Thai Official chuan july 10, thawhlehni khan Thai mipa naupang leh an coach te chu chhanchhuah vek an nih tawh thu a puang a. hemi rual hian, thil makthleng ta chu; a hnuhnung ber a chhuah hnu lawkah tui pump khawl a chhia nia thu dawn a ni. Lakchhuah an ni hmaa a chhe lo kha an vanneihna a ni.
Pathianni khan mi 4 lachhuakin, Oxygen tlakchham vangin an tawpsan lailawk a, Thawhtanni khan chhunzawm lehin mi 4 bawk an lachhuak leh a. Thawhlehni khan mi 5 lachhuakin chhanchhuah hna hi an zo ta a ni.
Fifa chuan mipa naupang chhanchhuah te hian Pathianni a World Cup Final khelh tur an en ve hman an beisei chu Doctor ten ni 7 tal damdawiinah an la hahdam a la ngai dawniin niin an sawi tak avangin an en hman dawn ta lo niin a sawi a.
Manchester United chuan heng naupangte hi season tharah Old Trafford a kal turin a lo sawm tawh bawk a ni. Manchester United hi naupang tang tam zawkin an tan emem niin thu kan dawng.
Mi 13, ni 18 chhung puk chhunga an tan hnua dam a an chhanchhuak vek thei kha Thai Navy lam pawhin mak an ti khawp mai a, " We are not sure if this is a miracle, a science or what" tiin an facebook page ah an dah a ni.
Buh chu ni 7 atanga ni 10 chhung tuiin a chim ang, a pawi lo, buh aiin Naupangte hi kan ngai pawimawh zawk.........tiin lo neitute chuan an buh hmun Puk atanga tui an pump chhuahin a chim chhiat tur chu hre rengin an sawi a.
An inpekna vangin Naupangte chhan an ni a.... tichuan........................
"Lo neitute zahngaihna hi kan zah a, leilet a tui hi kan pump kang hma chu let kan tum lo".... tui pump lama mawhphurte chuan an ti ve thung a..
"Ka duh chu naupangte nun hi a ni." tiin lawmman dang a duh lova, pawisa aia a ngaihpawimawh chu naupangte nung dama an chhuah kha nia sawiin, dam taka an chhuah kha a tan lawmmanah a chhiar thu Suratiin Chaichompoo chuan a sawi ve thung..
No comments:
Thanks for your comment.