Aizawl | August 14, 2018: Mizoram rawn tlawha
Aizawla cham mek, Union Minister of State for
Agriculture & Farmers' Welfare Pi Krishna Raj chuan vawiin August
14, 2018 khan CMO Conference Hall –ah thutharthehdarhtute kawmin Mizoram a rawn
zin chungchang a sawi.
Pi
Krishna Raj chuan, “ Mizoram mipuite that zia leh mizoram nuam a tih zia a sawi
a.” ram nuam tak a nih thu a sawi
Minister
chuan,PM Narendra Modi chuan Look East policy ngaipawimawhin, Ministerte chu
North east mipuite hmasawnna atana hna thawk turin a chah thu a sawi a. Vawiin
khan Mizoram state tan ‘Animal Ambulance’ pahnih hlan a nih thu a sawi a. Ran vulhtute’n an tangkaipui hle dawn niin a
sawi a.
Union Minister chuan RKVY scheme hnuaia Mizoramin Project 111 , an duan an thehluh chu a vaia pawm a nih thu
leh hemi atan hian cheng vaibelchhe 11.87 chu pek tura pawm a nih thu leh heng
hmang hian kuthnathawktuten hma an sawn ngei dawn a ni a ti. Sawrkar laipui leh state
intumsem dan tur pawh state dang a 75:25 ni thin chu Mizoram tan 90:10 a
tihhniam sak a rem ti bawk.
Central
hnuai-ah animal husbandary le fishery ah scheme tamtak a awm a, Kuthnathawktute
hmasawnna turin sawrkarin ngaihven a, Mizoram-ah dil leh lui tha tak tak te tam avangin Sangha chi
thlahna hmun siama Sangha note tam tham tak thar a har dawn lo a, hetianga tih
a nih chuan Sangha khawitute sum lakluh nasa takin a pung thei dawn a, Hemi kawngah hian Chief Minister leh sorkar hnathawkte chu project siama sorkar
laipuia thehlut turin thu a râwn rualin a lo bawhzui tur thu a sawi.
Pi Krishna Raj chuan Mizoram-ah Blue Revolution
thlentir theih a nia a. Oil Palm chingtute tanpui an nih theih nan hemi
chungchang ngaihtuah tur hian hmarchhak state Agriculture Minister zawng zawng
koh khawm a rilruk thu pawh a sawi a. Oil Palm Refinery din tura dilna pawh a
lo ngaihtuah zui tur thu a sawi bawk.
Kum 2022 ah chuan Kuthnathawktute
lakluh a letin a pung dawn niin a sawi a. Kuthnathawktute tan Inkalpawhna bakah
hma an lak zelna turin ziakin centralah a thehluh tur thu a sawi bawk a ni.
Minister tawiawmtu Chief Minister
Pu Lal Thanhawla pawhin thu sawiin, Oil palm chu sorkarin a tuipui hle a,
Refinery din an lo dilna te, inkalpawhna kawng tha zawk sial an lo dilna te
Minister hian lo ngaihtuah a intiam thu a sawi a. Union Minister-in Mizoram a
rawn tlawh chu state-in a hlawkpui ngei a beisei thu a sawi a ni.
Pi
Krishna Raj-i hian vawiin khan MULCO Dairy Plant, Thuampui mi chu a tlawh a.
Mizoram chu Organic Farming atana ram tha a ni a, India ram hmun tam tak aiin
hmun duhawm a ni, a ti a.
World Health Organization-in mi pakhat tan ni khatah Bawnghnute gram 250 mamawh anga a chhut laia Mizoram-ah mi pakhat tan ni tin gram 30 atanga 40 thar chhuah a ni chu a tlem lutuk a, tan lak a ngai a ni, a ti.
World Health Organization-in mi pakhat tan ni khatah Bawnghnute gram 250 mamawh anga a chhut laia Mizoram-ah mi pakhat tan ni tin gram 30 atanga 40 thar chhuah a ni chu a tlem lutuk a, tan lak a ngai a ni, a ti.
Vawiin
vek khan Chief Minister Pu Lal Thanhawla chuan a chenna Bungalow-ah Pi Raj-i
leh a pasal Virendra Kumar Raj te chu kawmin, Mizoram kuthnathawktute hamthatna
tura hmalaknate an sawi dun a.
Chief
Minister chuan Union Minister hnenah hian kuthnathawktute mamawh hrang hrang
thlen in, Agriculture Market Road siam chu hmarchhak state te tan a special
package a dah te, Oil Palm Fresh Fruit Branch leina Minimum Support Price
chungchang te, thawnchhuahna chawi tihtlem te, India hmarchhak state te tan a
marketing strategy hranpa siam te leh Mizoramah zau zawka Organic Farming
kalpui theih dan tur te a sawipui a.
Agriculture
Department in Mizorama link road awm te all-weather road a thlak tura a dilna
chu Union Minister hian bawhzui dan tur lo ngaihtuah pui a tum thu Chief
Minister hi a hrilh bawk a ni. Oil palm sawngbawlna tur Refinery pawh India
hmarchhak state te tan din a nih thuai theih nan hmalak pui a tum thu a sawi
bawk.
No comments:
Thanks for your comment.