MZP Headquarters, Lunglei chuan Doctor an transfer te aiawh dah an nih ngei theih nan Dt 16-17th July 2018 khan Medical Superintendant Office kal tur a danga, Sorkar atang thu lawmawm hriattur a la awm loh avangin Dt 17th July 2018(Tuesday) Dar 3:00Pm khan MZP Headquarters, Lunglei Emergency Meeting neih a ni a, MZP ten Civil hospital, Lunglei-a Doctor an transfer te aiawh dah tura hma a lak mekna ah Sorkar-in Dt 13th July 2018 khan lehkha tichhuakin (No.A.22012/7/2014-HFW) ah Dr. T. Lalrintluanga Medicine(Specialist) Civil Hospital, Aizawl-a thawk lai chu Civil Hospital, Lunglei-a thawk tura ruahmanna a siam hi MZP Headquarters, Lunglei chuan lawmthu a sawi a.
Chutih mek lai chuan Doctor dang an transfer te aiawh tun thlenga dah an la ni lo chu MZP Headquarters, Lunglei Emergency Meeting chuan hriatthiam harsa a ti a. Chuvangin Dt 19th July 2018(Thursday) Dar 6:00Am atang chuan Lunglei kalpawhna kawngpui te dangin hma a lak chhunzawm dawn a ni. Civil hospital, Lunglei hi Lunglei mipui mai bak ah chhim lam mipuiten an pan khawm ber(Referral Hospital) pawimawh tak a ni tih hria a, Lunglei leh chhim lam mipuite in mi tawiawmna leh thlawpna MZP chuan a ngen a ni. Doctor transfer te aiawh dah a nih hma chu a tawp thlengin MZP chuan hma a lak chhunzawm zel dawn a ni.
Issued by: Mizo Zirlai Pawl Headquarters, Lunglei
No comments:
Thanks for your comment.