darh nghal a nia, Mizo Zirlai Pawl Headquaters Kolasib leh Govt Kolasib College zirlaite an thawkchhuak.

He huna thu sawitu,Pu Zomuanpuia Chhakchhuak chuan,' Mizoram mipuite chuan kum 1966 Rambuai kha a chhe zawng a hriatrengna atam hle mai tiin, India sipaite kuttuar kan Nu leh Pa te, kan Pi leh Pu tam tak kan awm a, tun hnu a kan ngaihtuah let pawh in kan hun tawn rápthlak ber ani a ti. Tin, Nu leh Pa mai pawh nilovin Zirlaite thlengin kan tuar a, zalenna in rah behna huntawn rapthlak tak a ni ati bawk. Tin, tunhun kum zabi thar kan chuan kai hnuah Zirlaite'n hun tawn rapthlak tak kan tawng leh ta si a. Buaina siam tumlo Zirlai mi sawmruk(60)chuangin Assam Police te kut an tuar a, Zirlai leh tlawmngai a kal bungrua ken te chu dim na tel miah lo a suasam leh halral vek a ni. Tichuan, heng bungrua leh halral leh chhia te, hliam tuarte tan zângnadawmna sawrkar laipui leh Assam sawrkar ah hruaituten an dil a. Mahse, heng dilna te hi chhanna engmah dawn anih loh avangin rilru a buai tlang hle a, State sawrkar hotute thurawn bawhzui in Mizoram sawrkar hnenah dil leh hnuhnawh ani a, bungrua chhia leh halral hlutna ang diak diak hmuh beisei loh nachungin ,Zirlaiten kan sawrkar chu ngaihngam takin a nghak a. Amaherawhchu, chhanna duhawm lo tak Mizoram sawrkar ațanga kan dawn avangin châk lo leh huhphurh takin Vehbûr khawn kan rêl ta mai a ni. Tin, Zophai buaina kaihhnawih a bungrua hrang hrang-Thuamhnaw, mutbute, bungbel te leh mahni thuam thil Mobile Phone, Bike, Motor etc hlut zâwng an chhutchhuah tâk Rs 21,70,300/- pawh hi sawrkar lam ațanga a hlut zâwng chhûtchhuak vat tur in min tih vang a nia, a tak tak ah chuan heng ai hian a hlut zawng a tam daih tih kan hriat a țha hle a ni a ti a.

 

Pu Zomuanpuia Chhakchhuak chuan, Ramri chungchang buaina ah hmalak chhoh zel a ni a, chutiang mek lai chuan hnâm dang kan râm a hnathawk te um chhuak thei tur hian an thawh ai kan thawh ve a hun ta, kan dinhmun sang tak tak te hnâmdang in an luah zawng zawng te hi kan vêi a hun tak zet a," Khawnge Mizo tlangvâl ka awm alawm, Mizo nûla ka awm alawm, ka lo thawk ve tawh ange" ti thei tur in Zirlai kalkhawm te a fuih bawk.Tunah chuan Assam Police kuttuar te pawh an dâm tawh a, mahse hnâm dang kut tûar Zirlaite leh Mizo hnâm in kan tuar thlavâng hauh tu kan neilo hi a 'Nâ' lai ber chu a ni"'. He kan thinlûng hliam hi eng sûm leh pái mah in a tuam dam dawn lo' a  ti.

Mizo Zirlai Pawl Veadquaters Kolasib chuan Vehbur khawnna a tlawmngaia thawh saktu Kolasib mipui te chungah thinlung takin lawmthu an sawi a, Vehbûr khawnnaa kal Govt.Kolasib College zirlaite chungah lawmthu an sawi bawk a ni.