SAWLENG KHUAAH SCRUB TYPHUS VEI AN TAM, MI PAHNIHIN THIH PHAH TAWH

24th July, 2018 (MSR) : Tuivawl Constituency huamchhunga Sawleng khua-ah tunlai hian rannung seh Scrub Typhus vei an tam hle a, mi pahnih a thih phah tawh.
Sawleng khuaah hian tun thlatir atang khan rannung seh natna vei an awm tih an hre tan a, kar kalta tir lam khan mi 10 chuang rannung seh natna an vei tih hmuhchhuah a ni a, rannung seh vanga damlo zinga mi, July ni 12 khan RD Lalfakzeli, kum 11 mi chu a boral a, nimin piah khan Falkawn Hospital-ah Thangzalala kum 45 mi a boral leh a, niminah vui a ni.
Thisen test atangin scrub typhus hmuh belh an awm leh nual tawh a, tun hni hnih thum kalta chhungin rannung seh natna vei mi 7 hmuh chhuah belh leh an nih thu dawn a ni.
Sawleng bakah khaw thenawm velah pawh rannung seh natna vei hi hmuh an nih thu dawn a ni bawk a, Darlawn damdawiinah test kit an nghei niin hriat a ni.
Mizoramah 2012 atanga July 2018 thleng hian Scrub Typhus vei mi sanghnih dawn hmuhchhuah ni tawhin, hemi chhung hian mi 42 in an thihpui tawh a ni.

- MSR