THLAWHNA BO DAN MAK

(Khawvel in a Record Thlawhna bo langsar zualte)

SPECIAL POST

★Opeey-a khiangte

_______________________________________

Thlawhna chesual, tla tih thawm hi kan hre ta fo mai a. Chung zinga tam tak chu chin hriat lohva bo hlen an ni bawk. Thlawhna bo tam tak zinga 10 chu an chanchin tlemte i lo en ang. 

★10. Amelia Earhart’s Plane :

Amelia Earhart-i bo dan hi a mak hle a. Amah hi pilot niin, hmeichhe zinga Khawvel helchhuak hmasa bertu nih ngei tumin Thlawhna in a thlawk  chhuak a. Pacific Ocean chung zawn, khawilai emaw vela a thlawh laia bo niin an ngai ber. A bo atang chuan tun thlengin Hmuh a ni leh ta lo a ni. Nasa taka an zawn a, an beidawn atanga hun rei tak a inher leh hnuin, Nikumaroro Island-ah Cream bur a hmu a, chulai vel chu a thlawhna tlakna hmunah an ngai ta ngawt mai a ni.

★9. Flight 19 :

Flight 19 bona hmun khan Bermuda Triangle a hnaih hle a. Mi tam tak chuan, kha Thlawhna kha Bermuda Triangle-in effect pha niin an ring hle a ni. Second World War hun lai kha a ni a, a chin hriat zui theih a ni ta lo a ni.

★8. Stolen Boeing 727-223 Angola Plane :

He thlawhna bo dan pawh hi a mak khawp mai. Rin dan pakhatah chuan, tute emawin an hijack chak thin viau a ni awm e. An hijack ta ang a, an hruaibo ta daih a nih an ring a ni. Angola sawrkar meuh pawh beidawngin a chhan a hre thei ta lo a nih kha. Chutih rualin, hijacker-ho pawhin kha thlawhna kha an zawng hmu thei ta bik ngang lo niin an sawi.

★7. Star Ariel and Star Tiger :

Thlawhna pahnih Star Ariel leh Star Tiger te pawh kha kum 1948 khan, an pilbo hmiah a. Bermuda Triangle bawr vel a bo an nih avangin, Bermuda area chu pilot leh mipuiin an hlauh zual phah hle a ni.

★6. Flying Tiger Flight 739 :

Tiger Flight 739-ah khan American military atangin sipai 96 lai an chuang a. California atanga thlawkchhuakin Vietnam ram pan tum a ni.  Guam-ah thlawhna tui an thun a, Philippines-ah an tum leh bawk a. Chuta tanga a thlawkchhuak leh chu chin hriat lohvin a bo zui a. 200,000 square miles laia zau an zawng tak naa, a kehthem emaw, sulhnu emaw pawh chu hmuh tih a awm thei tawh lo a ni.

★5. Flight 370 of Malaysian Airlines :

Tun hnai maia thlawhna bo leh chu, Malaysian Airlines MH 370 kha a ni. March 8, 2015 khan a bo a, ram lian leh ram thiltithei tak takte'n an zawnpui a. tuipui chung zawna a zawngtute thlawh laiin Black Box signal pawh an dawng. Mahse, signal chu an man rei ta lo a ni. A kehthem awm ang hmuh tur a awm lo a, engtia bo nge tih lah hriat theih ni hek lo le, an beidawng titih der a ni. A hne daihah, a kehthem ni ngeia an ngaih chu a hmu leh ta chauh a nih kha.

★4. Glenn Miller’s plane :

band leader Glenn Miller leh a chuanna thlawhna chu December 15, 1944 khan a bo a, hmuhchhuah a ni leh tawh lo. Rin dan mai maiah chuan, Thlipuiin a nuai bo a nih hmel!

★3. Varig Boeing 737 :

Brazilian thlawhna Varig Boeing 737, Rio lam pan chu kum 1979 khan, Lemziak millions tela manto phur chungin a bo daih a. A chhunga chuangte pawh chu an bo hlen vek a, an tla nge ni ang, hijack em ni, nge ni, eng thil emaw in a hip bo zawk tih chu mi tam tak titi a ni ta ngawt mai a ni.

★2. DC-4 Canadian Pacific Air Lines :

July 21, 1951 khan, Vancouver  atanga Tokyo khawpui lam pan thlawhna pawh a bo hmiah mai a. Thli na tak tlehin a len bo a nih an ring ber a, Nasa takin an zawng a. Mahse, DC-4 Canadian Pacific Air Lines jet sulhnu chu hmuh tur a awm lo va, a chhunga chuang Canadian crew mi 6 leh passengers 31-te chu an bo hlen ta thak a ni.

★1. Lake Michigan crash of 1950 :

kum 1950 khan, Lake Michigan chung zawna thlawhna thlawk a tla bo a. Tin, Passenger 58 phur a ni. Nasa taka an zawn hnuin, Ruang taksa bung leh them an chhar nual nachungin, Thlawhna kehthem erawh hmuh a ni tlat lo. New York atanga Minnesota pan a ni a, a tlak chhan awm hriat theih a ni ta lo a ni.

_________________________________________